སློབ་གསོ། མཁས་དབང་ཟམ་གདོང་རིན་པོ་ཆེའི་གསུང་དུམ་བུ་ཞིག

ཐེངས་ 11469 བཀླགས་འདུག

ཕྱོགས་གཞན་ནས་སྤྱི་ཚོགས་ཀྱི་ཚོར་བ་དང་། མི་ཚེའི་ཚོར་བ་དང་། ཆོས་ཀྱི་ཚོར་བ་ཞེས་བཤད་བསྡད་པ་དེ་ཚོ་མི་ཚེའི་ཚོར་བ་དང་སྤྱི་ཚོགས་ཀྱི་ཚོར་བ། ཆོས་ཀྱི་ཚོར་བ་ལ་ལྟ་བའི་མིག་དེས་མིག་ཤེལ་གང་འདྲ་ཞིག་གྱོན་འདུག་བལྟ་རྒྱུ་གལ་ཆེ། མིག་ཤེལ་ནག་པོ་གྱོན་མཁན་ཞིག་གིས་དང་པོ་ནས་ཁ་དོག་མི་འདྲ་བ་ཞིག་མཐོང་གི་ཡོད་པ་དང་། མིག་ཤེལ་དཀར་པོ་གྱོན་མཁན་གྱིས་དང་པོ་ནས་ཚོས་མདངས་མི་འདྲ་བ་ཞིག་མཐོང་བ་ཡིན། མིག་ཤེལ་ཕུད་ནས་བལྟས་པའི་སྐབས་སུ་མིག་རྣལ་མ་དེས་ཕྱིའི་དངོས་པོ་དེ་ཡང་ཁོ་རང་ལ་མིག་གི་ནུས་པ་གང་འདྲ་ཡོད་པ་ནང་བཞིན་མཐོང་ཐུབ་པ་ཡིན། དེར་བརྟེན་སྤྱི་ཚོགས་ཀྱི་ཚོར་བ་དང་གང་ཟག་བྱེ་བྲག་པའི་ཚོར་བ་ལ་ལྟ་མཁན་གྱི་གང་ཟག་གི་མིག་དེ་ལ་དང་པོ་ནས་མིག་ཤེལ་གྱོན་འདུག་གམ་མི་འདུག་བསམ་བློ་གཏང་དགོས་རྒྱུ་དེ་གལ་ཆེན་པོ་ཡིན།

ཆོས་ཀྱི་གནས་ཚུལ་རྩ་བ་ནས་མི་ཤེས་པའི་གང་ཟག་ཅིག་གིས་དཔེ་ཆ་ཞིག་ཀློག་པའི་སྐབས་སུ་ཁོ་རང་གིས་མ་ཤེས་པ་ཞིག་བྱུང་ན། དེ་ཆོས་ཀྱི་སྐད་ཆ་ཞིག་ཡིན་ནོ་བསམ་སྲིད་པ་དང་། དེང་རབས་ཀྱི་སྤྱི་ཚོགས་ལྟ་སྟངས་མ་ཤེས་པ་དེ་ཚོས་སྤྱི་ཚོགས་ཀྱི་གནས་ཚུལ་བཤད་ཡོང་དུས་འདི་འཁོར་བའི་སྡུག་བསྔལ་དང་ཉེས་དམིགས་ལྟ་བུ་ཞིག་བཤད་ཀྱི་ཡོད་པ་བསམ་སྲིད། དེས་ན་ལྟ་མཁན་གང་ཟག་དེས་ལྟ་སྟངས་ཀྱི་ཁྱད་པར་ཤེས་དགོས་རྒྱུ་དེ་གལ་ཆེན་པོ་ཡིན། ད་དུང་དེ་དག་ལས་སྐད་ཆ་འཕྲོས་ན་མང་པོ་ཞིག་ཞུ་རྒྱུ་ཡོད་ནའང་ད་ནི་དུས་ཚོད་མི་འདུག་པས་འདིར་མཚམས་འཇོགས་གི་ཡིན།

༼རྩོམ་རིག་སྤྱི་དང་བྱེ་བྲག་བོད་ཀྱི་རྩོམ་རིག་གི་སྐོར་ལ་གནང་བའི་གསུང་བཤད་འདི་བཞིན་༡༩༩༣ལོར་བཐོ་སློབ་བདེ་དོན་གྱིས་གོ་སྒྲིག་བྱས་པའི་གསུང་བཤད་ནས་ཕབ་པ།༽