ཨ་ནུའི་རྩོམ་བསྡུས་ཨེཀ་ཐིརིའི། (A3)

ཐེངས་ 77086 བཀླགས་འདུག

ཨ་ནུའི་རྩོམ་བསྡུས་ཨེཀ་ཐིརིའི།(A3)

ཁྲིམས་དཔོན་གྱི་རྐུབ་སྟེགས་ཤོར་བའི་གདུང་འབོད་ནི་ཁོ་ཚོ་ལ་རྒྱབ་སྐྱོར་བྱེད་མཁན་ཚོའི་མྱ་ངན་ཞུ་སྟངས་ཤིག་ཡིན།             

 ——-ཨ་ནུ་ཐང་བསོད་ནམས། ༨/༤/༢༠༢༡ 

ང་ཚོས་གལ་ཆེན་དུ་འཛིན་པའི་ཇ་དངོས་ཤིག་བརླགས་ཚེ། དང་པོ་དེ་ལྟར་བརླགས་པ་ངོས་ལེན་མི་བྱེད་ཅིང་། རྗེས་སུ་དེ་བརླགས་པར་ངོས་ལེན་བྱས་ནས། དེ་ལྟར་བརླགས་དགོས་བའི་རང་གཞན་གཉིས་ཀྱི་བྱ་སྤྱོད་ལ་ཁོང་ཁྲོ་ཟ་ནས་གདུང་འབོད་བྱེད་ཀྱི་ཡོད། ད་ལྟ་ཁོ་ཚོ་མང་པོ་ཁོང་ཁྲོ་ཟ་བའི་དུས་ལ་སླེབས་ཡོད། འདི་ནས་མར་ལ་ཕྱིན་ན། ཁོ་ཚོ་སེམས་ཁྲལ་བྱུང་ཞིང་། སེམས་ཁྲལ་གྱི་རྗེས་སུ་འགྱོད་པ་སྐྱེས་ངེས་རེད། འགྱོད་པ་ཡི་ཁྲོད་ཁོ་ཚོས་སེམས་སུ་གལ་སྲིད་ཁྲིམས་དཔོན་ཚོས་རང་སྣང་གང་དྲན་གྱིས་སྤྱི་འཐུས་ཕུད་པའི་བཀའ་མ་བཏང་ན། ཁྲིམས་དཔོན་ཚོའི་གོ་གནས་ཤོར་དགོས་དོན་མེད་ལ། གལ་སྲིད་སྤྱི་འཐུས་ཚོས་འོས་ཤོག་མ་བླུགས་ན། ཁྲིམས་དཔོན་ཚོ་མར་ལ་གཡུག་དགོས་དོན་མེད་པའི་བསམ་བློ་འཁོར་ངེས་རེེད། འདིའི་རྗེས་སུ་རིམ་བཞིན་ཁོ་ཚོས་ཐབས་ཤེས་ཅི་ཡང་མེད་པ་ཤེས་ནས་ཁྲིམས་དཔོན་གྱིས་རྐུབ་སྟེགས་ཤོར་བ་ཡོངས་སུ་ངོས་ལེན་བྱེད་ངེས་རེད། དེར་བརྟེན། རང་གིས་གལ་ཆེན་དུ་འཛིན་པའི་བྱ་དངོས་གང་ཞིག་བརླགས་པ་ཡིན་ན། མྱ་ངན་གྱི་རྒྱུད་རིམ་ལྔ་འདི་རྒྱུད་དགོས་བས། ཁོ་ཚོས་རྒྱུད་རིམ་འདི་དག་རྒྱུད་ཀྱི་ཡོད་པ་ལས། གཞན་པའི་རྒྱུ་མཚན་མེད། ཁོ་ཚོ་སེམས་པ་སྐྱོ་བས་རེད། སེམས་མགོ་མ་ནོན་པས་རེད།

བཙན་བྱོལ་གྱི་རྩ་ཁྲིམས་ང་བརྒྱད་པའི་དོན་ཚན་དང་པོའི་ནང་དུ་” སྤྱི་འཐུས་ལྷན་ཚོགས་ཀྱི་ལས་དོན་གང་ཞིག་ཚད་ལྡན་ཡིན་མིན་དང་། ཐག་གཅོད་བྱེད་ཕྱོགས་ལྷན་ཚོགས་ཀྱི་སྒྲིག་གཞི་དང་མཐུན་མིན་ལ་བསྙད་དེ་ཁྲིམས་ཞིབ་ཁང་གིས་རྩད་བྱེད་མི་ཆོག” གསུངས་འདུག

བཙོན་བྱོལ་བོད་མི་ལ་རྩ་ཁྲིམས་དོན་ཚན ༡༡༥ ཡོད། བཅའ་ཁྲིམས ༦༧ ནི་ཁྲིམས་གཞི་ཁང་གིས་གསར་དུ་བཟོས་བའི་ཁྲིམས་ལུགས་ཤིག་ཡིན་པ་ལས་རྩ་ཁྲིམས་སུ་གྱུར་མེད་པ་མ་ཟད། རྩ་ཁྲིམས་ཀྱིས་དེ་ངོས་ལེན་བྱས་མེད་པས། བཅའ་ཁྲིམས་དེ་ནི་ཁྲིམས་འགལ་དུ་གྱུར་ཡོད། རྒྱུ་མཚན་ནི། ཁྲིམས་དཔོན་ལ་ཁྲིམས་བཟོ་བའི་རང་དབང་མེད།

ཨ་རི་ལྟ་བུ་ཡིན་ཡང་ཁྲིམས་དཔོན་གྱིས་ཉེས་བ་བསགས་སྐབས་སུ་གྲོས་ཚོགས་འོག་མའི་མང་ཤོས་དང་། གྲོས་ཚོགས་གོང་མའི ༧༠% ཡི་རྒྱབ་སྐྱོར་ཡོད་ན་ཁྲིམས་དཔོན་གནས་དབྱུང་དུ་བཏང་ཆོག སྲིད་འཛིན་ལ་གྲོས་ཚོགས་གོང་མའི ༥༡% དང་གྲོས་ཚོགས་གོང་མའི ༦༠% ཡོད་ན། གནས་དབྱུང་བཏང་ཆོག ཁྲོ་རྒན་མང་གཙོ་ཚོགས་པས་ཕུད་སྙམ་ཡང་། གྲོས་ཚོགས་གོང་མའི་ནང་དུ ༦༠% མ་ལོངས་བས་ཐེངས་གཉིས་ལ་ཕུད་ཐུབ་མེད།

༢༠༡༩ ལོར་ཨ་རིའི་མང་གཙོ་ཚོགས་པའི་སྤྱི་འཐུས་ཁག་ཅིག་གིས་ཆེས་མཐོའི་དཔོན་ཁྲིམས་ Brett Kavanaugh ཡིས་ལོག་གཡེམ་བྱས་འདུག་ཟེར་ནས་ཕུད་ཐབས་བྱས་ཀྱང་། སྤྱི་འཐུས་མང་པོའི་རྒྱབ་སྐྱོར་མ་ཐོབ་པས་ཕུད་ཐུབ་མེད། ད་ལྟ་བཙན་བྱོལ་གྱི་ནང་དུ་སྤྱི་འཐུས ༧༡% རྒྱབ་སྐྱོར་ཐོབ་པས། ཁྲིམས་དཔོན་ཚོ་ཕུད་ཡོད། དེར་བརྟེན། དེ་ནི་ཁྲིམས་མཐུན་དུ་གྱུར་ཡོད། སྤྱི་འཐུས ༧༠% རྒྱབ་སྐྱོར་ཐོབ་རྒྱུ་ལས་སླ་བོ་མ་རེད། དེ་ནི་སྤྱི་འཐུས་རེ་ཟུང་ཙམ་མིན་པ་སྤྱི་འཐུས་མང་ཤོས་ཀྱི་མང་ཤོས་ཀྱིས་རྒྱབ་སྐྱོར་བྱས་བས་མང་གཙོའི་ཁྲིམས་དང་ཡོངས་སུ་མཐུན་ཡོད། མ་རེད་ཟེར་མཁན་རྣམས་ནི་ཧམ་བཤད་དང་མང་གཙོ་གཏོར་མཁན་ཡིན།

ཨ་རིའི་ལོ་རྒྱུས་ཀྱི་ནང་དུ་ཆེས་མཐོའི་ཁྲིམས་དཔོན་གནས་དབྱུང་དུ་བཏང་བའི་གནད་དོན་གཅིག་བྱུང་ཡོད་ཅིང་། དེ་ནི ༡༨༠༥ ལོར་ Samuel Chase ལ་གནས་དབྱུང་དུ་བཏང་ཐབས་བྱས་ཡོད། གྲོས་ཚོགས་འོག་མས་ཁོ་གནས་དབྱུང་དུ་བཏང་རྒྱུ་ཐག་བཅད་ཀྱང་། གྲོས་ཚོགས་གོང་མས་ཁོ་ལ་གུ་ཡང་བཏང་ཡོད། དེར་བརྟེན། ཁོ་ཕུད་ཐུབ་མེད། བཙན་བྱོལ་བའི་ལོ ༡༠ མང་གཙོའི་ནང་དུ་གནས་དབྱུང་བཏང་བའི་གནད་དོན་བྱུང་ཡོད། དེ་ནི་ཁྲིམས་དཔོན་ཚོ་འདུག་ཚོད་མ་ཟིན་པས་ཁྲིམས་ལུགས་གང་བྱུང་གིས་སྐུ་དབང་ལམ་ལུགས་ལྟར་བེད་སྤྱོད་བཏང་བས་རེད།

ཁྲིམས་ལུགས་ཞིབ་འཇུག་པ་ཁག་ཅིག་གིས་གྲོས་ཚོགས་གོང་འོག་གཉིས་མ་རྒྱུད་པ་ཁྲིམས་དཔོན་གནས་དབྱུང་བཏང་བའི་ལོ་རྒྱུས་དབྱིན་ཇི་རུ་དུས་རབས ༡༧ ནང་ཕལ་ཆེར་གཅིག་བྱུང་ཡོད་ལ། ཨ་རིའི་གྲོས་ཚོགས་འོག་མས ༡༨༩༠ ཐེངས་གཅིག་བྱུང་ཡོད་སྲིད། འོན་ཀྱང་། འདས་བའི་དུས་རབས་གཉིས་ཀྱི་རིང་དུ་ཨ་རིའི་ནང་དུ་གྲོས་ཚོགས་གོང་འོག་གཉིས་མ་རྒྱུད་པ་ཁྲིམས་དཔོན་གནས་དབྱུང་དུ་བཏང་བའི་ལོ་རྒྱུས་བྱུང་མེད།

 གང་ལྟར་མང་གཙོའི་རྩ་ཁྲིམས་ཁྲོད་དུ་མང་གཙོའི་ཀ་བ་གསུམ་ལས་གལ་ཆེ་ཤོས་ནི་མི་མང་གི་གདམ་པའི་སྤྱི་འཐུས་ཚོ་ཡིན་པས། སྤྱི་འཐུས་ཀྱིས་ཁྲིམས་ལྟར་ཐག་གཅོད་བྱས་བ་ནི་ཡོངས་སུ་ཁྲིམས་མཐུན་དུ་གྱུར་ཡོད། ཐ་ན་གནད་འགག་གི་སྐབས་སུ་སྤྱི་འཐུས་ཚོས་ཁྲིམས་དཔོན་གྱི་ཚབ་ཏུ་འོས་ཤོག་འཕངས་ནས་ཐག་གཅད་ན་ཆོག་པས། ཨ་རིའི་སྲིད་འཛིན་གནས་དབྱུང་བཏང་སྐབས་སུ་ཡང་སྤྱི་འཐུས་ཚོས་འོས་ཤོག་འཕང་ནས་ཐག་བཅད་ཡོད། ཁྲིམས་དཔོན་ཚོས་ཐག་གཅད་མེད། ཁག་ཅིག་གིས་མི་མང་གིས་འོས་ཤོག་འཕང་ནས་ཐག་གཅོད་དགོས་ཚུལ་བརྗོད་ཀྱང་། དེ་ནི་མང་གཙོའི་འགྲོ་སྟངས་མ་ཤེས་བས་ཡིན། མང་གཙོའི་ཁྲིམས་ཀྱི་དབང་ཆ་ནི་མི་མང་གི་ལག་ཏུ་མེད་པ། མི་མང་གིས་གདམ་པའི་སྤྱི་འཐུས་ཚོས་ལག་ཏུ་ཡོད། རྒྱུ་མཚན་ནི། མི་མང་གིས་ཁྲིམས་ལུགས་ཀུན་མི་ཤེས་བས། ཁོ་ཚོས་དེཤེས་མཁན་གྱི་སྤྱི་འཐུས་བདམ་ཡོད་པས་རེད། དེ་ནི་ཁྲིམས་རྩོད་བྱེད་སྐབས་སུ་ཁྲིམས་རྩོད་པ་གླས་བ་ལྟ་བུ་ཡིན་པས། སྤྱི་འཐུས་ནི་མི་མང་གི་ཚབ་ཀྱི་ཁྲིམས་རྩོད་པ་ཡིན། གལ་སྲིད་མི་མང་གིས་ཐག་གཅོད་དུ་འཇུག་པ་ཡིན་ན། གྲངས་ཉུང་གི་ཐོབ་རང་ལ་མི་བརྩི་བ་མི་མང་ཤོས་ཀྱི་འདོད་པ་ལྟར་འགྲོ་བས་མང་གཙོ་སྒེར་གཅོད་པ་འགྱུར་བས་རེད། ལྷག་པར་དུ་མང་གཙོའི་ཀ་བ་གསུམ་ལས་མི་མང་ལ་ཐག་ཉེ་ཤོས་ནི་སྤྱི་འཐུས་ཡིན་པས། སྤྱི་འཐུས་ནི་ཀ་བ་གསུམ་གྱི་ནང་ནས་གལ་ཆེན་དུ་གྱུར་ཡོད།

a majority of the members of the United States House of Representatives vote to impeach, the impeachment is referred to the United States Senate for trial. A conviction requires a two-thirds vote in the Senate.[2] The individual may or may not then stand trial in a criminal court as well, before a jury of his peers. Often the two procedures occur together. In the criminal trial he may be punished with fines and/or incarceration.

The only Justice to be impeached was Associate Justice Samuel Chase in 1805. The House of Representatives passed Articles of Impeachment against him; however, he was acquitted by the Senate.

https://www.supremecourt.gov/about/faq_general.aspx

https://en.m.wikipedia.org/wiki/Impeachment_investigations_of_United_States_federal_judges

https://www.vox.com/platform/amp/policy-and-politics/2019/9/16/20867558/remove-supreme-court-brett-kavanaugh-no-impeachment

ཟམ་གདོང་རིན་པོ་ཆེའི་མང་གཙོའི་ཀ་བ་གསུམ་ལས་སྤྱི་འཐུས་གལ་ཆེན་ཡིན་པ་རྟོགས་ཡོད་ཀྱང་། མི་གསུངས་བ་ཅི་ཡིན་ནམ། 

            ——-ཨ་ནུ་ཐང་བསོད་ནམས། ༩/༤/༢༠༢༡

དེ་སྔོན་ཟམ་གདོང་རིན་པོ་ཆེས་ཁྲིམས་བཟོས་མཁན་ནི་གྲོས་ཚོགས་ཡིན་པས། ཁྲིམས་ལ་འགྲེལ་བཤད་རྒྱབ་པའི་ཐོབ་ཐོང་གྲོས་ཚོགས་ལ་ཡོད་ཚུལ་གསུངས་ཡོད་ཀྱང་། ད་ལྟ་དེ་ལ་ཁས་བྱེད་ཀྱི་མེད་པ་མ་ཟད། ཁྲིམས་ཁང་ཀ་བ་གསུམ་ལས་གལ་ཆེན་ཡིན་པ་ལྟ་བུ་གསུངས་འདུག ལྷག་པར་དུ་ཁོང་གིས་སྐབས་དེ་དུས་ཀྱི་གནས་ཚུལ་ཡག་པོ་དྲན་གྱི་མི་འདུག་གསུངས་ཀྱི་འདུག་ཀྱང་། དྲན་གྱི་ཡོད་པ་མ་ཟད། སྐབས་དེའི་གནས་ཚུལ་ཀུན་ཁ་གསལ་གསུངས་ཀྱི་འདུག དོན་དངོས་ཁོང་གིས་མང་གཙོ་ཀ་བ་གསུམ་ལས་གྲོས་ཚོགས་གལ་ཆེ་ཤོས་ཡིན་པ་ཤེས་འདུག་ལ། དེ་ལྟར་ཡོད་པའི་སྒྲུབ་བྱེད་ནི་ཁོང་གིས་དེ་སྔོན་གསུངས་ཡོད་པ་མ་ཟད། བཙན་བྱོལ་བོད་མའི་རྩ་ཁྲིམས་ཀྱང་གྲོས་ཚོགས་དབུས་ལ་བཞག་ནས་བཟོས་ཡོད་པ་ཁོས་ངོས་ལེན་བྱས་འདུག དེའི་མང་གཙོའི་རྒྱལ་ཁབ་རྣམས་སུ་རྒྱལ་ཁབ་དང་། ཚོགས་པ་ལ་དཀའ་ངལ་འཕྲད་སྐབས་སུ་སྐྱོབ་མཁན་ངོས་ནི་གྲོས་ཚོགས་ཡིན། རྒྱུ་མཚན་ནི། གྲོས་ཚོགས་ནི་མི་མང་གི་སྐུ་ཚབ་ཉེ་ཤོས་དེ་ཡིན་པས་རེད། ཁྲིམས་དཔོན་ནི་དེ་ལས་ལྡོག་སྟེ་མི་མང་དང་ཐག་ཤོས་ཡིན། བདེན་ཏེ། ཁྲིམས་དཔོན་ཚོ་མི་མང་གིས་བདམས་མེད་པས་རེད། འོན་ཀྱང་། ཟམ་གདོང་རིན་པོ་ཆེས་ད་ལྟ་གྲོས་ཚོགས་གལ་ཆེ་ཤོས་རེད་ཟེར་ནས་གཏན་ནས་གསུངས་ཀྱི་མི་འདུག དེ་ནི་དྲང་བོ་མ་རེད།

ཨ་རི་ལྟ་བུ་ཡིན་ན། མང་གཙོའི་ཀ་བ་གསུམ་ལས། མི་མང་ཐག་ཉེ་ཤོས་ནི་སྤྱི་འཐུས་ཡིན་པས། སྤྱིནའཐུས་ནི་ཀ་བ་གསུམ་ལས་གལ་ཆེན་ཡིན། སྔ་ལོར་ཨ་རིའི་རྗོ་རྗེ་ཡའི་མངའ་སྡེ་སོགས་མངའ་སྡེ་དུ་མས་ཡུལ་དེའི་གྲོས་ཚོགས་ལ་སྐད་ཆ་མ་དྲིས་བ་ཁྲིམས་དཔོན་དང་། མངའ་སྡེའི་བློན་ཆེན་གྱིས་འོས་བསྡུའི་སྒྲིག་གཞི་གསར་བ་བཟོས་བས་དེ་ཁྲིམས་འགལ་དུ་གྱུར་ཡོད། དེར་བརྟེན། ད་ལྟ་རྗོ་རྗེ་ཡའི་མངའ་སྡེའི་གྲོས་ཚོགས་ཀྱིས་ཁྲིམས་ལུགས་དེ་ལ་བསྐྱར་བཅོས་བཏང་ཡོད། འོན་ཀྱང་། ཟམ་གདོང་རིན་པོ་ཆེ་ཡིན་ན། མཚམས་རེ་ཁྲིམས་དཔོན་ལ་ཁྲིམས་ལུགས་བཟོ་བའི་དབང་ཆ་ཡོད་ཚུལ་གསུངས་འདུག་པས། དེ་ནི་མང་གཙོ་ཡང་དག་གི་འགྲོ་སྟངས་ཤིག་མིན་པ་གསལ་བོ་རེད། རྒྱུ་མཚན་ནི་ཁྲིམས་དཔོན་ནི། ཁྲིམས་ལ་སྟངས་འཛིན་བྱེད་མཁན་ཡིན་པ་ལས། ཁྲིམས་ལུགས་བཟོ་མཁན་མིན་པས་ཡིན། འོན་ཀྱང་། ཁྲིམས་དཔོན་གསུམ་དུས་གཅིག་ཏུ་འཕོ་འགྱུར་བཏང་མི་ཆོག་གསུངས་འདུག དེ་ནི་རྩོད་པ་ཅན་རེད། གལ་སྲིད་ཁྲིམས་དཔོན་ཀུན་གྱིས་ཉེས་བ་བསགས་པ་ཡིན་ན། ཚང་མའི་ནང་ནས་རེ་ཟུང་ལས་བརྗེ་སྤོ་མི་བྱེད་པ་འཇོག་དགོས་བ་ཡིན་ནམ། ཡང་མིན་ན། ཚང་མ་ལ་ཉེས་བ་མི་བཏང་བ་འཇོག་དགོས་བ་ཡིན་ནམ། ཡང་མིན་ན། ཁྲིམས་དཔོན་ཚོ་རེ་རེ་བཞིན་བརྗེ་སྤོ་བྱེད་དགོས་བ་ཡིན་ནམ། དེ་དོན་ལ་ཟམ་གདོང་རིན་པོ་ཆེས་དགོངས་ཚུལ་ཅི་ཡང་མ་གསུངས་ཁར། གསར་འགོད་པས་ཀྱང་། དེ་དོན་ལ་དྲི་བ་བཏང་མ་སོང་།

མང་གཙོ་མཚོན་ན། མང་གཙོའི་ཀ་བ་གསུམ་ལས་གཅིག་མེད་པ་འགྱུར་བ་ནི་མང་གཙོའི་རྒྱལ་ཁབ་ཚོའི་ནང་ཡོང་སྲིད་ཅིང་། ཡོ་རོབ་ཀྱི་ནང་དུ་སྲིད་གཞུང་གནས་དབྱུང་དུ་བཏང་བས། བདུན་ཁ་ཤས་ལ་སྲིད་གཞུང་མེད་པའི་གནས་སྐབས་ཡང་ཡང་བྱུང་གི་ཡོད། འོན་ཀྱང་། རྒྱལ་ཁབ་སོ་སོའི་ཆབ་སྲིད་ཀྱི་འགྲོ་སྟངས་ཅུང་མི་འདྲ་བས་ཚང་མ་གཅིག་ཏུ་འཇོག་དཀའ་ཡང་། སྲིད་གཞུང་མེད་པར་གྱུར་ན། རྗེས་སུ་གྲོས་ཚོགས་ཀྱིས་ཡང་བསྐྱར་སྲིིད་གཞུང་འདེམ་གྱི་ཡོད། ཁྲིམས་དཔོན་ཡིན་ཡང་། དེ་ལྟར་ཡིན། གྲོས་ཚོགས་དང་བཀའ་ཤག་གིས་ཡང་བསྐྱར་འདེམ་ཆོག དེར་བརྟེན། གྲོས་ཚོགས་ཀྱིས་བཀའ་ཤག་ལ་རེ་བ་ཞུས་ཤིང་། བཙན་བྱོལ་བའི་ཁྲིམས་ཀྱི་འགྲོ་ལུགས་ལྟར་འོས་བསྡུ་ཡི་རྗེས་སུ་སྲིད་སྐྱོང་གིས་མགྱོགས་པོར་ཁྲིམས་དཔོན་གསར་བ་འདེམ་ན་ལེགས། གང་ལྟར་ད་ལྟའི་གནད་འགག་གི་སྐབས་སུ་ཟམ་གདོང་རིན་པོ་ཕེབས་ནས། ཁྲིམས་དཔོན་ཚོའི་ཕྱོགས་སུ་ལངས་ནས་བཀའ་མོལ་གནང་བ་ནི་ཡག་པོ་མ་རེད། རྒྱུ་མཚན་ནི། ཁོང་གི་དགོངས་བ་ལྟར་ཕྱིན་ན། ཁྲིམས་དཔོན་རྣམས་ཀྱི་དབང་ཆ་ཆེ་དྲགས་ནས་སྒེར་གཅོད་པ་རུ་འགྱུར་བས་ཡིན། གཅིག་བྱས་ན། ཁོས་འདི་ནི་མུ་མཐུད་དུ་བོད་པ་རྣམས་ཁྲིམས་དཔོན་དང་། དེ་འབྲེལ་གྱི་མི་ཁ་ཤས་ཀྱིས་སྒེར་གཅོད་བྱེད་པའི་ཆེད་དུ་ཡིན་སྲིད། རྒྱུ་མཚན་ནི། ཁྲིམས་དཔོན་གྱི་དུས་ཡུན་ལ་ཚད་བཀག་མེད་པས། དེ་ལ་གཞན་གྱིས་སྟངས་འཛིན་བྱེད་བདེ་བས་ཡིན། དེ་ལྟར་ཡིན་ན། ཉིན་གཅིག་ཁྲིམས་དཔོན་ཚོ་ཡང་རྒྱ་ནག་ལྟ་བུ་ལག་ཏུ་ཤོར་བ་ཡིན་ན། སྐབས་དེར་བཙན་བྱོལ་བ་ཚར་བ་རེད། རིན་པོ་ཆེ། དགོངས་བཞེས་ལེགས་པོ་གནང་རོགས།

ཟམ་གདོང་རིན་པོ་ཆེས་གྲོས་ཚོགས་ཀྱིས་ཁྲིམས་འགལ་བྱས་འདུག་ཟེར་ནས་ཐག་བཅད་མེད། ཐག་བཅད་ཀྱང་། ཁོ་ལ་སྒེར་གྱི་བསམ་ཚུལ་ལས། ཁྲིམས་མཐུན་གྱི་དབང་ཆ་མེད། ཁྲིམས་མཐུན་གྱི་དབང་ཆ་ཡོད་མཁན་ནི་གྲོས་ཚོགས་ཡིན། གཅིག་བྱས་ན། བཀའ་ཤག་གིས་དེ་ལ་བསམ་ཚུལ་བཏང་ཆོག་ངེས་རེད། འོན་ཀྱང་། མཐའ་མའི་ཐག་གཅོད་ནི་གྲོས་ཚོགས་ལ་ཐུག་ཡོད།

མང་གཙོ་ལ་མཛེས་ཆོས་ཤིག་ཡོད་པ་ནི། ཚོགས་པ་སུ་ཞིག་གིས་རྒྱུན་རིང་དུ་སྟངས་འཛིན་བྱེད་མི་ཐུབ་པའི་ཁྱད་ཆོས་ཡོད། རྒྱུ་མཚན་ནི། སྤྱི་འཐུས་དང་བཀའ་ཤག་ནི་ལོ་ལྔ་ཙམ་གྱི་མཚམས་སུ་འགྱུར་བ་འགྲོ་བཞིན་ཡོད་པས། གཞན་གྱི་ལག་ཆ་རུ་ཤུགས་ཆེན་དུ་འགྱུར་མི་ཐུབ་པས་རེད། གཞན་གྱི་ལག་ཆ་རུ་འགྱུར་ཐུབ་མཁན་ནི། ཁྲིམས་དཔོན་ཚོ་ཡིན། དེར་བརྟེན། ཉིད་ཀྱི་དགོངས་བ་ལྟར་ཁྲིམས་དཔོན་ཚོ་ལ་དབང་ཆ་མེད་ཚོད་དུ་སྤྲོད་ན་ཡག་པོ་མེད།

ཁྲིམས་དཔོན་ཚོས་གསུང་བ་ལྟར་ན། རྒྱ་གར་གྱི་ཁྲིམས་སུ་ཁྲིམས་དཔོན་འགྱུར་བ་བཏང་དགོས་ན། ཁྲིམས་དཔོན་གྱིས་མི་བསད་པའམ། ན་ཚའི་དབང་གིས་ལས་ཀ་བྱེད་མ་ཐུབ་ན་མ་གཏོགས། འཕོ་འགྱུར་དུ་བཏང་མི་ཉན་པ་གསུངས་བ་ནི། ཁོས་རྒྱ་གར་གྱི་ཁྲིམས་ཀྱི་དོན་མ་རྟོགས་པས་ཡིན་པ་ལས། རྒྱ་གར་གྱི་ཁྲིམས་སུ་ཨ་རིའི་ལྟར། ཁྲིམས་དཔོན་གྱིས་( misbehavior)  སྤྱོད་ལམ་ངན་པ་འཁྲབ་ན་གནས་དབྱུང་དུ་བཏང་ཆོག བཏང་དབང་གྲོས་ཚོགས་ལ་ཡོད། ལྷག་པར་དུ་ཁྲིམས་དཔོན་གྲངས་ཀྱི་གྲངས་ཁ་ག་ཚོད་བཟོ་མིན་དང་། ཁྲིམས་འགལ་བྱས་ཚེ། དེ་བྱས་ཡོད་མེད་ཀྱི་ཚད་གཞི་འཛིན་མཁན་ནི། སྤྱི་འཐུས་ཚོས་འོས་ཤོག་གི་རྩེ་ལ་ཡོད། ཟམ་གདོང་ལྟ་བུ་མི་སྒེར་གྱི་འགྲེལ་བཤད་ཀྱི་ལག་ཏུ་མེད།

ཁྲིམས་དཔོན་གནས་དབྱུང་བཏང་སྟངས་ནི། སྲིད་འཛིན་གནས་དབྱུང་དུ་བཏང་བ་ལྟར་རེད། མདོར་ན། རྒྱ་གར་དང་ཨ་རི་སོགས་ཀྱི་རྩ་ཁྲིམས་ཀྱི་ཁུངས་བཏུག་ས་ནི་དབྱིན་ཇིའི་རྩ་ཁྲིམས་ཡིན། མཐའ་དེད་ན་གཉིས་ཀ་དེ་ལ་ཐུག་ཡོད། དེར་བརྟེན། ཐག་མ་ཆོད་ན། རྒྱ་གར་གྱི་རྩ་ཁྲིམས་མཁས་བ་ལ་གདན་འདྲེན་ཞུ་དགོས་ཤིང་།  ཞུས་ཀྱང་། མང་གཙོའི་ཁྲིམས་ལུགས་མཁས་བ་ཀུན་ལ་རང་ལུགས་ཀྱིས་ཁྲིམས་ལ་འགྲེལ་ཚུལ་ཅུང་མི་འདྲ་བ་ཡོད་པས་དཀའ་ངལ་ཡོད། ཡིན་ཡང་། མཐའ་མའི་ཁྲིམས་མཐུན་གྱིས་ཐག་གཅོད་བྱེད་མཁན་ནི་གྲོས་ཚོགས་གཅིག་བུ་ལས་གཞན་སུ་ལ་ཡང་དབང་ཆ་མེད། འོན་ཀྱང་། སྤྱི་གཙོ་བྲོས་ཟིན་པས་དེ་ནི་ཡག་པོར་མ་མཐོང་། ཡང་མིན་ན། ཁྲིམས་ཀྱི་འགྲོ་ལུགས་ལྟར་སྤྱི་འཐུས་ཚོས་ཡང་བསྐྱར་འོས་ཤོག་འཕངས་ནས། གྲོས་ཆོད་དེ་རྩིས་མེད་དུ་བཏང་དགོས་ཤིང་། ཞིབ་འཇུག་ཚོགས་ཚུང་བཙུགས་ནས་འགོ་ནས་ཡང་བསྐྱར་ཁྲིམས་ཞིབ་ཁང་གིས་ཁྲིམས་དང་འགལ་བྱས་མིན་གྱི་སྐོར་ལ་བསྐྱར་ཞིབ་བྱེད་དགོས་ཡོད། དེ་ནས་སྤྱི་འཐུས་ཚོས་ཡང་བསྐྱར་འོས་ཤོག་འཕེན་དགོས།

ཟམ་གདོང་རིན་པོ་ཆེས་ཁ་གསལ་བོས་ཞིབ་འཇུག་ཚོགས་ཆུང་མ་རྒྱུད་པ་ཁྲིམས་དཔོན་ཕུད་པ་ནི་ལུགས་མཐུན་མིན་ཚུལ་གསུངས་འདུག་པས། འདི་ལ་བསམ་བློ་བཏང་ས་ངེས་ལ། དེ་བཞིན་ཁྲིམས་དཔོན་ཚོས་སྤྱི་འཐུས་མང་པོ་ཕུད་སྐབས་སུ་ཁྲིམས་ཀྱི་རྒྱུད་རིམ་རྒྱུད་ཡོད་མེད་ལ། བསྐྱར་ཞིབ་བྱེད་དགོས། ཡིན་ཡང་། འདི་དག་ཀུན་གྱི་མཐའ་མའི་ཐག་གཅོད་ཀྱི་རྩ་བ་དེད་ན་གྲོས་ཚོགས་ལ་ཐུག་ཡོད། མདོར་དེེད་ན་ཟམ་གདོང་རིན་པོ་ཆེ་ལ་ཐུག་མེད།

ཟམ་གདོང་རིན་པོ་ཆེས་བཙན་བྱོལ་བོད་གཞུང་ནི་གྲོས་ཚོགས་གཞི་ལ་བཞག་ནས་བཟོས་བའི་རྩ་ཁྲིམས་ཡིན་པཁས་ལེན་བྱེད་ཀྱི་འདུག དེའི་དོན་ནི་མང་གཙོའི་ཀ་བ་གསུམ་ལས་གྲོས་ཚོགས་གལ་ཆེན་ཡིན་པ་བསྟན་ཡོད། དེ་དོན་སྔ་ལོར་ཨ་རིའི་འོས་བསྡུ་ཡི་སྐབས་སུ་རྙོག་གླེང་ཤུགས་ཆེན་བྱུང་བས། གྲོས་ཚོགས་ནི་ཁྲིམས་དཔོན་དང་། སྲིད་གཉིས་ལས་གལ་ཆེན་ཡིན་པ་གསལ་བོར་གྱུར་ཡོད། འོན་ཀྱང་། ཟམ་གདོང་གིས་གྲོས་ཚོགས་དབུས་བྱས་བའི་ཁྲིམས་ལུགས་ཟེར་བ་ལ་འགྲེལ་བཤད་གནང་མེད། མཆོང་ནས་ཕྱིན་ཡོད། གསར་འགོད་པས་ཀྱང་དེ་དོན་ལ་དྲི་བ་ནན་མོ་བཏང་མ་སོང་། དེ་ནི་བོད་པ་རྣམས་རྩ་བའི་ཆ་ནས་ལོག་ལམ་དུ་ཁྲིད་བྱེད་དུ་གྱུར་ཡོད།

ཟམ་གདོང་རིན་པོ་ཆེས་རྩ་ཁྲིམས་དང་རྩ་ཁྲིམས་ཀྱི་དོ་གོན་ནོར་སོང་། གཅིག་བྱས་ན་ཁ་ནོར་བས་ཡིན་སྲིད། ཐེངས་གྲངས་ལ་ཁ་ནོར་བ་རེད་ཟེར་ན་ངོས་ལེན་བྱེད་དཀའ། ཟམ་གདོང་ལགས། constitution ནི་རྩ་ཁྲིམས་རེད། བཅའ་ཁྲིམས་མ་རེད། བཅའ་ཁྲིམས་ནི་གནས་སྐབས་ཙམ་མམ། འགྱུར་བ་བཏང་ཆོག་པའི་ཁྲིམས་ལུགས་ཀྱི་མིང་རེད། རྩ་བའི་ཁྲིམས་མ་རེད། སྨོན་ལམ་ཚིག་མཛོད་དུ “རྒྱལ་ཁབ་ཀྱི་རྩ་བར་གྱུར་པའི་ཁྲིམས་ལུགས་ཤིག་སྟེ། དེ་ལ་ཁྲིམས་ལུགས་ཀྱི་ནུས་པ་བླ་ན་མེད་པ་ཞིག་ཡོད་པས། བཅའ་ཁྲིམས་གཞན་དག་གཏན་འབེབས་བྱེད་རྒྱུའི་གཞི་འཛིན་ས་དེ་ཡིན།”འགྲེལ་ཡོད། དེ་བཞིན་དག་ཡིག་གཞན་དག་ཏུ་ཡང་དེ་ལྟར་འབྲེལ་ཡོད། འོན་ཀྱང་། ཁོང་གིས་རྩ་ཁྲིམས་དང་བཅའ་ཁྲིམས་བསྲེས་ནས་གསུངས་ཀྱི་འདུག

སྐབས་དེར་བོད་ཀྱི་བང་ཆེན་དང་ཨ་རླུང་ཁང་གཉིས་སུ་གནས་ཚུལ་འདི་ལྟར་སྤེལ་འདུག

༼དེ་ཡང་ཕྱི་ཟླ་༨ ཚེས་༡༧ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྦྲེལ་པོས་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་གསར་འགོད་ལྷན་ཚོགས་ཤིག་སྐོང་འཚོགས་གནང་བའི་ཐོག གྲོས་ཚོགས་ཚོགས་དུས་བཅུ་པ་ཕར་འགྱངས་བྱས་པ་བཅའ་ཁྲིམས་ལུངས་འདྲེན་བྱས་ཡོད་པ་དང་། བཅའ་ཁྲིམས་ལེའུ་དང་པོ། དོན་ཚན་དྲུག་པའི་ནང་ “རྒྱལ་སྤྱིའི་ཁྲིམས་ལུགས་དང༌། ཡུལ་ཁྲིམས་ལ་བརྩི་སྲུང༌། བོད་མིའི་སྒྲིག་འཛུགས་ཀྱི་ཁྲིམས་ལུགས་དང༌། ཆབ་སྲིད་དབང་འཛིན་གྱི་བཀའ། སྒྲིག་གཞི་བཅས་རྒྱལ་སྤྱིའི་ཁྲིམས་ལུགས་དང༌། ལྷག་དོན་བོད་མིའི་གནས་ཡུལ་རྒྱལ་ཁབ་ཁག་གི་ཡུལ་ཁྲིམས་དང་མི་འགལ་བ་བྱ་རྒྱུ།” ལེའུ་ལྔ་པ། དོན་ཚན་བཞི་བཅུ་ཞེ་དགུ་པའི་ནང་གསེས་༢། “སྤྱི་འཐུས་ཉུང་མཐའི་གྲངས་ཚད་མ་ལོངས་པར་ཚོགས་འདུ་ཉིན་གྲངས་བདུན་ལྷག་འཕར་འགྱངས་བྱེད་དགོས་བྱུང་ན་ཚོགས་གཙོ་སྦྲེལ་པོས་ཚོགས་འདུ་འཕར་འགྱངས་ཀྱི་ཐག་གཅོད་བྱ་རྒྱུ།”ཞེས་གསལ་ཡོད་པ་རེད།

དེ་ཡང་བཅའ་ཁྲིམས་ལེའུ་ལྔ་པ། དོན་ཚན་བཞི་བཅུ་པའི་ནང་། “སྤྱི་འཐུས་ལྷན་ཚོགས་ཀྱི་ཚོགས་འདུ། འཆར་ཅན་སྤྱི་འཐུས་ལྷན་ཚོགས་ཀྱི་ཚོགས་འདུའི་ཚོགས་ཚེས་དང༌། དུས་ཡུན། ས་གནས་བཅས་སྤྱི་འཐུས་རྒྱུན་ལས་དང་གོ་བསྡུར་ཐོག་སྤྱི་འཐུས་ཚོགས་གཙོ་ལྷན་རྒྱས་ཀྱིས་གཏན་ལ་ཕབ་པ་ལྟར་ཚོགས་དྲུང་ལས་ཁུངས་ནས་སྤྱི་འཐུས་སོ་སོར་ཚོགས་བསྐོང་བརྡ་ཁྱབ་གཏོང་རྒྱུ་དང༌། ཚོགས་འདུ་སྔོན་མ་གྲོལ་བ་ནས་ཟླ་དྲུག་ནང་ཚུན་ཚོགས་འདུ་རྗེས་མ་དབུ་ཚུགས་ཟིན་པ་དགོས་རྒྱུ།”ཞེས་གསལ་ཡོད་པ་རེད།

བཅའ་ཁྲིམས་དོན་ཚན་ང་བརྒྱད་པའི་ནང་། “༡ སྤྱི་འཐུས་ལྷན་ཚོགས་ཀྱི་ལས་དོན་གང་ཞིག་ཚད་ལྡན་ཡིན་མིན་དང་ཐག་གཅོད་བྱེད་ཕྱོགས་ལྷན་ཚོགས་ཀྱི་སྒྲིག་གཞི་དང་མཐུན་མིན་ལ་བསྙད་དེ་ཁྲིམས་ཞིབ་ཁང་ནས་རྩད་གཅོད་མི་ཆོག ༢ ལྷན་ཚོགས་ཀྱི་འགྲོ་ལུགས་དང༌། སྒྲིག་གཞི་བཟོ་འགོད་བཅས་ཀྱི་ཆེད་བཅའ་ཁྲིམས་འདི་ཐོག་ནས་སྤྲད་པའི་དབང་ཚད་ལག་བསྟར་བྱེད་ཕྱོགས་ལ་སྤྱི་འཐུས་ལྷན་ཚོགས་ཀྱི་ཚོགས་མི་སུ་ཡང་ཁྲིམས་ཞིབ་ཁང་གང་གིའང་ཁྱབ་ཁོངས་སུ་མེད་”ཅེས་འཁོད་ཡོད་པ་རེད། ད་ལྟའི་ཆར་གྲོས་ཚོགས་དང་ཁྲིམས་ཞིབ་ཁང་གཉིས་ཀྱིས་གསར་འགོད་བརྒྱུད་ལམ་ལ་གནས་ཚུལ་གང་ཡང་བཏང་མི་འདུག སྤྱི་འཐུས་རྒྱུན་ལས་ནས་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཅུ་པ་དེ་བཞིན་སྤྱི་ལོ་༢༠༢༡་ལོའི་སྤྱི་ཟླ་༣་པའི་བར་ཕར་འགྱངས་གནང་རྒྱུའི་ཐག་གཅོད་བྱུང་པ་གསལ་བསྒྲགས་གནང་སོང་།༽

རྒྱལ་ཁབ་མེད་ཀྱང་སྤྱི་འཐུས་བརྗོད་ཐུབ་ན། རྩ་ཁྲིམས་བརྗོད་མི་ཐུབ་དགོས་བའི་རྒྱུ་མཚན་མི་འདུག འདུག་གམ། 

               ———ཨ་ནུ་ཐང་བསོད་ནམས། ༡༠/༤/༢༠༢༡ 

བཙན་བྱོལ་བོད་མིའི་རྩ་ཁྲིམས་བཟོ་སྐབས་སུ་རྩ་ཁྲིམས་དང་བཅའ་ཁྲིམས་ཀྱི་གོ་དོན་རྟོགས་ས་མ་རེད། རྒྱུ་མཚན་ནི། བཙན་བྱོལ་གཞུང་གི་ཁྲིམས་ཀྱི་མིང་ལ་བཅའ་ཁྲིམས་ལས་རྩ་ཁྲིམས་བཏགས་མེད་པས་ཡིན། ཁག་ཅིག་གིས་དེ་ནི་བོད་པ་རྣམས་ལ་རང་བཙན་གྱི་རྒྱལ་ཁབ་མེད་པས་དགོས་དབང་གིས་བཏགས་པ་བསྒྲུབས་མཁན་འདུག་ཀྱང་། དེ་ན་གྲོས་ཚོགས་ཀྱི་མིང་ལ parliament འདོགས་དགོས་བ་ཅི་ཡིན་ནམ། parliament བཏགས་ཆོག་ན། རྩ་ཁྲིམས་ཏེ། constitution འདོགས་མི་ཐུབ་པའི་རྒྱུ་མཚན་མེད།

མ་གཞི parliament དང constitution ཡོད་ཀྱང་། རང་བཙན་གྱི་རྒྱལ་ཁབ་དགོས་བའི་ངེས་བ་མེད་དེ། ཨ་རིིའི་མངའ་སྡེ་ཁག་ལ་ཡང་། སྤྱི་འཐུས་དང་རྩ་ཁྲིམས་གཉིས་ཀ་ཡོད། མདོར་ན། ཨ་མའི་ཁྲིམས་ལ་བཅའ་ཁྲིམས་བཏགས་པ་ནོར་ཡོད་པས། མི་མང་པས་དེའི་དོན་ལ་གོ་ནོར་ཐེབས་བཞིན་འདུག རྒྱ་ནག་གི་ཁྲིམས་ལུགས་བོད་བསྒྱུར་བྱས་བའི་ནང་དུ”བཅའ་ཁྲིམས་ནི་རྩ་ཁྲིམས་གཞི་ལ་བཞག་ནས་བཟོ་དགོས་བརྗོད་འདུག དེར་བརྟེན། བཅའ་ཁྲིམས་ནི་རྩ་ཁྲིམས་ལ་གཞི་བཅོལ་དགོས་བས་ཡན་ལག་གི་ཁྲིམས་སུ་གྱུར་ཡོད། རྩ་བའི་ཁྲིམས་མ་རེད།

རྩ་ཁྲིམས་བཟོ་སྐབས་སུ་བོད་པ་རྒན་པ་རྣམས་ལ་མང་གཙོའི་ཉམས་མྱོང་དང་། མང་གཙོའི་ཁྲིམས་ལ་སྦྱང་བ་ཚད་ལྡན་མེད་ཅིང་། སྐུ་དབང་རིང་ལུགས་ཀྱི་ནང་དུ་མཚར་ལོངས་བྱུང་བ་ཡིན་པས། འདི་འདྲའི་ཐ་སྙད་ཀྱི་མ་འགྲིག་པའི་ནོར་འཁྲུལ་བྱུང་སྲིད་ཅིང་། བྱུང་བ་རྒྱུན་ལྡན་ཞིག་ཡིན་པས་ཧ་ལས་རྒྱུ་མེད་ཀྱང་། མི་མང་པོས་རྩ་ཁྲིམས་བཟོ་སྐབས་སུ། བཟོ་མཁན་གྱིས་ཁྲིམས་ཀྱི་གནས་ལུགས་ཀུན་རྟོགས་ཡོད་པ་འདོད་པས། དེ་ནི་བདེན་པར་གྱུར་མེད། བདེན་དེ། སྐབས་དེར་ཁྲིམས་བཟོ་མཁན་ཚོས་ཀྱང་། ཆེད་མཁས་བ་ལ་སྐད་ཆ་དྲིས་ནས་བཟོས་བ་ཞིག་ལས། ཁོ་ཚོ་མང་གཙོའི་ཁྲིམས་ཀུན་ཚད་ལྡན་ཤེས་མཁན་ཞིག་དང་། མང་གཙོའི་རྒྱལ་ཁབ་གཞན་གྱི་འགྲོ་སྟངས་ཀུན་མཁྱེན་མཁན་དུ་གྱུར་མེད། ལྷག་པར་དུ་མི་ཡིན་པས་ཚང་མ་ལ་ནོར་འཁྲུལ་ཡོད། དེར་བརྟེན། ད་ལྟ་ཚང་མས་རྩ་ཁྲིམས་ལ་མང་གཙོ་ཚད་ལྡན་གྱི་རྒྱལ་ཁབ་ལ་དཔེ་བལྟས་ནས་བསྐྱར་བཅོས་དགོས་སར་བསྐྱར་བཅོས་ཡག་པོ་ཞིག་བྱེད་དགོས་བ་མཐོང་། དགོངས་ཚུལ་ཡོད་ན་གསུངས་རོགས། འདི་ནི་བགྲོ་གླེང་ཡིན། ཉེ་ཆར་ཟམ་གདོང་རིན་པོ་ཆེས་མི་མང་གིས་འགན་འཁུར་དགོས་གསུངས་ཀྱི་འདུག་ཅིང་། ཁོ་བོས་ཀྱང་དེ་ལྟར་སེམས་ནས་བགྲོ་གླེང་གི་ཆ་ཤས་ཅུང་གླེང་བ་ཡིན།

སྤྱི་གཙོ་པདྨ་འབྱུང་གནས་ཀྱིས་རྩ་ཁྲིམས་ལ་གཞི་མ་བཅོལ་བ་གང་ཟག་ལ་གཞི་བཅོལ་བའི་ནོར་འཁྲུལ་བྱུང་འདུག 

               ——-ཨ་ནུ་ཐང་བསོད་ནམས། ༡༡/༤/༢༠༢༡ 

སྤྱི་འཐུས་ཚོགས་གཙོས་བཅའ་ཁྲིམས་ཟིན་བྲིས་གནང་མཁན་གྱི་སྐྱབས་རྗེ་ཀིརྟི་རིན་པོ་ཆེ་དང་སྐྱབས་རྗེ་ཟམ་གདོང་རིན་པོ་ཆེ་གཉིས་ཞལ་བཞུགས་ཡོད་པས་དེ་དཔང་དུ་བཙུགས་ནས་རྩོད་པ་གནང་གི་ཡིན་གསུངས་བ་ནི། སྤྱི་གཙོ་པདྨ་འབྱུང་གནས་ཀྱི་ཅུང་ནོར་འཁྲུལ་རེད། འོན་ཀྱང་། ཁྲིམས་ཞིབ་ཁང་གིས་ཁོའི་དགོངས་འདུན་དེ་ལ་ངོས་ལེན་བྱས་མེད་པས་བརྩིས་མེད་རེད། རྒྱུ་མཚན་ནི། མང་གཙོའི་རྩ་ཁྲིམས་གཞི་ལ་བཞག་པའི་ཐོག་ནས་རྩོད་པ་བྱེད་ཀྱི་ཡིན་བརྗོད་དགོས་བ་ལས། རྩ་ཁྲིམས་བཟོ་མཁན་གྱི་མི་གོང་མ་རྣམས་དཔང་དུ་བཞག་ནས་རྩོད་པ་བྱེད་ཟེར་བ་ནི། ནོར་འཁྲུལ་ཡིན། དེ་ལྟར་ཡིན་ན། རྩ་ཁྲིམས་བཟོ་མཁན་གྱི་ཀིརྟི་རིན་པོ་ཆེ་དང་ཟམ་གདོང་རིན་པོ་ཆེ་གཉིས་ཀྱིས་བཅའ་ཁྲིམས་ལ་འགྲེལ་བཤད་ག་རེ་གནང་གནང་དུ་འགྱུར་བས། དེ་ལྟར་གྱུར་ན། གང་ཟག་གིས་དབང་བསྒྱུར་ལས། ཁྲིམས་ལུགས་ཀྱི་དབང་སྒྱུར་དུ་གྱུར་མེད།

ཁྲིམས་ལུགས་ཟིན་བྲིས་ཀྱི་གནང་མཁན་གྱི་གང་ཟག་སུ་ཞིག་ཡིན་ཡང་། དེས་ཁྲིམས་ལུགས་ཀུན་ཤེས་དགོས་བའི་ངེས་བ་མེད་ལ། གལ་སྲིད་ཤེས་ཀྱང་། ཚང་མ་དྲན་དགོས་བའི་ངེས་བ་མེད། དྲན་ཡང་དེའི་དྲན་པ་ཀུན་དྲང་བོ་བཤད་དགོས་བའི་ངེས་བ་མེད། རྒྱུ་མཚན་ནི། མི་ནི་འཚོར་བ་དང་བརྗེད་ངེས་ཀྱི་རང་བཞིན་ཡིན་པས། འཚོར་བ་དང་བརྗེད་ངེས་ཀྱི་ཤུགས་རྐྱེན་ཐེབས་པས་ཡིན། ལྷག་པར་དུ་ཁྲིམས་ལུགས་ནི་དུས་ལྟར་མང་གཙོའི་འགྲོ་ལུགས་དང་མཐུན་པའི་སྒོ་ནས་ཁ་གསབ་དང་། ལེགས་བཅོས་བྱེད་དགོས་ཤིང་། བྱེད་ཆོག་པས། རྟག་བརྟན་ཐེར་ཟུག་གི་ཁྲིམས་ལུགས་ཤིག་འཇིག་རྟེན་ན་མིན་པས་རེད། སྤྱི་གཙོ་པད་མ་འབྱུང་གནས་ཀྱིས་གནས་ལུགས་དེ་མ་རྟོགས་པས་བཅའ་ཁྲིམས་ཟིན་གནང་མཁན་ལ་གཞི་བཅོལ་བ་ནི་ནོར་འཁྲུལ་རེད། ཟམ་གདོང་རིན་པོ་ཡོང་བ་དང་ཁོ་འབྲོ་དགོས་བ་ཡང་གཅིག་ནི་དེ་ལ་ཐུག་འདུག

གནད་དོན་གྱི་བྱུང་སྐབས་སུ་ཁྲིམས་ལ་བཏུག་རྒྱུའི་ཚབ་ཏུ་དེ་ཟིན་བྲིས་བྱེད་མཁན་ལ་ཁུང་བཏུག་པ་ནི་མང་གཙོའི་འགྲོ་སྟངས་མ་རེད་ལ། དེ་ལྟར་བྱས་ན་ད་ལྟ་སྤྱི་གཙོ་ལ་བྱུང་བའི་དཀའ་ངལ་འདི་རེད། འདི་ཡང་བསླབ་བྱ་ཞིག་ཡིན། རྗེས་སུ་བོད་པ་ཚོས་གནད་དོན་ཅི་ལ་ཐུག་ཀྱང་། གང་ཟག་ལ་ཡིད་ཆེས་བྱེད་མི་རུང་ཁྲིམས་ལུགས་དཔང་དུ་འཇོག་དགོས། ཤིང་། གལ་སྲིད་ཐག་གཅོད་སྐབས་སུ་ཐག་གཅོད་མ་ཐུབ་པའི་རྙོག་གླེང་ཤུགས་ཆེན་བྱུང་ན། སྤྱི་འཐུས་ཚོས་འོས་ཤོག་འཕང་ནས་ཐག་གཅོད་དགོས་ཡོད། འོན་ཀྱང་། སྤྱི་གཙོས་ཁྲིམས་ལུགས་དཔང་དུ་མ་བཞག་པ། གང་ཟག་དཔང་དུ་གཞག་པ་འདིས་ཁོ་རང་རྡུང་བྱེད་དུ་གྱུར་ཡོད། དེ་ནི་རང་གིས་བཟོས་བའི་དབྱུག་པ་རེད། སྤྱི་གཙོས་ཁྲིམས་ལུགས་དཔང་དུ་མ་བཞག་པ། གང་ཟག་དཔང་དུ་གཞག་པ་འདིས་ཁོ་རང་རྡུང་བྱེད་དུ་གྱུར་ཡོད། དེ་ནི་རང་གིས་བཟོས་བའི་དབྱུག་པ་རེད།

མ་གཞི་སྤྱི་འཐུས་ཀྱིས་དམ་འབུལ་གྱི་ཁས་ལེན་བྱེད་སྐབས་སུ” བོད་མི་མང་སྤྱི་འཐུས་ལྷན་ཚོགས་སུ་སྤྱི་འཐུས་འོས་འདེམས་བྱུང་བ་ལགས་ན། བཙན་བྱོལ་བོད་མིའི་བཅའ་ཁྲིམས་ལ་ཡིད་ཆེས་བློ་གཏད་ཀྱི་ཐོག་ནས། སྤྱི་འཐུས་ཀྱི་ལས་འཁུར་ཞུ་སྒོ་མཐའ་དག བཅའ་ཁྲིམས་ཀྱི་དགོངས་དོན་འགལ་མེད་ཐོག རང་དོན་ཕྱོགས་ལྷུང་དང༌། འཇིགས་ཞུམ་ཆགས་སྡང་མེད་པར། དྲང་བདེན་ལྷག་བསམ་ཟོལ་མེད་ཀྱི་སྒོ་ནས་རང་ནུས་གང་ཐེག་ཞུ་རྒྱུའི་དམ་བཅའ་བཞག་ཡོད་ཀྱང་། སྤྱི་གཙོས་ཟམ་གདོང་དང་ཀིརྟི་རིན་པོ་ཆེ་གཉིས་དཔང་དུ་བཞག་ཡོད་པས་ལས་ལེན་གྱི་ཁྲིམས་དང་འགལ་འདུག

མ་གཞི་ཁྲིམས་ཞིབ་ཁང་གིས་ལྟ་བ་མཁྲེགས་པོ་བཟུང་ནས་སྤྱི་འཐུས་ཚོ་ལ་ཉེས་བ་དེ་ལྟར་བཏང་དགོས་མེད་ཅིང་། ཉེན་བརྡ་བཏང་ནས་བཞག་ན་འགྲིག སྤྱི་འཐུས་ཚོ་ཡིན་ཡང་། ཁྲིམས་ཞིབ་པ་ཀུན་རྡེབ་གཅིག་ཏུ་ཕུད་དགོས་དོན་མེད་པ། ཕུད་དགོས་ན་ཚོགས་གཙོ་ཕུད་ནས་བཞག་འགྲིག་ཀྱང་དེ་ལྟར་གནང་མི་འདུག ཕན་ཚུན་ལ་གོ་ཤེས་མེད་པ། རང་ལྟ་མཆོག་འཛིན་བྱས་ན་དེ་ལྟར་རེད།

རྒྱ་གར་གྱི་ཁྲིམས་ཀྱི Suo Motu ཡི་གོ་དོན།

རྒྱ་གར་གྱི་ཁྲིམས་སུ Suo motu ནི་ཁྲིམས་ཞིབ་ཁང་ལ་དམིགས་བསལ་གྱི་ཡོད་པའི་སྐུ་དབང་ཡིན་ལ། དེ་ལག་ལེན་དུ་བསྟར་སྐབས་སུ་དོན་ཚན་བཞི་འདུག

༡༽ མི་མང་གིས་གནད་དོན་གཅིག་གལ་ཆེན་དུ་བརྩི་ན་ཁྲིམས་ཁང་གིས་དེ་ལ་ཐེ་གཏོགས་བྱེད་ཆོག

༢༽  ཁྲིམས་དང་སྒྲིག་གཞིའི་ཆེད་དུ་ཐེ་གཏོགས་བྱེད་པ།

༣༽ གཞི་རྩའི་ཐོབ་ཐང་གི་ཆེད་དུ་ཐེ་གཏོགས་བྱེད་ཆོག་པ།

༤༽ རྩ་ཁྲིམས་ལ་སྲུང་སྐྱོབ་བྱེད་ཆེད་དུ་ཐེ་གཏོགས་བྱེེད་ཆོག་པ་བཅས་རེད།

མ་གཞི་ཕྲན་གྱིས་བོད་པ་ཚོས་ནང་ཁུལ་གྱི་རྙོག་འཛིང་སྐོར་ལ་དོ་སྣང་མ་བྱས་བ་ཅུང་རྒྱུན་རིང་དུ་ཕྱིན་ཡང་། ད་ལྟའི་གནས་ཚུལ་འདིས་དོ་སྣང་གང་མཚམས་ཤིག་དྲངས་བས། དེ་ལས་བྱུང་བའི་རང་གི་བསམ་ཚུལ་འགའ་ཞིག་བྲིས་བ་ཡིན། འདི་ནི་བོད་པ་ཚོའི་བསམ་བློ་མུ་མཐུད་དུ་ཡར་རྒྱས་སུ་འགྲོ་རྒྱུའི་ཆེད་དུ་བགྲོ་གླེང་གནང་མཁན་ཚོ་དང་ལྷན་དུ་ཆ་ཤས་བླངས་བ་ཡིན། མུ་མཐུད་དུ་དེའི་སྐོར་ལ་ཅུང་ཞིབ་འཇུག་བྱེད་འདོད་ཡོད།

ཁྲིམས་ཞིབ་ཁང་དང་སྤྱི་རྒྱུན་གྱི་དཀའ་རྙོག་ལ་དཔྱད་ཞིབ། 

༼ རྩོམ་ཡིག་འདི་ནས་རྙོག་འཛིང་གི་འགོ་འཇུག་བར་གསུམ་གྱི་གནས་ཚུལ་ཤེས་ཐུབ།༽ 

       ——-ཨ་ནུ་ཐང་བསོད་ནམས། ༡༢/༤/༢༠༢༡ 

སྤྱི་འཐུས་རྒྱུན་ལས་ཀྱིས་བཅའ་ཁྲིམས་དོན་ཚན་ལ ༦ དང་། ༤༩ ནང་གསེས ༢ རྒྱ་ལས་འགལ་བའི་ཐོག་ནས་ཚོགས་འདུ་ཕར་འགྱང་བྱས་བའི་གསལ་བསྒྲགས ༢༠༢༠ ཟླ ༨ ཚེས ༡༧ ཉིན་བྱས་འདུག དེེ་ནི་ཁྲིམས་ཞིབ་ཁང་གིས་ཁྲིམས་འགལ་ཡིན་ཚུལ་༢༠༢༠ ཟླ ༨ ཚེས ༢༡ ཡིན་བརྗོད་ཅིང་། ཐག་གཅོད་དེ་ནི་ཟླ ༩ ཚེས ༤ ནང་དུ་ཕྱི་འཐེན་བྱེད་དགོས་བ་དང་། མ་བྱས་ན། ཁྲིམས་ལྟར་ཉེས་ཆད་གཅོད་རྒྱུ་བསྒྲགས་འདུག འོན་ཀྱང་། ཟླ ༨ ཚེས ༢༥ ཉིན་སྤྱི་འཐུས་རྒྱུན་ལས་ཚོས་ཁྲིམས་དང་འགལ་མེད་ཚུལ་གྱིས་ངོས་ལེན་མ་བྱས་མ་ཟད། ཁྲིམས་ཞིབ་ཁང་གིས་ཐག་གཅོད་དེ་ནི་སྤྱི་འཐུས་ལ་ཁྱད་གསོ་བྱས་བ་ཡིན་ཚུལ་བརྗོད་ཅིང་། ཁོ་ཚོས་བཅའ་ཁྲིམས་དོན་ཚན ༤༠ བ་དང་འགལ་མེད་ཚུལ་བརྗོད་པ་མ་ཟད། མ་འོངས་བར་དགྲ་དགའ་གཉེན་སྡུག་གི་བྱ་བ་བྱུང་ན། དེའི་འཇུག་འབྲས་ཁྲིམས་ཞིབ་པ་ཚོས་འགན་འཁུར་དགོས་བའི་ཉེན་བརྡ་བཏང་འདུག

བཅའ་ཁྲིམས་དོན་ཚན ༦ པ་ནི”བོད་མིའི་སྒྲིག་འཛུགས་ཀྱི་ཁྲིམས་ལུགས་དང༌། ཆབ་སྲིད་དབང་འཛིན་གྱི་བཀའ། སྒྲིག་གཞི་བཅས་རྒྱལ་སྤྱིའི་ཁྲིམས་ལུགས་དང༌། ལྷག་དོན་བོད་མིའི་གནས་ཡུལ་རྒྱལ་ཁབ་ཁག་གི་ཡུལ་ཁྲིམས་དང་མི་འགལ་བ་བྱ་རྒྱུ།” བྲིས་འདུག སྤྱི་འཐུས་ཀྱིས་བགྲང་བའི་རྒྱུ་མཚན་ནི། བདེན་པ་ཡིན་ཞིང་། སྐབས་དེར་རྒྱལ་ཁབ་མང་པོས་ཁྱིམ་སྡོད་བཀག་རྒྱ་གཅིག་རྗེས་མཐུད་དུ་བསྒྲགས་ཡོད་པ་མ་ཟད། ནད་ཡམས་ཀྱང་གང་སར་ཁྱབ་བཞིན་ཡོད་པས། རྒྱལ་སྤྱི་དང་། གནས་ཡུལ་གྱི་རྒྱལ་ཁབ་སོ་སོའི་ཁྲིམས་དང་མཐུན་པའི་སྒོ་ནས། སྤྱི་འཐུས་ཀྱིས་ཐག་གཅོད་བྱས་བར་རྒྱུ་མཚན་ཡོད། འོན་ཀྱང་། སྤྱི་འཐུས་རང་ཉིད་ཀྱིས་དེ་སྔོན་མ་ཁྲིམས ༦ འདི་ལ་མ་གནས་བ་སྤྱི་འཐུས་ཚོས ༢༠༢༠ ཟླ ༣ ཚེས ༢༣ ཉིན་ཡོ་རོབ་དང་ལྷོ་ཨ་ཧྥུ་རིའི་སྤྱི་འཐུས་ཐུབ་བསྟན་དབང་ཆེན་ཐེངས་གཉིས་ལ་ཚོགས་འདུ་ལ་གཅར་མ་ཐུབ་པས། ལས་གནས་ནས་ཕུད་ཡོད། དེའི་ཚབ་ཏུ་ཁྲིམས་ཡིག ༥༧ དོན་ཚན ༢ ནང་བཞིན་དབུས་འོས་བསྡུ་ལས་ཁུངས་ཀྱིས་བཀྲས་མཐོང་བསྟན་འཛིན་དབང་བོ་བསྐོས་ཡོད། སྤྱི་འཐུས་ཐུབ་བསྟན་བང་ཆེན་སྐབས་གཉིས་ལ་ཚོགས་གཅར་མི་ཐུབ་དགོས་དོན་ནི། ཐེངས་དང་པོར་ཁོ་བོད་དོན་གྱི་ཆེད་དུ་ཡོ་རོབ་ཀྱི་ནང་དུ་བསྐོར་སྤྱོད་བྱས་བ་ཡིན། ཐེངས་གཉིས་པ་ནད་ཡམས་ཀྱིས་ཡོང་མ་ཐུབ་པ་ཡིན། འོན་ཀྱང་། སྤྱི་འཐུས་ཀྱིས་དེ་ལ་ཐུགས་བསམ་མ་བཞེས་བ་ཕུད་པ་ནི་ནོར་འཁྲུལ་རེད། འོན་ཀྱང་། ད་ལྟ་སྤྱི་འཐུས་རྒྱུན་ལས་ཀྱིས་རང་ལ་ཁེ་ཕན་ཡོད་དུས་མ་ཁྲིམས་དོན་ཚན ༦ བེད་སྤྱོད་བཏང་ཡོད། དེ་ནི་ཅུང་མ་དྲང་བར་གྱུར་ཡོད།

སྤྱི་འཐུས་ཀྱིས་གཞི་བཅོལ་སའི་བཅའ་ཁྲིམས་དོན་ཚན ༤༩ ནང་གསེས ༢ ནི “སྤྱི་འཐུས་ཉུང་མཐའི་གྲངས་ཚད་མ་ལོངས་པར་ཚོགས་འདུ་ཉིན་གྲངས་བདུན་ལྷག་འཕར་འགྱངས་བྱེད་དགོས་བྱུང་ན་ཚོགས་གཙོ་སྦྲེལ་པོས་ཚོགས་འདུ་འཕར་འགྱངས་ཀྱི་ཐག་གཅོད་བྱ་རྒྱུ།” ཉིན་གྲངས་བདུན་ལྷག་ལ་འཕར་འགྱང་བྱས་ན་ཆོག་ཚུལ་ལབ་པ་ལས། ཟླ་བཞི་ལྔ་ཙམ་ཕར་འགྱང་བྱས་ན་འགྲིག་ཚུལ་ཁ་མི་གསལ་བས་རྩོད་གཞི་འདུག

དོན་ཚན་བཞི་བཅུ་པ་ནི” སྤྱི་འཐུས་ལྷན་ཚོགས་ཀྱི་ཚོགས་འདུ། འཆར་ཅན་སྤྱི་འཐུས་ལྷན་ཚོགས་ཀྱི་ཚོགས་འདུའི་ཚོགས་ཚེས་དང༌། དུས་ཡུན། ས་གནས་བཅས་སྤྱི་འཐུས་རྒྱུན་ལས་དང་གོ་བསྡུར་ཐོག་སྤྱི་འཐུས་ཚོགས་གཙོ་ལྷན་རྒྱས་ཀྱིས་གཏན་ལ་ཕབ་པ་ལྟར་ཚོགས་དྲུང་ལས་ཁུངས་ནས་སྤྱི་འཐུས་སོ་སོར་ཚོགས་བསྐོང་བརྡ་ཁྱབ་གཏོང་རྒྱུ་དང༌། ཚོགས་འདུ་སྔོན་མ་གྲོལ་བ་ནས་ཟླ་དྲུག་ནང་ཚུན་ཚོགས་འདུ་རྗེས་མ་དབུ་ཚུགས་ཟིན་པ་དགོས་རྒྱུ།” ཁྲིམས་ཞིབ་ཁང་གིས་སྤྱི་འཐུས་རྒྱུན་ལས་ཚོ་མ་ཁྲིམས་འདི་ལ་འགལ་འདུག་གསུངས་བས་ཉེས་བ་བཏང་ཡོད། ཡིན་ཡང་། སྤྱི་འཐུས་ཚོས་བཅའ་ཁྲིམས་དོན་ཚན ༦ ལྟར་རྒྱལ་སྤྱི་དང་། བོད་པའི་གནས་ཡུལ་གྱི་རྒྱལ་ཁ་སོ་སོའི་ཁྲིམས་དང་མི་འགལ་བ་དགོས་བས་མ་ཁྲིམས་ནུས་མེད་ཡིན་པས། འདི་ལ་འགལ་མེད་བརྗོད་ཡོད། འདི་ལ་རྒྱུ་མཚན་འདུག འོན་ཀྱང་། མ་ཁྲིམས ༤༩ ནང་གསེས ༢ པའི་སྒྲུབ་བྱེད་བཏང་བ་ནི་རྩོད་རྙོག་ཅན་ཞིག་རེད།

བཅའ་ཁྲིམས་སམ་མ་ཁྲིམས་ཀྱི་དོན་ཚན ༤༠ ཅན་ནི་རྩོད་རྙོག་བྱེད་ས་གཙོ་བོ་ཡིན་ཞིང་། ཁྲིམས་ཞིབ་པས་སྤྱི་རྒྱུན་གྱིས་ཚོགས་འདུ་ཕར ༢༠༢༡ ཟླ ༣ བར་དུ་བྱས་བ་ནི། ཕར་འགྱང་བྱས་བ་མིན་པ། དོན་གྱིས་ཚོགས་འདུ་དེ་རྩ་མེད་དུ་བཏང་བ་ཡིན་པས། ཁྲིམས་འགལ་གྱུར་ཚུལ་བརྗོད་ཡོད། འོན་ཀྱང་། སྤྱི་རྒྱུན་གྱིས་དེ་ངོས་ལེན་བྱེད་ཀྱི་མེད། ཟླ་བའི་ནང་དུ་ཡང་བསྐྱར་ཚོགས་བཞིན་ཡོད་པས་དེ་ལ་རྒྱུ་མཚན་མེད་པ་མིིན་། བདེན་ཏེ། ཟླ་གཅིག་ཙམ་གྱི་སྔོན་དུ་སྤྱི་འཐུས་ཚོགས་ཀྱང་ཡང་བསྐྱར་ཚོགས་བཞིན་ཡོད་པས་ཡིན།

ཟླ ༩ ཚེས ༡ ཉིན་སྤྱི་རྒྱུན་གྱིས་ཁྲིམས་ཁང་གི་བྱེད་སྟངས་ནི་བཅའ་ཁྲིམས་དོན་ཚན ༥༨ དོན་ཚན ༡ དང་འགལ་ཞིང་སྤྱི་འཐུས་ཀྱི་དབང་ཚད་ལ་ཐེ་གཏོགས་བྱས་བ་ཡིན་པས། ཁྲིམ་ཁང་ལ་སྤྱི་རྒྱུན་ཚོའི་ཉེས་ཆད་ཀུན་རྩིས་མེད་བཏང་རྒྱུའི་རེ་བ་ཞུས་ཡོད། འོན་ཀྱང་། ཁྲིམས་ཞིབ་ཁང་གིས་དེ་ལ་མ་ཉན་པ། བཅའ་ཁྲིམས ༥༨. ༡ ནང་དོན་ནི་སྤྱི་འཐུས་ཀྱིས་ཁྲིམས་ལུགས་བཟོས་བའི་སྐབས་ཀྱི་རྒྱུད་རིམ་ལ་ཁྲིམས་ཞིབ་ཁང་གིས་ཐེ་གཏོགས་བྱེད་མི་ཆོག་ཟེར་བའི་དོན་ལ་འགྲེལ་ཞིང་། རྒྱ་གར་གྱི་རྩ་ཁྲིམས ༡༢༢ བགྲང་ཡོད། དེའི་དབྱིན་ཚིག་ཏུ valid ཡིན་མིན་ལ་བརྟགས་དཔྱད་བཏང་མི་ཆོག་བརྗོད་ཡོད་པས། དེའི་དོན་ནི་ཚད་ལྡན་ཡིན་མིན་གྱི་དོན་ཡིན་པས་ནང་དོན་ལ་རྩོད་རྙོག་ཡོད།

སྤྱི་རྒྱུན་དང་ཁྲིམས་ཞིབ་ཁང་གི་རྩོད་པའི་རྩ་བ།

ཁྲིམས་ཞིབ་ཁང་གིས ༢༠༠༢ ཟླ ༣ ཚེས ༡༩ ཉིན་སྤྱི་འཐུས་ཀྱི་ཚོགས་འདུ་གྲོལ་ཟིན་པས ཟླ ༩ ཚེས ༡༩ ཉིན་ཟླ་དྲུག་གི་དུས་ཡུན་ཚར་ཟིན་པས། ཚོགས་འདུ་མ་ཚོགས་པས་བཅའ་ཁྲིམས་སམ། མ་ཁྲིམས ༤༠ དང་འགལ་ཡོད་པས་ཟླ ༩ ཚེས ༢༥ ཉིན་སྤྱི་རྒྱུན ༡༡ ལ་ཉེས་ཆད་བཅད་ཡོད། ཉེས་ཆད་དུ་འོས་བསྡུའི་ཐོབ་ཐང་བཀག་ཅིང ། གཞུང་གི་རོགས་དངུལ་ཁག་གཅིག་བཀག་ཡོད། རྒྱུ་མཚན་ནི། ཁྲིམས་ཁང་གིས་སྤྱི་རྒྱུན་གྱིས་ཚོགས་འདུ་ཚོགས་ན་རྒྱལ་སྤྱིའི་ཁྲིམས་དང་འགལ་འདུག་ཟེར་བ་ནི་གཞི་རྩ་མེད་ཅིང་། དྲ་ནང་དུ་ཚོགས་འདུ་ཚོགས་ན་འགྲིག་ཚུལ་གྱི་བསྒྲུབས་བྱེད་བཀོད་ཡོད། འདི་ལ་རྒྱུ་མཚན་མེད་པ་མིན་ཡང་། སྐབས་དེར་དྲ་ནང་དུ་མི་མང་གིས་ཚོགས་འདུ་ཚོགས་མཁན་གྱི་སྲིད་གཞུང་མང་པོ་མེད་ཁར། དྲ་ལམ་དུ་ཚོགས་འདུ་ཚོགས་རྒྱུ་ནི་གསར་བ་ཡིན་པ་མ་ཟད། ནད་ཡམས་ལ་སུས་ཀྱང་གྲ་སྒྲིག་མེད་པས་དམིགས་བསལ་དུ་བཏང་ཆོག ལྷག་པར་དུ་རྒྱལ་ཁབ་མང་པོས་ཚོགས་འདུ་གལ་ཆེན་ཚོགས་སྐབས་སུ་ཆབ་སྲིད་ཚོགས་པ་ཚོའི་རང་གི་སྐུ་ཚབ་བཏང་ནས་ཚོགས་འདུ་ཚོགས་ཡོད། འོན་ཀྱང་། བོད་ཀྱི་ཁྲིམས་ལུགས་ནི་རྟག་བརྟན་ཡིན་པས། སྤྱི་འཐུས ༧༠% ལས་ཉུང་བ་ཡོད་ན་ཚོགས་འདུ་ཚོགས་མི་ཐུབ་པས། ཚོགས་འདུ་ཚོགས་མི་ཐུབ་པར་རྒྱུ་མཚན་ཚད་ལྡན་ཡོད། བདེན་ཏེ། བཅའ་ཁྲིམས ༤༩ ནང་གསེས ༢ བཞིན་རྡ་སའི་ཕྱི་རུ་ཡོད་པའི་སྤྱི་འཐུས ༡༩ རྡ་སར་ཡོང་རྒྱུ་དཀའ་བས། སྤྱི་འཐུས་ཀྱི་གསུམ་ཆ་གཉིས་མེད་པས་ཚོགས་འདུ་ཚོགས་མི་ཐུབ།

སྤྱི་རྒྱུན་གྱིས་ཁྲིམས་ཞིབ་ཁང་གིས་སྤྱི་མང་ཁྲིམས་ལུགས ༦༩ བེད་སྤྱོད་བཏང་བ་ནི་སྤྱི་རྒྱུན་གྱི་ཐག་གཅོད་ལ་ཁྱད་གསོ་བྱས་བ་ལས། སྤྱི་རྒྱུན་གྱི་ཐག་གཅོད་ནི་བོད་སྤྱི་ལ་གནོད་པའི་རྒྱུ་མཚན་ཅི་ཡང་མེད་པ་མ་ཟད། བཅའ་ཁྲིམས་དོན་ཚན ༤༠ དང་བ་འགལ་མེད་ཚུལ་བརྗོད་ཁར། ཁྲིམས་ཞིབ་པའི་བྱེད་སྟངས་ནི་བཅའ་དོན་ཚན ༥༨ དང་འགལ་ནས་སྤྱི་འཐུས་ཀྱི་ཐག་གཅོད་ལ་ཐེ་གཏོགས་བྱས་བ་ཡིན་ཚུལ་བརྗོད་ནས། ཁྲིམས་ཁང་གིས་སྤྱི་རྒྱུན་ལས་བཀལ་བའི་ཐག་གཅོད་དེ་ཟླ ༨ ཚེས ༢༨ ནང་དུ་ཕྱི་འཐེན་བྱེད་དགོས་ཟེར་ནས་རེ་བ་ཞུས་འདུག འོན་ཀྱང་། གོང་བཀོད་ལྟར་ཁྲིམས་ཁང་གིས་ལངས་ཕྱོགས་མཁྲེག་པོ་འཁུར་ནས་སྤྱི་རྒྱུན་གྱིས་བྱེད་སྟངས་བཏང་ནི་ཁྲིམས་ཞིབ་ཁང་ལ་ཁྱད་གསོ་བྱས་བ་རེད་བརྗོད་ནས་ངོས་ལེན་མ་བྱས་བ་ཉེས་ཆད་བཅད་ཡོད། སྤྱི་རྒྱུན་ཚོས་དེ་ལ་ངོས་ལེན་མ་བྱས་མ་ཟད། ཁྲིམས་ཞིབ་ཁང་གིས་བྱེད་སྟངས་ནི། མང་གཙོའི་ཀ་བ་གསུམ་གྱི་དབང་ཚད་ལ་བརྒལ་ཏེ་སྤྱི་རྒྱུན་གྱི་ཐོབ་ཐང་འཕྲོག་པ་ཡིན་ཁར། སྤྱི་མང་ཁྲིམས་ལུགས ༦༩ བ་ཕྱིས་སུ་ཁྲིམས་ཁང་གིས་གསར་འཇུག་བྱས་བ་ཡིན་པ་དང་། ཞུ་སྐུལ་བྱེད་མཁན་མེད་པ་ཁྲིམས་ཁང་གིས་ལག་ལེན་དུ་བསྟར་བ་ནི་བཅའ་ཁྲིམས་དང་འགལ་ཡོད་ཚུལ་བརྗོད་ཡོད། འདི་ལ་ལེགས་པ་དཔྱད་ན། ཁྲིམས་ཁང་གིས་རང་སྒེར་གྱིས་རྩ་ཁྲིམས་དང་མ་མཐུན་པའི་རིགས་ལ་ཞིབ་འཇུག་བྱེད་རྒྱུ་ནི་མང་གཙོའི་དབང་རྒྱལ་མང་པོའི་ནང་དུ་ཡོད། འོན་ཀྱང་། འདི་ལ་གང་ཞིག་ཁྲིམས་ཁང་གིས་ཐེ་གཏོགས་བྱེད་ཉན་མིན་གྱི་རྩོད་ཡོད། ལྷག་པར་དུ་དེ་སྔོན་དེ་ལྟར་ཐེ་གཏོགས་བྱེད་མྱོང་མེད་པའི་རིགས་རྩོད་རྙོག་ཡོད། རྒྱུ་མཚན་ནི། རྒྱ་གར་ལྟ་བུ་ཡིན་ན།

༡༽ མི་མང་གིས་གནད་དོན་གཅིག་གལ་ཆེན་དུ་བརྩི་ན་ཁྲིམས་ཁང་གིས་དེ་ལ་ཐེ་གཏོགས་བྱེད་ཆོག

༢༽  ཁྲིམས་དང་སྒྲིག་གཞིའི་ཆེད་དུ་ཐེ་གཏོགས་བྱེད་པ།

༣༽ གཞི་རྩའི་ཐོབ་ཐང་གི་ཆེད་དུ་ཐེ་གཏོགས་བྱེད་ཆོག་པ།

༤༽ རྩ་ཁྲིམས་ལ་སྲུང་སྐྱོབ་བྱེད་ཆེད་དུ་ཐེ་གཏོགས་བྱེེད་ཆོག་པ་བཅས་རེད། འདི་དག་གི་ཆ་རྐྱེན་ཚང་དགོས་བས་ཆ་རྐྱེན་ལ། དཔེར་ན། མི་མང་གིས་གནད་དོན་གཅིག་གལ་ཆེན་བརྩི་མིན་ལ་མི་གྲངས་འབུམ་ཕྲག་མང་པོའི་ས་ཡིག་དགོས། འོན་ཀྱང་། རྒྱལ་ཁབ་ཆེ་ཆུང་ལ་དཔགས་ནས་ས་ཡིག་གི་གྲངས་ཁ་ལ་ཡང་མང་ཉུང་ཡོད། དེ་བཞིན་རྩ་ཁྲིམས་དང་འགལ་དང་མ་འགལ་སོགས་ནི་ཆེད་མཁས་བ་རྒྱུད་ནས་ཐག་གཅོད་དགོས་ལ། འུ་ཐུག་ན། མཐའ་མའི་ཐག་གཅོད་ནི་གྲོས་ཚོགས་ཀྱིས་འོས་ཤོག་འཕང་ནས་ཐག་གཅོད་དགོས་ཡོད། ཡང་མིན་ན། བཀའ་སྤྱི་གཉིས་སམ། སྲིད་འཛིན་གྱིས་མི་མང་ལ་འོས་འཕེན་ཤོག་འཕེན་པའི་ཐོབ་ཐང་སྤྲད་ནས་མི་མང་གིས་ཐག་གཅོད་དགོས་ཡོད། འོན་ཀྱང་། མི་མང་གིས་ཐག་གཅོད་ནི་མང་གཙོའི་ཁྲིམས་སུ་ཚད་ལྡན་མིན། ཚད་ལྡན་ནི་མི་མང་གི་མགྲིན་ཚབ་པ་སྤྱི་འཐུས་ཚོས་ཐག་གཅོད་ཡིན།

སྤྱི་འཐུས་ཀྱིས་ཁྲིམས་ཞིབ་པ་གསུམ་གྱིས་སྤྱི་རྒྱུན་ལ་ཉེས་ཆད་བཅད་པའི་ཐག་གཅོད་ནི་བོད་ཀྱི་མ་ཁྲིམས་དང་འགལ་ཚུལ་གླེང་ཞིང་། དེ་ལ་སྤྱི་འཐུས ༧༡% རྒྱབ་སྐྱོར་ཐོབ་པས། ཁྲིམས་ཞིབ་པ་ཆེ་ཆུང་གསུམ་ཕྱི་ཕུད་བྱས་ཡོད། འོན་ཀྱང་། ཕྱི་ཕུད་བྱེད་སྐབས་སུ་སྤྱི་འཐུས་ཀྱིས་དེ་ལ་ཞིབ་འཇུག་ཚོགས་ཆུང་བཙུགས་ཡོད་མེད་དང་། རྒྱུན་རིམ་ཚད་ལྡན་ཕྱིན་ཡོད་མེད་ཀྱི་རྩོད་པ་བྱུང་གི་ཡོད།

ཟླ ༤ ཚེས ༢༨ ཉིན་ཟམ་གདོང་རིན་པོ་ཆེ་ནོར་ཝེ་རླུང་འཕྲིན་ཁང་དུ་ཕེབས་ནས་ཁྲིམས་ལུགས་ལ་འགྲེལ་བཤད་གནང་བས། སྤྱི་གཙོ་དང་སྤྱི་འཐུས་ཁུག་རྟ་གཉིས་ཀྱིས་ལས་གནས་ནས་དགོངས་ཞུ་བྱས་ཡོད། འོན་ཀྱང་། མི་མང་པོས་ཟམ་གདོང་རིན་པོ་སྲིད་སྐྱོང་གི་འོས་བསྡུ་ཉིན ༢ ལས་མེད་པའི་སྔོན་དུ་གསར་ལམ་དུ་ཕེབས་ནས་ཁྲིམས་ལ་འགྲེལ་བཤད་གནང་བར་དགའ་མོས་བྱུང་མེད། རྒྱུ་མཚན་ནི། དེས་སྲིད་སྐྱོང་གི་འོས་བསྡུ་ལ་ཤུགས་རྐྱེན་ཐེབས་སྲིད་པས་རེད། སྟབས་མ་ལེགས་པ་ཞིག་ལ། སྤྱི་གཙོའི་ནོར་འཁྲུལ་ཤོར་བ་ནི་བཅའ་ཁྲིམས་ཟིན་བྲིས་བྱེད་མཁན་གྱི་སྐྱབས་རྗེ་ཀིརྟི་རིན་པོ་ཆེ་དང་སྐྱབས་རྗེ་ཟམ་གདོང་རིན་པོ་ཆེ་གཉིས་དཔང་དུ་བཙུགས་ནས་རྩོད་པ་བྱེད་ཀྱི་ཡིན་གསུངས་པས། དེ་ལྟར་གྱུར་ན། ཁོང་གཉིས་ཀྱིས་རྩ་ཁྲིམས་ལ་འགྲེལ་ག་བྱེེད་བྱེད་དུ་གྱུར་བས། ཁྲིམས་ཀྱི་དབང་སྒྱུར་ལས་གང་ཟག་གི་དབང་སྒྱུར་དུ་གྱུར་ཡོད། རྩ་ཁྲིམས་དཔང་དུ་འཛུགས་ཀྱི་ཡིན་བརྗོད་མེད། དེ་ནི་སྤྱི་གཙོའི་དམ་འབུལ་གྱི་སྐབས་སུ་ཁོས་བཅའ་ཁྲིམས་སམ་མ་ཁྲིམས་དཔང་དུ་བཞག་ནས་ལས་དོན་སྒྲུབ་ཀྱི་ཡིན་ཟེར་བའི་དམ་འབུལ་དང་འགལ་ཡོད།

གནས་ཚུལ་འདི་ལས་ང་ཚོས་རྟོགས་དགོས་བ་ཞིག་ནི། སྤྱི་རྒྱུན་དང་། ཁྲིམས་ཞིན་ཁང་གཉིས་ཀྱིས་ཕན་ཚུན་ལ་ལྟ་བ་མཁྲེགས་པོ་བཟུང་ནས་གོ་ཤེས་ཉན་ཤེས་གཏན་ནས་མ་བྱས་བ་ནི་ནོར་འཁྲུལ་རེད་ལ། སྤྱི་འཐུས་ཚོས་ཕུད་དགོས་ཀྱང་། ཁྲིམས་ཞིབ་པ་ཆེ་བ་ཕུད་ན་འགྲིག་ན་ཡོད། རྒྱུ་མཚན་ནི། ཁྲིམས་ཁང་གིས་སྤྱི་རྒྱུན་ཚོ་ལ་ཆད་པ་ལྕི་མོ་བཅད་མེད་པས་ཡིན།  དེ་བཞིན་ཁྲིམས་ཞིབ་པ་ཚོ་ཡིན་ཡང་། ཝོས་ནད་ཀྱི་རྐྱེན་པས་མི་ཀུན་འཛོམས་མི་ཐུབ་ཅིང་། སྤྱི་འཐུས ༡༩ རྡ་ས་མེད་པས། སྤྱི་འཐུས་ཀྱིས ༧༠% མི་འདང་བས། ཚོགས་འདུ་ཚོགས་མི་ཐུབ་པ་ཞུགས་ནས་བསམ་ཤེས་བཏང་ན་ལེགས་ཀྱང་། དེ་ལྟར་གནང་མེད། གཉིས་ཀས་སོ་སོའི་ས་ནས་སོར་ཡང་ཕྱི་སྣུར་མ་བྱས་བས། ལྟ་བ་མཁྲེག་པོོ་བཟུང་བས་དཀའ་ངལ་འདི་བྱུང་ཡོད། འོན་ཀྱང་། རྒྱལ་ཁབ་སྐྱོང་བཏང་ཡིན་ན། ཕན་ཚུན་ལ་བསམ་ཤེས་དང་གུ་ཡང་། ཅུང་ཙམ་སྟུན་རེས་བྱས་ནས་ཐག་གཅོད་བྱེེད་དགོས་བ་ལས། ཚང་མ་རང་གི་འདོད་པ་ལྟར་ཡོང་གི་མ་རེད། ཡོ་རོབ་གྲོས་ཚོགས་ཡིན་ཡང་། རྒྱལ་ཁབ་མང་པོས་སོས་སོའི་གནས་བབས་རྩོད་པ་བྱས་ཤིང་། རྩོད་པ་ནས་རྩོད་པ་བྱས་མཐར་ཕན་ཚུན་ལ་སྟུན་རེས་བྱས་ནས་ཐག་གཅོད་ཀྱི་ཡོད།

ད་ལྟའི་དཀའ་ངལ་བྱུང་བའི་གནད་དོན་གཞན་ཞིག་ནི། བཅའ་ཁྲིམས་སམ་རྩ་ཁྲིམས་སུ་ད་དུང་གསལ་ཁ་ཆ་ཚང་ཞིག་མེད་པ་མ་ཟད། མང་གཙོ་ཡང་གསར་བ་ཡིན་པས། དཔེ་མཚོན་མེད་པས། གནད་དོན་གསར་བ་ལ་ཐུག་སྐབས་སུ་ཁྲིམས་ལུགས་གསལ་ཁ་མེད་པ་དང་། གུ་ཡང་དང་། ལྷོད་ཤེས་ཀྱི་ལམ་ཁ་ཉུང་བས་དཀའ་ངལ་འཕྲད་ཡོད། འདི་ནི་རྩ་ཁྲིམས་གྱི་ཞན་ཆར་བགྲང་ཆོག

མ་གཞི་མང་གཙོའི་རྒྱལ་ཁབ་ཀུན་ལ་དབྱིན་ཡིག་གི compromise བྱས་ནས་ཐག་གཅོད་ཀྱི་ཡོད། སྟབས་མ་ལེགས་པ་ཞིག་ང་ཚོའི་བོད་པ ༩༩% ཡིས་སོ་སོའི་འདོད་པ་ལྟར་མ་ཕྱིན་ན། མཁྲེགས་འཛིན་བྱེད་རྒྱུ་ལས། ཅུང་ཙམ་གང་གི་ས་ནས་གོང་ཚད་མར་ཕབས་ནས་སྟུན་ཤེས་བྱེད་ཤེས་ཀྱི་མི་འདུག འདི་ང་ཚོ་སྐྱེས་དུས་ནས་དད་པ་སྦྱང་བས་ཡིན་ཤས་ཆེ། གལ་སྲིད་མར་ལ་བབ་ནས་སྟུན་མཁས་བྱས་བ་ཡིན་ན། བྱེད་མཁན་ནི་བརྟན་པོ་མེད་མཁན་དང་། རང་ཚུགས་ཤོར་མཁན་དུ་བརྩི་བས་དེ་ནི་ཡག་པོར་མ་མཐོང་། མཁྲེག་འཛིན་འདིས་ཕྱི་རྒྱལ་ཁག་ཏུ་ཡིན་ཡང་། བོད་པ་ཚོ་གཅིག་ཏུ་གནས་རྒྱུ་དཀའ་ངལ་འཕྲད་ཀྱི་ཡོད།

དེ་སྔོན་སྤྱི་འཐུས་ཚོས་གནས་ཡུལ་རྒྱལ་ཁབ་ཀྱི་ཁྲིམས་ལ་ལྟོས་བ་མེད་པ་རྒན་ཐབ་བསྟན་དབང་ཆེན་སྤྱི་འཐུས་ནས་ཕུད་ཡོད་ལ། ཁྲིམས་ཞིབ་པ་ཚོ་ཡིན་ཡང་། གནད་དོན་ཆུང་ཚགས་ཤིག་ལ་བསྙད་ནས། སྤྱི་འཐུས་ཀྱི་ཐག་གཅོད་རྩིས་མེད་དུ་བཏང་ནས་བཀའ་བློན་གྱི་འོས་མི་བཀག་ཡོད། འདི་དག་ནི་ལངས་ཕྱོགས་མཁྲེགས་དྲགས་པས་རེད། ལངས་ཕྱོགས་བརྟན་ན་མཚམས་རེ་ལེགས་མོད་ཀྱང་། མཁྲེག་དྲགས་ན་མི་ལེགས་པ། བདེན་དོན་དང་སྟུན་དགོས་ཡོད། དེ་ལྟར་སྟུན་མ་ཐུབ་ན། དེས་སྤྱི་ཚོགས་ཀུན་ཁ་ཐོར་དུ་བཏང་ངེས་ཡིན། བདེན་ཏེ། ང་ཚོ་ལ་རང་བཙན་མེད་པས་རད་བཙན་རྒྱལ་ཁབ་ཡོད་མཁན་གྱི་རྒྱལ་ཁབ་ཚོ་ལྟར་མཁྲེག་པོ་བྱེད་མི་འོས་ཁར། རང་བཙན་ཡོད་མཁན་ཚོ་ཡིན་ཡང་། གནད་འགག་གི་སྐབས་སུ་ཕན་ཚུན་ལ་གང་ཐུབ་ཀྱིས་གོ་ཤེས་དང་ཉན་རེས་བྱེད་ཀྱི་ཡོད། འདི་ཡང་མང་གཙའི་འགྲོ་སྟངས་ཡིན། མང་གཙོ་ནི compromise ནས་གཙོ་བོ་བྱུང་གི་ཡོད། དེར་བརྟེན། གནད་འགག་གི་སྐབས་སུ་སོ་སོའི་ས་ནས་གང་ཐུབ་ཀྱིས་མར་ལ་བབ་ཕན་ཚུན་ལ་བསམ་ཤེས་བྱས་ནས་སྲིད་གཞུང་དང་། ཚོགས་པ་སྐྱོང་གི་ཡོད། འོན་ཀྱང་། བོད་པ་རྣམས་ནི་མཁྲེག་འཛིན་ཆེ་དྲགས་ཤིང་། མི་རྒོད་དུ་གྱུར་ཅིང་། ཕན་ཚུན་ལ་གུ་ཡང་དང་བསམ་ཤེས་བྱེད་མི་ཐུབ་པས། དམའ་སྤྱི་ཚོགས་ཀྱི་ནང་དུ་གཅིག་སྒྲིལ་མི་ཐུབ་པའི་དཀའ་ངལ་ཡོད་ལ། མཐོ་དཔོན་པོའི་ནང་དུ་དེ་ལྟར་ཡོང་གི་ཡོད། ང་ཚོས་ཤེས་དགོས་བ་ཨ་རིའི་སྲིད་འཛིན་ལིས་ཁན་གྱིས་བརྗོད་པ་ལྟར་བདེན་པ་ནི་བརྟན་པོ་ལས་གལ་ཆེན་དུ་འཛིན་དགོས་བརྗོད་ཡོད།

བོད་པ་རྣམས་ནི་མཁྲེག་འཛིན་བྱེད་རྒྱུར་དགའ་བས་བོད་པའི་དགོན་པ་དང་སློབ་གྲྭ་རུ་དོན་མེད་ཀྱི་བཀག་རྒྱ་མང་ལ། མནར་གཅོད་རྒོད་པས། དེས་བོད་མི་རྣམས་ལ་དོན་མེད་ཀྱི་བསམ་བློ་དང་། འགྲོ་འགུག་གི་བཀག་རྒྱུ་བཟོས་ཡོད། བཟོས་བའི་རྐྱེན་གྱིས་བོད་མི་ཡི་ནང་དུ་འཇོག་པོ་དང་རྒོད་པོ་ཡོད་མཁན་དཀོབ་ལ།  ལྷག་པར་དུ་གསར་བཏོད་མཁན་ཡོང་ཐུབ་ཀྱི་མེད། མེད་དགོས་དོན་ཡང་། བོད་པ་ཚོས་བོད་མི་ལ་དགོས་མེད་ཀྱིས་བཙན་དབང་གིས་ཁྲིམས་ལུགས་དང་གོམས་སྲོལ་གྱི་བཀག་རྒྱ་སྣ་ཚོགས་བཟོས་བས་རེད། བཙན་དབང་དང་དགོས་མེད་ཀྱི་གོམས་སྲོལ་དེས་བོད་པ་རྣམས་བསམ་གྱི་བསམ་བློ་ཆུང་དུ་བཏང་ཞིང་། ཕན་ཚུན་ལ་བསམ་ཤེས་བཏང་མི་ཤེས་མཁན་གྱི་ལྟ་བ་མཁྲེགས་པོར་བཟོས་ཡོད་ལ། བཟོ་དགོས་དོན་ཡང་། གོམས་སྲོལ་དམ་པོ་དེས་བོད་པ་རྣམས་ཚོགས་པ་བསམ་བློ་བཏང་མཁན་གྱི་ལུག་ཏུ་བསྒྱུར་བཞིན་ཡོད་པས་རེད། དེར་བརྟེན། སོ་སོའི་འདོད་པ་དང་མ་མཐུན་ན། བོད་པ་རྣམས་ནང་ཁུལ་ལ་འཇིགས་སྐུལ་བྱེད་རྒྱུར་ངར་བ་ཡོད། གང་ལྟར་དཀའ་རྙོག་འདི་ལས་བསླབ་བྱ་བླངས་ཏེ། བོད་པ་རྣམས་ཕན་ཚུན་ལ་གང་ཐུབ་ཀྱིས་སྔ་ལས་གུ་ཡང་། བསམ་ཤེས་བྱ་མཁན་ཞིག་ཏུ་འགྱུར་བ་སྨོན།

གསལ་བཤད། —— བཅའ་ཁྲིམས་ནི་གོ་དོན་ནི་ཏག་ཏག་ཅིག་བསྡད་མེད་པས་ཁོ་བོས་མཚམས་རེ་མ་ཁྲིམས་དང་རྩ་ཁྲིམས་བྲིས་ཡོད། 

བཀའ་སྤྱིའི་འོས་བསྡུ་ཡི་སྔོན་དུ་ཟམ་གདོང་རིན་པོ་ཆེས་འཁྲབ་པའི་གཡོ་ཐབས་ལྔ། 

             ———ཨ་ནུ་ཐང་བསོང་ནམས། ༡༥/༤/༢༠༢༡

 ༡༽ བཀའ་ཤག་ཚང་མ་འཕོ་འགྱུར་དུ་བཏང་ཆོག་པ་རྩ་ཁྲིམས་སུ་གསལ་བ་དེས་ཁྲིམས་ཞིབ་པ་ཚང་མ་ཡང་དེ་བཞིན་གསལ་བོ་ཡོད་པ་རྟོགས་དགོས། གལ་སྲིད་མ་རྟོགས་ཀྱང་། དེ་རྩོད་རྙོག་ཡོད་པ་ཁས་ལེན་བྱེད་དགོས། འོན་ཀྱང་། ཟམ་གདོང་རིན་པོ་ཆེས་དེ་ངོས་ལེན་བྱས་མེད། དེ་ནི་ཁྲིམས་ཞིབ་པ་སྲུང་ཆེད་དུ་རེད།

༢༽ རྩ་ཁྲིམས་དྲུག་པའི་དགོངས་དོན་བཞིན་རྒྱལ་སྤྱི་དང་བོད་མི་གནས་ཡུལ་གྱི་རྒྱལ་ཁབ་ཀྱི་ཁྲིམས་དང་སྟུན་ནས་སྤྱི་འཐུས་ཀྱི་ཚོགས་འདུ་ཕར་འགྱང་བྱས་ཆོག་གི་ཡོད། དེ་ནི་བཅའ་ཁྲིམས་དང་འགལ་མེད། འོན་ཀྱང་། ཟམ་གདོང་རིན་པོ་ཆེས་འགལ་ཡོད་ཚུལ་ལྟ་བུའི་ལོག་འགྲེལ་་བྱས་བ་མ་ཟད། དོན་དངོས་སྦས་སྐུང་བྱས་ཡོད།

༣༽ ཟམ་གདོང་དྲང་མོ་མིན། རྒྱུ་མཚན་ནི། དེ་སྔོན་བཀའ་ཤག་ནག་པོ་བཟོ་དུས་དང་། བཀའ་སྤྱིའ་བཀའ་བློན་བསྐོས་བ་ཁྲིམས་ཁང་གིས་བཀག་དུས་སུ་ཟམ་གདོང་རིན་པོ་ཆེ་ཕེབས་སླེབས་མེད། ད་ལྟ་ཕེབས་ཡོད། དེ་ནི་དྲང་མོ་མིན།

༤༽ བཀའ་སྤྱི་ཡི་འོས་བསྡུའི་སྔོན་གྱི་ཉིན་གཉིས་ཀྱི་སྔོན་དུ་ཟམ་གདོང་ཕེབས་ནས་ཁྲིམས་ཞིབ་པ་ལ་རྒྱབ་སྐྱོར་གྱི་ཚུལ་དུ་བཅའ་ཁྲིམས་ལ་འགྲེལ་ཡོད། དེ་ནི་བཀའ་སྤྱིའི་འོས་བསྡུ་ལ་ཤུགས་རྐྱེན་སྤྲད་ཐབས་ཀྱི་ཀུན་སློང་ངན་པ་ཡིན། དེའི་མིང་ལ་ཨ་རི་ཡིན་ན October surprise ཟེར་བས། བོད་པ་ཡིན་ན། ཟླ་བཞི་བའི་ཡ་མཚན་གྱི་བྱུང་བ་ལབ་དགོས། དེས་སྲིད་སྐྱོང་གི་འོས་བསྡུ་ལ་འགྱུར་བ་བཏང་ཐེབས་པས་རེད། ཟམ་གདོང་རིན་པོ་ཆེས་ལས་འགུལ་དེ་སྤེལ་ཡོད། སྤེལ་དགོས་དོན་ཡང་ཁོང་ལ་ཁག་ཅིག་གིས་སྐུལ་མ་བཏང་བས་ཡིན་ཚུལ་གསུངས་བས། སྐུལ་བ་བཏང་མཁན་ནི་ལས་བྱེད་རྙིང་བའི་ཁག་ཅིག་ཡིན་པ་གསལ་བོ་རེད། བདེན་ཏེ། སྐུ་སྒེར་ཡིག་ཚང་དུ་སྤེན་ཚེ་ལ་འོས ༢༠༠ ལྷག་དང་། སྐལ་རྡོར་ལ ༦༠ ལྷག་ལས་མི་འདུག་ཟེར་བས། དེས་ཟམ་གདོང་རིན་པོ་སུའི་རྒྱབ་ནས་ཡོད་མེད་གསལ་བོ་བསྟན་ཡོད།

༥༽ ཟམ་གདོང་རིན་པོ་ཆེས་བཅའ་ཁྲིམས་ལ་མ་འགྲེལ་བའི་སྔོན་དུ་ཁོས་ཁྲིམས་ཁང་དང་སྤྱི་འཐུས་གཉིས་ལས་གང་ལ་བདེན་པ་ཡོད་མེད་ལབ་ཀྱི་མིན་གསུངས་ཡོད། འོན་ཀྱང་། ཁོས་མངོན་གསལ་དོད་པས་ཁྲིམས་ཁང་ལ་རྒྱབ་སྐྱོར་བྱས་ཡོད། དེ་ནི་ཚུལ་ཆོས་རེད། སྲིད་སྐྱོང་བློ་བཟང་སེང་གེ་ཡིན་ཡང་། སྐལ་རྡོར་ལ་གང་ཐུབ་ཀྱིས་འོས་བསྡུའི་སྔོན་དུ་རོགས་པ་བྱེད་ཐབས་བྱས་ཡོད། འོན་ཀྱང་། ཟམ་གདོང་ལྟར་ནུས་བ་ཐོན་ཐུབ་མེད། མེད་དགོས་དོན་ཡང་། སྲིད་སྐྱོང་གི་སུ་ཡི་རྒྱབ་ཏུ་ཡོད་མེད་ཚང་མས་ཤེས་བས་གསལ་བཤད་གནང་དགོས་མེད་པས་རེད། འོན་ཀྱང་། ཟམ་གདོང་མི་མང་གིས་འོས་མི་གཉིས་ཀྱི་སུ་ཡི་རྒྱབ་ཏུ་ཡོད་མེད་གསལ་བོ་རྟོགས་མེད་པས་རེད། ཡིན་ཡང་། ཟམ་གདོང་ངོས་སུ་ཐོན་ནས་སྐབས་དེར་ཕྱོགས་ཁག་སུ་ཡི་ཁོངས་སུ་ཡོད་མེད་གསལ་བོར་བསྟན་པས་རེད། བདེན་ཏེ། ཟམ་གདོང་བར་དུ་གནས་ན། འོས་བསྡུ་ཡི་རྗེས་སུ་བཅའ་ཁྲིམས་ལ་འགྲེལ་དུ་ཕེབས་ན་ནོར་མེད།

ཚོད་དཔགས།

༦༽ ཁྲིམས་ཁང་གིས་སྤྱི་འཐུས་ལ་རྙོག་དྲ་བཟོ་སྟངས་དང་། སྤྱི་རྒྱུན་གྱིས་ཁྲིམས་ཞིབ་པ་ལ་རྩོད་པ་བྱེད་སྟངས། ཁྲིམས་ཞིབ་པས་སྤྱི་རྒྱུན་ལ་ཉེས་བ་བཏང་སྟངས་དང་། སྤྱི་འཐུས་ཀྱིས་ཁྲིམས་ཞིབ་པ་ཕུད་སྟངས། ཕུད་སྐབས་སུ་སྤྱི་གཙོ་ཡིས་བཅའ་ཁྲིམས་ཟིན་བྲིས་བྱེད་མཁན་གྱི་ཀིརྟི་རིན་པོ་ཆེ་དང་ཟམ་གདོང་རིན་པོ་གཉིས་དཔང་དུ་བཞག་ནས་རྩོད་པ་བྱེད་ཟེར་བ་དང་། ཟམ་གདོང་གིས་ཁོའི་མིང་བཟུང་བས་མདུན་དུ་ཐོན་ནས། བཅའ་ཁྲིམས་སམ་རྩ་ཁྲིམས་ལ་མི་འགྲེལ་ཐབས་མེད་རེད་གསུངས་སྟངས་ལ་ལྟོས་ན། འདི་ཚོ་ཀུན་གྱིས་གོ་བསྒྲིགས་བྱས་ཤིང་། རྩོད་པ་བྱས་བ་ལྟར་ཡིན་པས། འདི་ནི་ལྟས་དབང་ཞིག་མ་རེད། ཆེད་མངགས་ཀྱིས་སྐལ་རྡོར་ཕམ་ཆེད་དུ་གོ་བསྒྲིགས་བྱས་བ་ལྟར་གྱུར་འདུག བདེན་ཏེ། ནམ་རྒྱུན་ཡིན་ན། སྤྱི་གཙོ་པད་འབྱུང་གིས་རྩ་ཁྲིམས་ཀྱི་སྒང་ལ་སུ་ཡང་མེད་གསུངས་བ་ནས་རྩོད་པ་བྱེད་པ་ལས། དེ་ཟིན་བྲིས་བྱེད་མཁན་དཔང་དུ་བཙུགས་ནས་རྩོད་པ་བྱེད་ཀྱི་ཡིན་གསུངས་ཀྱི་མེད། འོན་ཀྱང་། ཁྲིམས་ཞིབ་པ་འདི་གསུམ་ཕུད་སྐབས་ཀྱི་གནད་འགག་གི་སྐབས་སུ་ཁོས་ཟམ་གདོང་རིན་པོ་ཆེ་དང་ཀིརྟི་རིན་པོ་ཆེ་གཉིས་དཔང་དུ་བཙུགས་ནས་གསུངས་རྩོད་པ་བྱེད་ཀྱི་གསུངས་བ་ནི་དོགས་པ་ས་ཡུལ་ཞིག་རེད། ཏག་ཏག་ཅིག་བསྡད་མི་འདུག ཆུ་ཚོད་ཀྱིས་གསལ་བཤད་གནང་བའི་རེ་བ་ཡོད།

ཁྲིམས་དཔོན་གྱི་རྐུབ་སྟེགས་ཤོར་བའི་གདུང་འབོད་ནི་ཁོ་ཚོ་ལ་རྒྱབ་སྐྱོར་བྱེད་མཁན་ཚོའི་མྱ་ངན་ཞུ་སྟངས་ཤིག་ཡིན། 

ཟམ་གདོང་རིན་པོ་ཆེའི་རྒྱབ་སྐྱོར་བ་ལ་དཔྱད་པ། 

          ——ཨ་ནུ་ཐང་བསོད་ནམས། ༡༧/༤/༢༠༢༡ 

ཟམ་གདོང་རིན་པོ་ཆེའི་རྒྱབ་སྐྱོར་བ་ཁག་ཅིག་གིས་ཟམ་གདོང་ལ་མི་དགའ་མཁན་ཚོ་ནི་སྐུ་མདུན་ལ་མི་དགའ་མཁན་རེད་ལབ་ཀྱི་ཡོད་ཀྱང་། དེ་ནི་བདེན་པ་མིན་པས། ཕྲན་གྱིས་བློ་གཟུ་བོ་གནས་ནས་རྒྱུ་མཚན་ཆེན་པོ་བདུན་བཀོད་ཡོད།

༡༽དགེ་ལུགས་པའི་ལྟ་བ་ཤུགས་ཆེན་འཛིན་མཁན་ཚོ་ཡིན། ཁོ་ཚོས་དགེ་ལུགས་པའི་ཆེད་དུ་ཟམ་གདོང་གིས་མཐོ་དམན་ག་འདྲ་གསུངས་མཁན་ཡང་། དེ་སྣང་མེད་དུ་བཏང་ནས་ཁོང་ལ་རྒྱབ་སྐྱོར་བྱེད་ཀྱི་ཡོད།

༢༽ བོད་པ་དང་པོ་མི་འཛིན་པ་སོ་སོའི་ཆོས་ལུགས་དང་ཆོས་རྒྱུད་གཙོ་བོ་འཛིན་མཁན་ཚོ་ཡིན་ཞིང་། འདི་ཚོས་ཟམ་གདོང་རིན་པོ་ཆེས་ངོས་སུ་ཁོས་བོད་པ་གལ་ཆེན་དུ་ལྟ་བཞིན་མེད་གསུངས་ཀྱང་། དེ་དག་སྣང་མེད་དུ་བཏང་ནས་ཁོ་ལ་རྒྱབ་སྐྱོར་བྱས་ཡོད།

༣༽ རྒྱ་ནག་གྲོགས་སུ་འདོད་མཁན་དང་། རྒྱ་ནག་ལ་དགའ་མཁན་ཡིན། འདི་ཚོས་ཟམ་གདོང་རིན་པོ་ཆེ་ལ་རྒྱབ་སྐྱོར་བྱེད་ཀྱི་ཡོད་ཅིང་། འདི་ཚོས་ཟམ་གདོང་རིན་པོ་ཆེས་བོད་དོན་གལ་ཆེན་དུ་མ་གཟིགས་པ་ལེགས་པ་མཐོང་ཞིང་། ལྟ་སྟངས་དེའི་འོག་ཏུ་རྒྱ་ནག་དང་འབྲེལ་བ་ཉར་འདོད་པ་དང་། བོད་དུ་འགྲོ་འདོད། རྒྱ་བླ་བྱེད་འདོད་པས་རེད།

༤༽ ཁོང་གིས་ལོ་མང་གིས་རིང་དུ་དགེ་རྒན་བྱས་བས་ཁོང་ལ་དགེ་ཕྲུག་མང་བས། ཁོང་གི་དགེ་ཕྲུག་དང་། དེའི་སློབ་རྒྱུད་ཚོ་ཡིན། དེར་བརྟེན། མང་པོ་ཞིག་སྐྲག་ནས་ཟམ་གདོང་རིན་པོ་ཆེ་ལ་སྤྲེའུ་ལད་འཁྲབ་བཞིན་ཡོད། སྤྲེའུ་ལད་མ་འཁྲབ་ཀྱང་། ཅི་ཡང་མི་སྨྲ་བ་བཞུགས་ཡོད།

༥༽ བོད་དོན་དང་རྒྱལ་བ་རིན་པོ་ཆེའི་དོན་དག་གཉིིས་སུ་ཕྱེ་ཞིང་། བོད་དོན་ནི་རྒྱལ་བ་རིན་པོ་ཆེའི་གནད་དོན་ལས་གལ་ཆུང་དུ་ལྟ་མཁན་ཚོ་རེད། དེར་བརྟེན། ཟམ་གདོང་རིན་པོ་ཆེས་ཁོས་བླ་མ་དགའ་བྱེད་དུ་འབད་པ་ལས། བོད་པ་དགའ་བྱེད་དུ་འབད་མེད་གསུངས་ཀྱང་། འདི་ཚོས་སྣང་མེད་དུ་བཏང་ཐུབ་ཀྱི་ཡོད།

༦༽ རྡ་སའི་ལས་བྱེད་རྙིང་བ་དང་སྐུ་དྲག་རྙིང་བའི་ཕྱོགས་ཁག་རེད། འདི་ཚོས་རང་གི་གོ་གནས་ཀྱི་ཆེད་དུ་གཞན་ཞིག་སྲིད་སྟེང་དུ་འཛགས་རྒྱུར་བཀག་འགོག་བྱེད་པ་མ་ཟད། ཁོ་ཚོའི་གོ་གནས་ནི་བོད་ཀྱི་དགེ་སྡུག་ལས་གལ་ཆེན་དུ་ལྟ་བཞིན་ཡོད། དཔེར་ན། མི་དྲག་རྙིང་བ་ལ་རྒྱབ་སྐྱོར་བྱེད་མཁན་མི་ལ་རང་བཙན་དང་ལྷག་བསམ་ཁ་རུ་ཁ་ཐུག ཐོགས་མེད་བཅས་རེད། འདི་ཚོས་སྤེན་ཚེ་ལ་མ་ཐོབ་ན། ཁོ་ཚོ་བོད་ཀྱི་གྲས་ནས་ཕྱི་འབུད་རྒྱུ་ཡིན་ཟེར་བ་དང་། བོད་སྤྱི་ཡི་བདེ་སྡུག་ལ་བསམ་བློ་མི་བཏང་བ། ཆོལ་ཞེན་སློང་ནས་བོད་པ་གཏོར་རྒྱུར་འབད་ཡོད། འོན་ཀྱང་། སྐུ་དྲག་རྙིང་བ་ཚོ་དང་། དེའི་རྗེས་འཇུག་པས་འདི་དག་གི་བྱེད་སྟངས་ལ་ལྐོག་ནས་རྒྱབ་རྩ་བྱས་ཡོད།

༧༽ སྤེན་ཚེ་ནི་བོད་ཀྱི་རྩ་དོན་ལས་གལ་ཆེན་དུ་ལྟ་མཁན་ཚོ་ཡིན་ལ། དཔེར་ན། སྲིད་སྐྱོང་འཇར་མན་དུ་ཕེབས་སྐབས་སུ། སྤེན་ཚེའི་ཆེད་དུ་བོད་པ་ཁག་ཅིག་གིས་སྲིད་སྐྱོང་ལ་ངོ་རྒོལ་བྱས་ཡོད། མ་གཞི་རྡ་ས་རུ་ངོ་ལོག་བྱས་ན་ཆོག་ཀྱང་། སྲིད་སྐྱོང་འཇར་མན་གྱི་དཔོན་རིགས་དང་ཐུག་སྐབས་སུ་དེ་ལྟར་ངོ་རྒོལ་བྱེད་དགོས་དོན་མེད་ཅིང་། བོད་ཀྱི་རྩ་དོན་ལ་གནོད་ཀྱང་འདི་ཚོས་བསམ་བློ་བཏང་མེད། འོན་ཀྱང་། སྐབས་དེར་གཞུང་ཞབས་ཟུར་བའམ། ཟམ་གདོང་ལྟ་བུ་སྣེ་ཡོད་ཀྱི་མི་སྣ་སུ་གཅིག་ངོས་སུ་ཐོན་ནས་དེ་དག་གི་སྤྱོད་སྟངས་མི་འགྲིག་པའི་ལམ་སྟོན་གནང་མེད། ཁུ་སུམ་དུ་བཞུགས་ཡོད།

གནས་ཚུལ་འདི་དང་བྱུང་བ་འདི་དག་ལས་ཟམ་གདོང་རིན་པོ་ཆེའི་རྒྱབ་སྐྱོར་ཀུན་ནི་ཁོ་ཚོས་བརྗོད་པ་ལྟར་སྐུ་མདུན་གཙོ་བོ་བྱེད་མཁན་ཁོ་ན་མིན་པ་ཤེས་ཐུབ་པ་མ་ཟད། ཟམ་གདོང་རིན་པོ་ཆེའི་རྒྱབ་སྐྱོར་བ ༩༩% ནི་བོད་པ་དང་པོ་མི་བྱེད་མཁན་ཚོ་ཡིན།

ཟམ་གདོང་རིན་པ་ཆེ་ལ་རྒྱབ་སྐྱོར་མི་བྱེད་མཁན་རྣམས་ནི

བོད་པ་དང་པོ་བྱེད་མཁན་དང་། དགའ་ཕོ་བོད་ལས་གལ་ཆེན་དུ་མི་བརྩི་མཁན། དགེ་ལུགས་མཆོག་འཛིན་གྱི་ལྟ་བ་མེད་མཁན། སྐུ་མདུན་དང་པོ་རུ་མི་བརྩི་མཁན། རྒྱ་ནག་ལ་མི་དགའ་མཁན། ཤུགས་ལྡན་པ་ཁག་ཅིག་དང་། དྲང་བོ་བྱེད་མཁན་བཅས་ཀྱི་ཟམ་གདོང་རིན་པོ་ཆེ་ལ་རྒྱབ་སྐྱོར་མི་བྱེད་མཁན་ཡིན།

དེ་དག་ལས་དྲང་བོ་བྱེད་མཁན་དང་། བོད་པ་དང་པོ་བྱེད་མཁན། རྒྱ་ནག་ལ་མི་དགའ་མཁན་རྣམས་ཀྱིས་ཟམ་གདོང་རིན་པོ་ཆེའི་སྐབས་བབ་ཀྱི་གསུངས་སྟངས་དང་། ཀུན་སྤྱོད་ལ་དཔགས་ནས་མཚམས་རེར་ངོ་རྒོལ་བྱེད་ལ། མཚམས་རེར་རྒྱབ་སྐྱོར་བྱེད།

ཐུབ་བསྟན་ཐོགས་མེད་ཀྱིས་རེ་བ་ཞུས་བ་ལྟར་སྲིད་སྐྱོང་ལ་ངོ་རྒོལ་བྱེད་མཁན་བྱུང་མི་འདུག

            ———ཨ་ནུ་ཐང་བསོད་ནམས། ༣༠/༤/༢༠༢༡ 

གནས་ཚུལ་ཐོས་གསལ་ལྟར་ན། ཉེ་ཆར་རྩ་དོན་གླེང་དུ་སྲིད་སྐྱོང་བློ་བཟང་སེང་གེ་ལ་ངོ་རྒོལ་བྱོས་ཟེར་ནས་སྐུལ་མ་བཏང་མཁན་ནི་ཟམ་གདོང་རིན་པོ་ཆེ་དང་ཕ་ཡུལ་གཅིག་པའི་བསྟན་འཛིན་ནོར་རྒྱས་སམ། བསྟན་འཛིན་རྣམ་རྒྱལ་དང་། ཁྲིམས་ཞིབ་པ་ཟུར་བ་བཀའ་རྒྱུད་དོན་འགྲུབ་ཀྱི་སྤུན་མཆེད་ཀརྨ་དཔལ་འཛོམ་གཉིས་རེད། ཀརྨ་དཔལ་འཛོམ་གྱིས་ཉེ་ཆར་སྲིད་སྐྱོང་ངོ་རྒོལ་བྱོས་ཟེར་ནས་སྐུལ་མ་བཏང་བ་ཙམ་མིན་པ། མོས་ནེའུ་ཡོག་ཏུ་བུད་མེད་ཚོགས་པ་ཕྱོགས་ཁག་གཉིས་སུ་བཏང་ནས་ནང་འཛིང་བྱེད་མཁན་གཙོ་བོ་དང་། འཁྲུངས་སྐར་དུས་ཆེན་ཆབ་སྲིད་ཀྱི་ངོ་བོར་བསྒྱུར་ནས་ནེའུ་ཡོག་ཏུ་བསྟན་པ་ཡར་འཕེལ་ལ་ངོ་རྒོལ་བྱེད་མཁན་ཡིན། གལ་སྲིད་མོ་ནི་སྣེ་ཡོད་མི་སྣ་བཀའ་རྒྱུད་དོན་འགྲུབ་ཀྱི་སྤུན་མཆེད་ཡིན་ན། དེ་དག་ཀུན་གྱི་རྒྱབ་ཏུ་བཀའ་རྒྱུད་དོན་འགྲུབ་ཡོད་པ་གསལ་བོ་རེད། བཀའ་རྒྱུད་དོན་འགྲུབ་ཀྱིས་དེ་ལྟར་བྱེད་དགོས་དོན་ཡང་། མི་དྲག་རྙིང་བའི་ཁེ་ཕན་སྲུང་སྐྱོབ་ཡིན་པ་གསལ་བོ་རེད།

ནེའུ་ཡོག་གི་བོད་རིགས་ཚོགས་པས་སྲིད་སྐྱོང་བློ་བཟང་སེང་གེ་ལ་ཟླ ༤ ཚེས ༢༤ བཀའ་དྲིན་བརྗེད་དྲན་གྱི་མཛད་སྒོ་ཚོགས་ཤིང་། མཛད་སྒོ་ཡི་ཐོག་ཏུ་སྲིད་སྐྱོང་བློ་བཟང་སེང་གེ་གདན་འདྲེན་ཞུས་བ་མ་ཟད། སྤྱི་ཟུར་འཇམ་དབྱངས་བཟོད་པས་བྲིས་བའི” མི་མང་གི་སྲིད་སྐྱོང་” ཟེར་བའི་དེབ་ཅིག་དབུ་འབྱེད་གནང་ཡོད། སྐབས་དེ་དང་སྟུན་ནས་ནེའུ་ཡོག་ཏུ་གནས་སྡོད་ཐུབ་བསྟན་ཐོགས་མེད་ཀྱིས་ལམ་སྟོན་གནང་ཞིང་། ཀརྨ་དཔལ་འཛོམ་གྱིས་དོན་ཟུར་སྤེན་ཚེའི་རྒྱབ་སྐྱོར་བ” རྩ་དོན་གླེང་གི་སྐད་འཕྲིན་གྱི་ནང་དུ” སྲིད་སྐྱོང་ལ་ངོ་རྒོལ་བྱེད་དུ་ཡོང་རོགས་ཟེར་ནས་རེ་བ་ཞུས་ཡོད། མོས་རང་གི་ཚེ་སྲོག་དཔང་དུ་འཇོག་དགོས་ཀྱང་བཞག་ནས་སྲིད་སྐྱོང་ལ་ངོ་རྒོལ་བྱེད་མཁན་ཡོད་ན། དེ་དང་ལྷན་དུ་ངོ་རྒོལ་བྱེད་རྒྱུ་ཡིན་ཚུལ་ལབ་པ་པ་མ་ཟད། ད་ཐེངས་ནེའུ་ཡོག་ཏུ་ཡོད་པའི་སྤེན་ཚེའི་རྒྱབ་སྐྱོར་བ་ཚོས་སྟོབས་ཤུགས་ངོམས་དགོས་བ་དང་། བསྟན་པའི་དུས་ལ་བབས་ཡོད་ཚུལ་བརྗོད་ཡོད།

གནས་ཚུལ་གོ་ཐོས་ལྟར་ན། མོ་ནི ༢༠༡༩ ལོའི་ཟླ ༡༠ ཚེས ༡༤ ཉིན་སྲིད་སྐྱོང་བློ་སེང་ཁྲིམས་ཐོག་ནས་ནག་པོ་ནག་རྐྱང་དུ་བཟོ་མཁན་དང་། སྤེན་ཚེ་དཀར་བོ་དཀར་རྐྱང་ལྟ་བུ་བཟོ་མཁན་གྱི་ཁྲིམས་ཞིབ་པ་ཆེ་བ་ཟུར་བ་བཀའ་བརྒྱུད་དོན་གྲུབ་ཀྱི་སྤུན་མཆེད་རེད། བཀའ་རྒྱུད་དོན་འགྲུབ་ནི་ཕྱི་ལོ་ ༡༩༥༧ ཟླ ༡༡ ཚེས་ ༡༥ ཉིན་སྟོད་མངའ་རིས་སུ་སྐྱེས་པ་དང་། ཕྱི་ལོ་ ༡༩༥༩ ལོར་ཕ་མ་སྤུན་མཆེད་དང་ལྷན་བཙན་བྱོལ་དུ་འབྱོར་ཡོད་ལ། སྤྱི་ལོ ༢༠༡༤ ལོར་ཟླ ༡༠ ནང་ནས ༢༠༡༩ ཟླ ༡༠ ཚེས ༡༤ བར་དུ་ཁྲིམས་ཞིབ་པ་ཆེ་བའི་ལས་འགན་འཁུར་ཡོད། འོན་ཀྱང་། ཁོས་ཆེད་སྦྱང་ནི་རྩིས་རིག་ཡིན་པ་ལས་ཁྲིམས་ལུགས་མིན་ཡང་། ཁོ་ནི་རྩིས་ཞིབ་འགན་འཛིན་ནས་ཁྲིམས་ཞིབ་པ་ཆེ་བར་གྱུར་ཡོད།

བཀའ་རྒྱུད་དོན་འགྲུབ་ཀྱིས་ལས་ཀའི་ཉིན་མཐའ་མ ༢༠༡༩ ལོའི་ཟླ ༡༠ ཚེས ༡༤ ཡི་མཚན་མོར་བཀའ་ཤག་གིས་ཁྲིམས་ཤོར་བ་གསལ་བསྒྲགས་བྱས་ཤིང་། ཚེས ༡༥ ཉིན་ནས་ཁྲིམས་ཞིབ་པའི་དུས་ཡུན་ཚར་ཏེ་བྲོས་བྱོལ་དུ་ཕྱིན་ཡོད། ཁོའི་ཚབ་ཏུ ༢༠༡༩ ལོའི་ཟླ ༡༠ ཚེས ༡༥ ཉིན་དྭགས་པོ་བསོད་ནམས་ནོར་བུ་ཡིས་ཁྲིམས་ཞིབ་པ་ཆེ་བའི་དམ་འབུལ་བྱས་ཡོད། དེར་བརྟེན། བཀའ་རྒྱུད་དོན་འགྲུབ་ཀྱིས་ཐག་གཅོད་དྲང་མོ་བྱས་ཡོད་ན། ཁོས་ཉིན་མཐའ་མའི་བར་དུ་སྒུག་དགོས་དོན་མེད་ལ། ལྷག་པར་དུ་མཚན་མོར་གསལ་བསྒྲགས་བྱས་ཏེ་འབྲོ་དགོས་དོན་མེད། མང་གཙོའི་རྒྱལ་ཁབ་གཞན་དུ་ནམ་རྒྱུན་ཡིན་ན། བཀའ་ཤག་ལྟ་བུ་འཛིན་སྐྱོང་གིས་ཁྲིམས་འགལ་བྱས་བ་གསལ་བསྒྲགས་བྱས་ན། ཉིན་ཁ་དང་། ཕྱི་གསལ་ནང་གསལ་གྱིས་གསལ་བསྒྲགས་བྱེད་ངེས་རེད། འོན་ཀྱང་། ཁོས་དེ་ལྟར་གནང་མེད། ས་རུབ་རྗེས་སུ་ལྐོག་ལྐོག་སུག་སུག་གིས་གསལ་བསྒྲགས་བྱས་ནས་བྲོས་ཡོད་པས། དེས་དྲང་བོའི་ཐག་གཅོད་བྱས་བའི་སྤོབས་པ་མེད་པ་བསྟན་ཡོད། སྤོབས་པ་ཡོད་ན། དེ་ལྟར་ལྐོག་ལྐོག་བྱེད་དགོས་དོན་མེད།

ཨ་རིའི་ནེའུ་ཡོག་གི་སྤྱི་ཁྱབ Andrew Cuomo ཡིས་ནེའུ་ཡོག་ཏུ་ཆོས་ལུགས་ཀྱི་མཛད་སྒོ་དང་འདུ་འཛོམས་བཀག་སྐབས་སུ། དེ་ནི་ཨ་རིའི་ཆོས་དད་རང་མོས་ཀྱི་རྩ་ཁྲིམས་དང་འགལ་འདུག་ཟེར་ནས་ཁྲིམས་དཔོན་དགུ་ལས། ཁྲིམས་དཔོན་ལྔ་ཡིས་དེ་ལ་ངོ་རྒོལ་བྱས་ནས་ནེའུ་ཡོག་གི་སྤྱི་ཁྱབ་ཀྱི་བཀའ་ཁྱབ་དེ་ནི་ཁྲིམས་འགལ་རེད་ཟེར་ནས་བཀག་ཡོད། བཀའ་སྐབས་སུ་འདོད་པ་མེད་མཁན་དང་ཡོད་མཁན་གྱི་ཁྲིམས་དཔོན་ཚོས་མིང་གསལ་བོར་བསྟན་ཡོད་པས། བཀག་མཁན་གྱི་ཁྲིམས་དཔོན་ཀུན་ནི་སྤྱི་མཐུན་ཚོགས་པའི་ཁྲིམས་དཔོན་ཚོ་ཡིན།

 དེ་བཞིན་དབྱིན་ཇིའི་སྲིད་བློན Boris Johnson གྱིས་དབྱིན་ཇིའི་རྒྱལ་མོ་ལ་རེ་བ་ཞུས་ཤིང་། དབྱིན་ཇིའི་གྲོས་ཚོགས་བཀག་པ་ནི་ཁྲིམས་འགལ་རེད་ཟེར་ནས། དབྱིན་ཇིའི་ཆེས་མཐོའི་ཁྲིམས་ཁང་གིས ༢༠༡༩ ལོའི་ཟླ ༩ ནང་དུ་གསལ་བསྒྲགས་བྱས་ཤིང་། ཁོའི་རྒྱལ་མོ་ལ་རེ་བ་ཞུས་བ་དེ་ཕྱི་འཐེན་བྱས་ཡོད། གསལ་བསྒྲགས་བྱེད་སྐབས་སུ་ཁྲིམས་དཔོན་གསར་འགོད་པའི་མདུན་དུ་ཐོན་ནས། དབྱིན་ཇིའི་མི་མང་ལ་ཕྱི་གསལ་ནང་གསལ་གྱིས་ཞིབ་ཕྲ་གསལ་བྱེད་བྱས་ཡོད། དེ་བཞིན་ཨོ་བྷ་མས་བདམས་ཐོན་བྱུང་བའི་མང་གཙོ་ཚོགས་པའི་ཁ་ལི་ཧྥོ་ནས་ཡའི་ཁྲིམས་དཔོན་མ Laurel Beeler གྱིས་ཁྲོ་རྒན་གྱིས་རྒྱ་ནག་གི་སྤྱི་ཚོགས་དྲ WeChat བཀག་པ་ནི་ཨ་རིའི་མི་མང་གི་སྨྲ་བརྗོད་རང་དབང་གི་རྩ་ཁྲིམས་དང་འགལ་འདུག་ཟེར་ནས ༢༠༢༠ ཟླ ༩ ཚེས ༢༠ ཉིན་བཀག་ཡོད། དེ་དག་བཀག་སྐབས་སུ་ལྐོག་ལྐོག་སུག་སུག་གིས་བཀག་མེད། མངོན་གསལ་དོད་པོས་མདུན་དུ་ཐོན་ནས་བཀག་ཡོད།

སྲིད་སྐྱོང་བློ་སེང་ནེའུ་ཡོག་ཏུ་ཕེབས་སྐབས་སུ་ངོ་རྒོལ་བྱེད་དགོས་ཟེར་ནས་རྩ་དོན་གླེང་གི་ཚོགས་པ་རུ་སྐུལ་མ་བཏང་མཁན་གཞན་ཞིག་ནི་ཟམ་གདོང་རིན་པོ་ཆེའི་ཕ་ཡུལ་གཅིག་པ་བདེ་ཆེན་རྫོང་ནས་ཡིན་པའི་བསྟན་འཛིན་ནོར་རྒྱས་ཡིན་ཞིང་། བསྟན་འཛིན་ནོར་རྒྱས་ཀྱི་ཡབ་དང་ཟམ་གདོང་རིན་པོ་ཆེ་གཉིས་གྲོགས་པོ་ཡིན་པའི་གནས་ཚུལ་འདུག བསྟན་འཛིན་ནོར་རྒྱས་སྲིད་སྐྱོང་བློ་སེང་ལ་རྒྱབ་སྐྱོར་བྱེད་མཁན་ཡིན་ཁུལ་བྱས་ཤིང་། ༢༠༡༧ ལོའི་ཟླ ༨ ཚེས ༢༨ ནང་དུ་སྲིད་སྐྱོང་བློ་སེང་བྱང་ཁ་ལིས་ཧྥུ་ནས་ཡའི Bay Area ལ་ཡོང་སྐབས་སུ་ཁོས་སྐུ་སྲུང་བྱས་འདུག དེ་ནི་སྤེན་པ་ཚེ་རིང་ཨ་རིའི་དོན་གཅོད་ནས་མ་ཕུད་གོང་གི་ཟླ་གཉིས་དང་ཉིན་ཁ་ཤས་ཀྱི་གོང་དུ་རེད།

ཁོས་དེ་སྲིད་སྐྱོང་བློ་སེང་གི་སྐུ་སྲུང་བྱས་བ་ཙམ་མ་ཡིན་པ། རྗེས་སུ་སྲིད་སྐྱོང་བློ་སེང་གི་རྒྱབ་སྐྱོར་བ་ཡིན་ཁུལ་གྱིས་སྲིད་སྐྱོང་བློ་སེང་གི་རྒྱབ་སྐྱོར་ཚོགས་པའི་ནང་དུ་འཛུལ་མྱོང་ཡོད་ཚུལ་གནས་ཚུལ་བརྗོད་མཁན་འདུག་ཅིང་། གལ་སྲིད་དེ་དག་ནི་བདེན་པ་ཡིན་ན། ཁོས་དེ་དུས་ནས་གསང་ཉུལ་བྱས་འདུག རྒྱུ་མཚན་ནི། ཉེ་ཆར་ཟླ ༤ བའི་ཚེས ༡༩ ཙམ་ལ་རྩ་དོན་གླེང་གི་ནང་དུ”ཁོས་ཟམ་གདོང་རིན་པོ་ཆེས་མཐའ་མའིི་ཐག་གཅོད་ནི་མི་མང་གི་ལག་ཏུ་ཡོད་གསུངས་ཡོད་པས་ང་ཚོས་སྲིད་སྐྱོང་ལ་ངོ་རྒོལ་བྱེད་ཆེད་དུ་མཚན་རྟགས་བསྡུ་རུབ་བྱེད་ཀྱི་འདུག་པས་ཡག་པོ་རེད། གཉིས་པ་ནི། དེ་སྔོན་ང་ཚོས་སྤེན་ཚེ་མི་གཅིག་དོན་གཅོད་ནས་འཕོ་འགྱུར་བཏང་སྐབས་སུ་ང་ཚོས་ལས་འགུལ་རྒྱ་ཆེན་སྤེལ་ཏེ་གྲུབ་འབྲས་ཐོན་ཡོད་པས། ད་ཐེངས་ཁྲིམས་ཞིབ་པ་གསུམ་ཕུད་སྐབས་སུ་དེ་ལས་ལས་འགུལ་ཆེ་བ་སྤེལ་དགོས། གསུམ་པ་ནི། སྲིད་སྐྱོང་བློ་བཟང་སེང་གེ་གཙོ་བོ་གྱུར་བའི་མི་ངན་ཁ་ཤས་ཀྱིས་ངན་ཇུས་བཤམས་ནས་སྐུ་ངོ་སྤེན་པ་ཚེའི་སྲིད་སྐྱོང་གི་རིང་ལ། ཁོ་ཚོས་འདོད་པ་ཡོད་པའི་ཆེས་མཐོའི་ཁྲིམས་ཞིབ་པ་གསུམ་བསྐོས་ཏེ། སྤེན་པ་ཚེ་རིང་ཏག་ཏག་བཟོ་རྒྱུ་རེད་ལབ་འདུག་པས། ཚང་མས་ཁ་དཔར་ཨང་གྲངས་དང་མཚན་རྟགས་བསྡུ་རུབ་བྱས་ནས་སྲིད་སྐྱོང་ལ་ངོ་རྒོལ་བྱེད་རྒྱུར་མཉམ་ཞུགས་བྱེད་རྒྱུའི་རེ་བ་ཞུས་འདུག་”པས་ཡིན།

དོགས་འདྲི།

བསྟན་འཛིན་ནོར་རྒྱས་སྲིད་སྐྱོང་ལ་མི་དགའ་ན། ཁོས་ག་རེ་བྱས་ནས་སྲིད་སྐྱོང་གི་སྐུ་སྲུང་བྱས་བ་ཡིན་ནམ། ཉེ་ཆར་རྩ་དོན་གླེང་དུ་བསྟན་འཛིན་རྣམ་རྒྱལ་གྱིས་ལྐོག་ཏུ་སྲིད་སྐྱོང་ལ་ངོ་རྒོལ་བྱེད་རྒྱུའི་སྐུལ་མ་བཏང་བཞིན་ཡོད་པས། ཁོས་དེ་ལྟར་བྱེད་དགོས་དོན་ནི་ཟམ་གདོང་རིན་པོ་ཆེ་ལ་རྒྱབ་རྩ་བྱེད་ཆེད་དུ་ཡིན་ནམ། ཡང་ན། དམིགས་ཡུལ་གཞན་ཞིག་ཡོད་དམ། ལྷག་པར་དུ་ཁོ་དེ་ལྟར་སྲིད་སྐྱོང་ལ་ཁོང་ཁྲོ་ལངས་ནས་ངོ་རྒོལ་གྱི་འབོད་སྐུལ་བྱེད་ཀྱི་ཡོད་པས། ཁོའི་རྒྱབ་ཏུ་གཞུང་ཞབས་ཟུར་བའམ། རྒན་པ་སུ་ཞིག་སྦས་ཡོད་པ་ཡིན་ནམ། ཟམ་གདོང་རིན་པོ་ཆེ་ཡིན་རྒྱུ་མ་རེད།

ནང་ཁུལ་གླེང་ན་ནང་འཁྲུག་སློང་བས་ཡག་པོ་མི་འདུག་ལབ་མཁན་ཡོད་ཀྱང་། དེ་ནི་ནང་འཁྲུག་སློང་བ་མིན་པ། བོད་འདི་རུལ་སུངས་སུ་གྱུར་བར་ལྟད་མོར་ལྟོས་ནས་འདུག་མི་ཐུབ་པ། སྔོན་མར་དེ་ལྟར་བསྡད་པས། བླ་དྲག་དང་མི་དྲག སྐུ་དྲག་ཚོས་བོད་འདི་རུལ་སུངས་སུ་བསྒྱུར་ནས་སྐྱེལ་བ་རེད།

སྤེན་ཚེའི་རྒྱབ་སྐྱོར་བས་ཅི་ཙམ་ངོ་རྒོལ་བྱས་ཚེ་དེ་ཙམ་སྤེན་ཚེ་སྲིད་སྐྱོང་དུ་འགྱུར་རྒྱུར་འགོག་རྐྱེན་གྱུར་འདུག

           ——ཨ་ནུ་ཐང་བསོད་ནམས། ༡/༥/༢༠༢༡ 

ཁ་སང་སྲིད་སྐྱོང་བློ་སེང་གིས་ཁྲིམས་ཞིབ་པ་གསུམ་ལ་རྒྱབ་སྐྱོར་བྱེད་མཁན་གྱི་ཕྱོགས་ལ། ཁྱེད་ཚོས་མུ་མཐུད་དུ་ངོ་རྒོལ་བྱས་ཤིང་། ཁྲིམས་ཞིབ་པ་གསར་བསྐོ་ཡི་ལས་དོན་ལ་འགོག་རྐྱེན་བཟོས་ན། ཁོས་བཅའ་ཁྲིམས་དང་མཐུན་པའི་སྒོ་ནས་སྤེན་ཚེ་ལ་སྲིད་དབང་རྩིས་སྤྲོད་བྱེད་རྒྱུ་ཕར་འགྱང་བྱེད་ཀྱི་ཡིན་གསུངས་བས། གནས་ཚུལ་འདི་ནི་སྤེན་ཚེའི་ཕྱོགས་ལ་མཚོན་ན། འགོག་རྒོལ་བྱ་བྱེད་ཀྱི་རྡུལ་ཕྲན་མཚོན་ཆ་ཞིག་ཏུ་གྱུར་ཡོད། རྒྱུ་མཚན་ནི། སྤེན་ཚེ་ཕྱོགས་ཁག་ཅིག་གིས་ཅི་ཙམ་གྱིས་ངོ་རྒོལ་བྱས་ཤིང་། ཁྲིམས་ཞིབ་པ་གསར་བ་བསྐོ་རྒྱུ་ལ་བཀག་འགོག་བྱས་ན། དེ་ལྟར་སྤེན་ཚེ་སྲིད་སྐྱོང་དུ་འགྱུར་རྒྱུར་བར་ཐག་རིང་དུ་བཏང་བས་རེད།

སྤེན་ཚེ་ཕྱོགས་ཁག་མི་ཉུང་བ་ཞིག་ལ་འདི་ལྟར་ཁྲིམས་དོན་དང་བཟང་སྤྱོད་དང་མཐུན་པའི་སྒོ་ནས་ཉེན་བརྡ་ཞིག་དགོས་ཤིང་། གལ་སྲིད་མ་བཏང་ན། འདི་ཚོ་སྐྱག་ལངས་སུ་ཤོར་བས་རང་ཚོད་མི་ཟིན་པས། སྲིད་སྐྱོང་གི་ཉེན་བརྡ་འདིས་སྤེན་ཚེའི་ཕྱོགས་རྣམས་འདར་སིག་བྱེད་བཅུག་ཡོད། འདར་སིག་གི་ཁྲོད་དུ་ཁོ་ཚོ་ཕྱིར་སྣུར་མི་བྱེད་རང་བྱེད་བཏང་ཡོད། མ་བྱས་ན། ཁོ་ཚོ་ལ་གྱོང་གུན་རེག་པས་རེད།

ཁྲིམས་ཐོག་ནས་ཁྲིསས་ཞིབ་པ་གསར་བ་བསྐོ་མ་ཐུབ་ན། སྲིད་སྐྱོང་གསར་བ་དང་། སྤྱི་འཐུས་གསར་བ་ལ་དམ་བཅའ་འབུལ་ས་མེད་པས། དམ་བཅའ་འབུལ་ས་མེད་ན། སྲིད་སྐྱོང་གསར་བ་དང་། སྤྱི་འཐུས་གསར་བ་ཡོང་ས་མེད་པས་རེད། དེར་བརྟེན། བཅའ་ཁྲིམས་སུ་བཀའ་ཤག་གི་ལས་ཡུན་ནི་ལོ་ལྔ་ཡིན་ཡང་། བཀའ་ཤག་གསར་བ་མ་ཡོང་བར་དུ་ལས་འགན་འཁུར་དགོས་བས། སྲིད་སྐྱོང་བློ་སེང་གིས་མུ་མཐུད་དུ་ལས་འགན་འཁུར་དགོས་འཁེལ་ཡོད། མ་འཁུར་ན་བཙན་བྱོལ་གཞུང་མེད་པ་འགྱུར་བས། སྲིད་སྐྱོང་གིས་ཁོས་དེ་ལྟར་འགྱུར་དུ་བཅུག་རྒྱུའི་འདོད་པ་མེད་པས། ཁོས་སྲིད་སྐྱོང་གསར་བ་མ་ཡོང་གི་བར་དུ་ཕྱག་ལས་མུ་མཐུད་དུ་འཁུར་རྒྱུ་ཡིན་པ་གསལ་བོར་གསུངས་ཡོད།

བློ་བཟང་དབང་རྒྱལ་ལ་ཁྲིམས་དོན་གྱིས་ལན་འདེབས།

           ——ཨ་ནུ་ཐང་བསོད་ནམས། ༡/༥/༢༠༢༡ 

བློ་བཟང་དབང་རྒྱལ་གྱིས”སྲིད་སྐྱོང་གསར་བ་ལ་དམ་བཅའ་རྒྱུའི་ཆེད་དུ་སྐུ་མདུན་ལ་སླར་ཡང་སྐུ་དབང་འབུལ་དགོས་བརྗོད་ཀྱི་ཡོད་”པས། དེ་ལྟར་གྱུར་ན། བཙན་བྱོལ་བའི་མང་གཙོ་སྐུ་མདུན་གྱིས་གནས་སྐབས་ཀྱི་རིང་དུ་ཕྱིར་བསྡུ་བྱེད་པར་གྱུར་ཡོད། དེ་ལྟར་ལམ་ཁ་དེ་བཏོད་ན། མ་འོངས་བར་དཀའ་རྙོག་ཅུང་ཙམ་ནམ་ཡང་བྱུང་ལ། དགའ་ལྡན་ཕོ་བྲང་གིས་བོད་ཀྱི་མང་གཙོ་ཕྱིར་བསྡུ་བྱས་ཆོག་ཆོག་ཏུ་འགྱུར་བས། བོད་ཀྱི་མང་གཙོ་ནི་དབྱིན་ཇིའི་མང་གཙོ་ལྟར་མ་ཡིན་པ། སྐུ་དབང་ལམ་ལུགས་སུ་འགྱུར་ངེས་བས་ཡིན། ལྷག་པར་དུ་མདུན་གྱིས་མི་མང་ལ་གནང་ཟིན་པའི་མང་གཙོའི་སྐུ་དབང་ནི་འུ་ཚབས་ཆེན་མ་ཐུཧ་ན། ཕྱིར་སྐུ་མདུན་ཕུལ་ན་ཡག་པོ་མིན། བདེན་ཏེ། དེ་ལྟར་ཕུལ་ན། སྲིད་སྐྱོང་དང་སྤྱི་འཐུས་ཚོས་རང་གི་འགན་མ་འཁུར་བ་མ་ཟད། ཁོ་ཚོས་མང་གཙོ་སྐུ་དབང་ལམ་ལུགས་སུ་བསྒྱུར་རོགས་བྱས་བས་ཡིན། གལ་སྲིད་ཐབས་ལམ་གཞན་མེད་ན། དེ་ལྟར་གནང་ཆོག་ཀྱང་། ཐབས་ལམ་མེད་པ་མིན་ཏེ། སྤྱི་འཐུས་དང་ཚོགས་ཆུང་གིས་མང་གཙོའི་ཁྲིམས་ལུགས་ལྟར་ཁྲིམས་ཞིབ་པ་གདམ་ཐུབ་ལ། སྲིད་སྐྱོང་བློ་སེང་གིས་ཀྱང་བཅའ་ཁྲིམས་ཀྱིས་དགོངས་དོན་བཞིན་སྲིད་སྐྱོང་གསར་བ་མ་སླེབས་བར་དུ་སྒུག་ཐུབ་པས་ཡིན། དེ་ལྟར་སྒུག་ན་མང་གཙོ་ཕྱིར་བསྡུ་བྱས་བ་ལས་ཀྱང་ལེགས་པ་ཡོད།

གལ་སྲིད་སྐུ་མདུན་ལ་གནས་སྐབས་སུ་སྲིད་དབང་སླར་ཡང་རྩིས་སྤྲོད་བྱེད་དགོས་ན། ཕྱིར་ཕུལ་མཁན་ནི་སྐུ་མདུན་གྱིས་མར་ལ་སྲིད་དབང་རྩིས་སྤྲོད་གནང་སའི་སྲིད་སྐྱོང་ཡིན་དགོས་ཀྱང་། སྲིད་སྐྱོང་གིས་སྐུ་མདུན་ལ་སྲིད་དབང་ཕྱིར་མི་འབུལ་རྒྱུའི་འདོད་པ་མེད་པ་ཁ་སང་གསལ་བོར་གསུངས་ཡོད། ཁག་མེད། གལ་སྲིད་སྲིད་སྐྱོང་གིས་ཕྱིར་ཕུལ་བ་ཡིན་ན། ཁོས་འགན་མ་འཁུར་བ་དང་། མ་འཇོན་པར་རུ་འགྱུར་བས། སྲིད་སྐྱོང་གིས་ལོ་བཅུའི་རྗེས་སུ་ཁོང་ལ་གནང་བའི་སྲིད་དབང་དེ་ཕྱིར་སྐུ་མདུན་ལ་འབུལ་ངེས་མ་རེད། དེ་ལྟར་འབུལ་དགོས་བའི་ཉེན་ཁ་ཡང་སླེབས་མེད།

གལ་སྲིད་སྐྱོང་གིས་སྲིད་དབང་ཕྱིར་སྐུ་མདུན་ལ་མ་ཕུལ་བ་ཡིན་ན། གྲོས་ཚོགས་ཀྱིས་སྲིད་དབང་ཕྱིར་སྐུ་མདུན་ལ་ཕུལ་དགོས་ཀྱང་། གྲོས་ཚོགས་ཚོགས་མ་ཐུབ་པ་ཡིན་ན། སྤྱི་འཐུས་ཚོས་སྲིད་དབང་ཕྱིར་སྐུ་མདུན་ལ་འབུལ་ཐབས་མེད་པས། བློ་བཟང་དབང་རྒྱལ་གྱིས་བསམ་བློ་དེ་ནི་མ་ནར་སོན་པར་གྱུར་ཡོད། བདེན་ཏེ། སྲིད་སྐྱོང་དང་གྲོས་ཚོགད་གཉིས་ཀྱིས་སྲིད་དབང་ཡར་སྐུ་མདུན་ལ་མ་ཕུལ་བ་ཡིན་ན། བོད་པ་སུ་ལ་སྲིད་དབང་ཕྱིར་སྐུ་མདུན་ལ་ཕུལ་རྒྱུའི་དབང་ཆ་མེད།

ཡང་མིན་ན། གྲོས་ཚོགས་ངེས་བར་དུ་ཟླ་འདིའི་ཚེས ༢༦ གྱི་སྔོན་དུ་ཚོགས་དགོས་ཤིང་། གྲོས་ཚོགས་ཚོགས་ནས་ཁོ་ཚོས་ཁྲིམས་ཞིབ་པ་གསར་དུ་འདེམ་མི་ཐུབ་པས། སྐུ་མདུན་གྱིས་མར་ལ་གནང་བའི་སྐུ་དབང་དེ་ཕྱིར་སྐུ་མདུན་ལ་ཕུལ་རྒྱུ་ཡིན་པའི་གྲོས་མཆོད་འཇོག་དགོས་ལ། དེ་ལ་རབ་བྱུང་ན། བཀའ་ཤག་གིས་མོས་མཐུན་བྱེད་དགོས། དེ་ལྟར་བྱེད་མ་ཐུབ་པ་ཡིན་ན། ཁྲིམས་ཐོག་གི་དཀའ་རྙོག་སེལ་གཏན་ནས་སེལ་མི་ཐུབ་ཅིང་། ཁྲིམས་ལྟར་སྲིད་དབང་སྐུ་མདུན་ལ་ཕྱིར་ཕུལ་མི་ཐུབ། དེར་བརྟེན། བློ་བཟང་དབང་རྒྱལ་གྱིས་བརྗོད་པའི་གནད་དོན་ལ་ཁྲིམས་ཐོག་ནས་གཞི་འཛིན་ས་མེད། ཁོའི་ཧམ་བཤད་ཙམ་ལས་མེད།

དམ་འབུལ་ཞུ་བྱེད་ཟེར་བ་ནི་སྐུ་དབང་ཡར་ལ་ཕུལ་བའི་དོན་རེད། དེ་མིན་ཁྲིམས་ཞིབ་པ་ལ་ཕུལ་དགོས་བ་ལས་སྐུ་མདུན་ལ་ཕུལ་མི་དགོས། ཁྲིམས་ཞིབ་པའི་ཚབ་ཏུ་སྐུ་མདུན་སླེབས་པ་ནི་སྲིད་དབང་ཡར་ལ་ཕུལ་བའི་དོན་རེད། གཉིས་པ་སྐུ་མདུན་ལ་དབང་ཆ་ཕྱིར་ཕུལ་དགོས་ན། ཕུལ་མཁན་ནི། སྲིད་སྐྱོང་དང་གྲོས་ཚོགས་གཉིས་ཡིན། དེ་མིན་གཞན་སུ་ལ་ཁྲིམས་ཐོག་ནས་དབང་ཆ་མེད།

སྲིད་སྐྱོང་དང་གྲོས་ཚོགས་གཉིས་ཀས་ཕྱིར་སྐུ་མདུན་ལ་སྐུ་དབང་སྤྲད་ཅིང་། ཁྲིམས་ཞིབ་པའི་ཚབ་ཏུ་སྐུ་མདུན་མ་བསྐོས་ན། སྐུ་མདུན་གྱིས་ཁྲིམས་ཞིབ་པའི་ཚབ་ཏུ་སྐུ་དབང་ལེན་པའི་ཐེ་གཏོགས་གནང་མི་སྲིད། རྒྱུ་མཚན་ནི། ཐེ་གཏོགས་བྱས་བ་ཡིན་ན། སྦྱིན་འཕྲོག་མཁན་དུ་འགྱུར་བས། དེ་ནི་གནས་ལུགས་དང་མི་མཐུན་ལ། སྐུ་མདུན་ལ་དེ་ལྟར་བྱེད་པའི་ཐུགས་དགོངས་ཡོད་མི་སྲིད། བྱེད་པའི་དུས་ལ་ཡང་སླེབས་མེད།

ཁྲིམས་ཁང་གིས་བཀའ་སྤྱི་གཉིས་ལ་ཉེས་ཆད་འགེབ་དུས་ཁྲིམས་ཞིབ་པ་ཟུར་བ་དང་གཞུང་ཟུར་ཁག་ཅིག་མི་ཐོན་པ་ཅི་ཡིན་ནམ། 

                ——ཨ་ནུ་ཐང་བསོད་ནམས། ༨/༥/༢༠༢༡

ཁོང་རྣམ་པ་གཉིས་ཀས་བོད་ཀྱི་ཁྲིམས་ལ་སེམས་འཁུར་བྱས་ནས་གཉིད་ཀྱང་ཡག་པོ་མི་ཁུག་ཚུལ་གྱིས་སྐྱོ་ངལ་འདོན་པ་མ་ཟད། སྤྱི་འཐུས་ཀྱིས་རང་སྐྱོན་ངོས་ལེན་གྱིས་ཁྲིམས་ཞིབ་པ་གསུམ་གྱི་སྐུ་དབང་སླར་གསོ་བྱེད་དགོས་གསུངས་ཀྱི་འདུག་ཅིང་། དེ་ལྟར་བྱས་ན། བོད་ཀྱི་སྤྱི་ཚོགས་བདེ་འཇགས་ཡོང་ཚུལ་བརྗོད་ཀྱི་འདུག འོན་ཀྱང་། ཁྲིམས་ཞིབ་པ་གསུམ་གྱིས་བཅའ་ཁྲིམས ༦ དགོངས་དོན་དང་འགལ་ཏེ་གྲོས་ཚོགས་ཕར་འགྱང་བྱས་མི་ཆོག་གི་བཅད་ཁྲ་བཏང་ཞིང་། སྤྱི་རྒྱུན་གྱི་འོས་བསྡུ་ཡི་ཐོབ་ཐང་འཕྲོག་སྐབས་སུ་ཁྱེད་ཚོ་སུ་ཞིག་མ་ཕེབས་པ་གང་ཡིན་ནམ། ཁྲིམས་ཞིབ་པས་བཀག་ཤག ༡༠༠% ཙམ་ནག་པོ་བཟོ་དུས། བོད་སྤྱི་བ་བསམ་ནས་དྲང་བདེན་གྱི་སྐད་ཆ་མ་བཤད་པ་ཅི་ཡིན་ནམ། སྐབས་དེར་ཁག་ཅིག་ཐོན་ཡོད་ན། ད་ལྟ་མ་མཐའ་ཡང་ཁོ་ཚོ་ལ་ཅུང་དྲང་ཚིག་འདུག་སྙམ་ངེས་རེད། དེ་མིན་དྲང་ཁུལ་བྱས་བ་ནི་ཚུལ་ཆོས་རེད།

ཨོ་གླིང་ཡིན་ཡང་སྔ་ལོ་ཟླ་ལྔ་བ་དང་དྲུག་པ་གཉིས་གྲོས་ཚོགས་ཕར་འགྱང་བྱས་ཤིང་། སྔ་ལོའི་ཟླ ༨ ཚེས ༡༡ ཙམ་མ་གཏོགས་གྲོགས་ཚོགས་མི་ཐུབ་པ་བཟོས་ཡོད་ལ། དེ་ལྟར་བཟོ་མཁན་ནི་ཡུལ་དེའི་སྲིད་བློན Scott Morrison ཡིན། སྐབས་དེར་ཨོ་གླིང་གི་ཁྲིམས་ཁང་གིས་རྩ་ཁྲིམས་སྦོ་ལུགས་པ་རེད་ཟེར་ནས་ཉེེས་ཆད་བཏང་མི་འདུག

ཁྲིམས་ཞིབ་པ་གསུམ་སླར་གསོ་བྱེད་དགོས་དོན་ན། ཁྲིམས་ཞིབ་པ་ལ་སྤྱི་འཐུས ༧༢% ལྷག་གི་གྲོས་ཆོད་བརྩིས་མེད་དུ་བཏང་དགོས་བས། དེ་འདྲ་བའི་དབང་ཚད་སུ་ལ་ཡོད་དམ། དེ་ནི་སྤྱི་འཐུས་མང་ཤོས་ལ་ཡོད་ཀྱང་། ཁྲིམས་དཔོན་ཚོ་མུ་མཐུད་དུ་འདི་ལྟར་བཏང་ན། ཁོ་ཚོས་གང་འདོད་དུ་བཅའ་ཁྲིམས་ལ་ལག་པ་འཆང་བས། ཁྲིམས་དཔོན་ཚོས་སྒེར་གྱི་སྐུ་དབང་སྤྱད་ནས་དབང་ཆ་བེད་སྤྱོད་བཏང་སྐབས་སུ་མི་མང་གི་གཞི་རྩའི་ཐོབ་ཐང་ལ་གུས་བཀུར་བྱེད་དགོས། དེའི་མིང་ལ་དབྱིན་སྐད་དུ civil right ཟེར། འདིའི་ནང་དུ་འོས་བསྡུའི་ཐོབ་ཐང་དང་། ཁྲིམས་ཞིབ་ཀྱི་རྒྱུད་རིམ་དྲང་བདེན་དགོས་བ། གཞུང་གི་ཞབས་ཞུའི་ཐོབ་ཐང་དང་། མི་མང་གི་སློབ་སྦྱོང་གི་ཐོབ་ཐང་། མི་མང་གི་མཁོ་ཆས་སོགས་ལ་གུས་བཀུར་ངེས་བར་དུ་བྱེད་དགོས། རྒྱུ་མཚན་ནི། འདི་དག་ལ་གུས་བཀུར་བྱེད་མ་དགོས་ན། ཁྲིམས་ཁང་གིས་རྩ་ཁྲིམས་ལ་ཁ་གཡར་ནས་ག་རེ་བྱེད་བྱེད་ཡིན་པས་རེད། དེར་བརྟེན། ཁྲིམས་ཞིབ་ཁང་གིས་སྤྱི་རྒྱུན་ལ་འོས་བསྡུ་བྱེད་མི་ཆོག་པ་བཟོས་བ་ནི་གཞི་རྩའི་ཐོབ་ཐང་འཕྲོག་པས་མང་གཙོའི་ཁྲིམས་དང་འགལ་ཡོད། དེར་བརྟེན། མང་གཙོའི་རྒྱལ་ཁབ་ཆེ་ཁི་ལྟ་བུ་ཡིན་ན། ཐ་ན་བཙོན་མ་ཚོ་ལ་འོས་ཤོག་འཕེན་པའི་ཐོབ་ཐང་སྤྲད་ཡོད།

Examples of civil rights include the right to vote, the right to a fair trial, the right to government services, the right to a public education, and the right to use public facilities. Civil rights are an essential component of democracy.

གནས་ཚུལ་འདིས་ཁྲིམས་ཞིབ་པ་ཚོས་གང་བྱུང་བྱེད་མི་འོས་བ civil rights ལ་ངེས་བར་དུ་གུས་བཀུར་བྱས་ཤིང་། མི་སྒེར་གྱི་ཐོབ་ཐང་དང་སྲིད་གཞུང་གི་ལས་དོན་འགྲུབ་ལ་དོ་ཕོགས་བཏང་མི་འོས། འོན་ཀྱང་། ཁྲིམས་ཞིབ་ཁང་གིས་སྤྱི་རྒྱུན་གྱི་གཞི་རྩའི་འོས་ཤོག་གི་ཐོབ་ཐང་འཕྲོག་ཡོད་ལ། བཀའ་ཤག ༡༠༠% ཙམ་ནག་པོར་བཟོས་བས་བཀའ་ཤག་གི་ལས་དོན་བྱེད་ཕྱོགས་ལ་དོ་ཕོགས་ཚབས་ཆེན་བཏང་ཡོད། སྐབས་དེར་ཁྲིམས་ཞིབ་པ་ཟུར་བ་འདི་ཚོ་དང་གཞུང་ཞབས་ཟུར་བ་འདི་ཚོ་མཐོང་རྒྱུ་མེད་ལ། འདི་ཚོས་སྤྱི་དོན་དང་མཐུན་སྒྲིལ་བསམ་ནས་ཁྲིམས་ཞིབ་ཁང་ལ་བཅད་ཁྲ་ཉུང་ཙམ་ཆུང་དུ་བཏང་ཟེར་ནས་འབོད་སྐུལ་ཞུས་མེད། དཔེར་ན། བཀག་ཤག ༥༥% ཙམ་གྱི་ནག་པོ་དང་། སྤྱི་རྒྱུན་གྱི་འོས་བསྡུ་ཡི་ཐོབ་ཐང་མ་འཕྲོག་གསུངས་མེད།

སྐྱོན་མི་འདུག ང་ཚོ་ནི་མི་ཡིན་པས་མི་ལ་ནོར་འཁྲུལ་ཡོད་པས། འདི་ལྟར་ནོར་འཁྲུལ་བྱུང་སྐབས་སུ་ཨ་རིའི་མང་གཙོའི་འགྲོ་ལུགས་ལྟར། form a more perfect union ཟེར་ཞིང་། དེའི་དོན་ནི་ཡང་མ་དག་པ་ངོས་ལེན་བྱེད་པའི་དོན་རེད། ང་ཚོ་ལ་དཀའ་རྙོག་མེད་པ་མིན་ཞིང་། དཀའ་རྙོག་ཡོད། དེ་ནི་ཨ་རི་ཡང་དག་པ་མིན་པས་ནོར་འཁྲུལ་བྱུང་ཡང་། བྱུང་སྐབས་སུ་ང་ཚོས་གོམ་གང་ཕྱི་སྤོ་བྱས་ནས་དེ་ལ་དག་ཐེར་བཏང་གི་ཡོད། ང་ཚོའི་བོད་ཀྱིས་ཀྱང་ང་ཚོ་ལ་དཀའ་ངལ་མེད་ཁུལ་བྱས་ནས་འཇོག་མི་ཉན་པ། དཀའ་ངལ་དེ་དག་ཕྱི་གསལ་ནང་གསལ་གྱིས་ཕྱི་རུ་བཏོན་ཞིང་། དེ་ལ་ཁ་གཏད་བཅག་ནས་སེལ་ཐབས་བྱེད་དགོས་ལ། དེ་ལྟར་བྱས་ན། ཨ་རི་ལྟར་དཀའ་ངལ་བྱུང་སྐབས་སུ་ནོར་འཁྲུལ་ཁ་གསབ་དང་། ཁྲིམས་ལུགས་བཅོས་བསྒྱུར་དང་། ཞུ་དག འཐུས་སྒོ་ཇེ་ཚང་དུ་བཏང་ནས་དཀའ་ངལ་སེལ་ཅིང་། སྔ་ལས་ཡར་རྒྱས་སུ་བཏང་དགོས། དེ་ལྟར་བྱས་ན་ང་ཚོ་རྒྱས་སུ་འགྲོ་ངེས་རེད། དེ་མིན་སྤྱི་འཐུས་ཀྱིས་ལས་ཉེས་བྱས་ཡོད་པས། གྲོས་ཆོད་རྩིས་མེད་དུ་བཏང་ནས་ཁྲིམས་ཞིབ་པ་གསུམ་བསྐོ་བཞག་བྱས་བ་ཡིན་ན། མ་འོངས་བར་ཁྲིམས་ཞིབ་པས་གང་བསྐོས་སུ་འགྲོ་བས། བོད་ཀྱི་མང་གཙོ་ཆེས་མཐོའི་ཁྲིམས་ཁང་གི་སྒེར་གཅོད་འོག་ཏུ་འགྲོ་ངེས་རེད།

མ་གཞི་ཁྲིམས་ཞིབ་ཁང་ལ་རྒྱ་གར་གྱིས ༡༩༧༠ ལོར་བཟོས་བའི Su moto དང་ཨ་རིས ༡༨༠༣ ལོར་བཟོས་བའི Sua Sponte གྱི་ཁྲིམས་ལྟར་ཞུ་གཏུག་བྱེད་མཁན་མེད་ཀྱང་ཁྲིམས་ཞིབ་ཁང་གིས་གང་ཟག་སུ་ཞིག་དང་། བཀའ་སྤྱི་སུ་ཞིག་གིས་བཅའ་ཁྲིམས་དང་འགལ་བ་མཐོང་ཚེ། དེ་ལ་ཐེ་གཏོགས་ཆོག་པ་བཟོ་རྒྱུ་གལ་ཆེན་ཡིན། འོན་ཀྱང་། དེ་རྒྱུ་མཚན་དུ་བྱས་ནས་ཁྲིམས་ཞིབ་པས་གང་འདོད་འདོད་བྱེད་མི་རུང་བ་མང་གཙོའི་གཞི་རྩའི་ཐོབ་ཐང་གུས་བཀུར་བྱེད་དགོས།

ང་ཚོའི་ཁྲིམས་ཞིབ་པས་བཙུགས་པའི་ཚོགས་ཆུང་གིས་གྲོས་ཚོགས་ཀྱིས་བཀའ་ཁྲོལ་མེད་པ ༢༠༡༩ ཟླ ༡༠ ཚེས ༡༤ ཉིན་སྤྱི་མང་གཏུག་བཤེར་གྱི་དོན་ཚན ༦༩ ནང་གསེས”ཏ” བ་ཁ་སྣོན་བྱས་ཡོད། ཁ་སྣོན་བྱས་བ་གསང་བ་བྱས་བས། ཐ་ན་གྲོས་ཚོགས་ཀྱི་ཚོགས་གཙོ་པདྨ་འབྱུང་གནས་ཀྱིས་ཤེས་མེད་ལ། གསང་བ་བྱེད་དགོས་དོན་ནི་ཁྲིམས་ཞིབ་པ་ཟུར་བ་ངག་དབང་རབ་རྒྱས་ཀྱིས་ནོ་ཝེ་རླུང་འཕྲིན་ཁང་ལ་ཟླ ༣ ཚེས ༣༠ ཉིན་གསུངས་ན། སྐབས་དེར་བཀག་ཤག་དང་ཁ་མཆུ་ཐུག་གི་ཡོད་པས། རྙོག་དྲ་ལངས་ཀྱི་འདུག་སྙམ་ནས་བཀའ་རྒྱུད་དོན་འགྲུབ་ལས་ཀ་བྱས་བའི་ཉིན་མཐའ་མའི་བར་དུ་སྒུག་ཚུལ་གསུངས་འདུག་པས། དོན་དངོས་ཁོ་ཚོས་གསང་བ་བྱས་བ་གསལ་བོར་བརྗོད་འདུག དེ་ནས་ང་ཚོས་གསལ་བོར་ཤེས་ལྟར་བཀའ་ཤག་དང་དོན་ཟུར་སྤེན་ཚེ་རྙོག་དྲ་བྱུང་རྗེས་སུ་ཁྲིམས་ཞིབ་ཁང་གིས་སྤྱི་མང་གཏུག་བཤེར ༦༩ ནང་གསེས་་་ཏ་་་ཁ་སྣོན་བྱས་བ་གསལ་བོ་རེད།

སྔ་ལོར་ཨ་རིའི་རྗོ་རྗེ་ཡ་དང་ཕན་སི་ཝེས་ནས་ཡ་སོགས་ཀྱི་མངའ་སྡེ་རུ་མངའ་སྡེའི་བཀག་ཤག་དང་ཁྲིམས་ཞིབ་པས་འོས་ཚོགས་ལ་སྐད་ཆ་མ་དྲིས་བ། འོས་བསྡུ་ཡི་ལས་རིམ་ལ་འགྱུར་བ་བཏང་བས། དེ་རྩ་ཁྲིམས་དང་འགལ་བས། ད་ལྟ་རྗོ་རྗེ་ཡ་རུ་འོས་བསྡུ་ཡི་ཁྲིམས་ལ་སྤྱི་འཐུས་ཚོས་འགྱུར་བ་བཏང་ཡོད།

བྱ་དུར་བཟང་བོས་ཆེས་ཁྲིམས་ཞིབ་ཁང་གིས་སྤྱི་འཐུས་ལ་མ་བསྟན་པའི་རང་བཟོའི་ཁྲིམས་ལུཊ”ཏ”ནི་ཁྲིམས་འགལ་ཡིན་པ་བརྗོད་ནས་མཚན་རྟགས་བཀོད་མེད། 

             ——-ཨ་ནུ་ཐང་བསོད་ནམས། ༡༠/༥/༢༠༢༡ 

ཆེས་མཐོའི་ཁྲིམས་ཞིབ་ཁང་གིས ༢༠༡༨ ལོ་འཇུག་ཙམ་ལ་བྱ་དུར་བཟང་བོར་དབུ་ཁྲིད་དུ་བཅུག་ཅིང་། དོན་ཟུར་སྤེན་ཚེའིི་ཁྲིམས་རྩོད་མ་རྣམ་རྒྱལ་ཚེ་སྐྱིད་ཐེ་བའི་ཚོགས་མི་ལྔ་ཡོད་པའི་ཁྲིམས་བཟོ་མཁན་གྱི་ཚོགས་ཆུང་ཞིག་བཙུགས་ཡོད། ཚོགས་ཆུང་དེས་ཁྲིམས་ལུགས ༢༡ བཟོས་འདུག་ཀྱང་། “ཁྲིམས་ཀྱི་ངོས་བཞེས ༦༩ ཏ་་”བཟོ་སྐབས་སུ་བྱ་དུལ་བཟང་བོས་དེ་ནི་བཅའ་ཁྲིམས་” དོན་ཚན ༦༧ དགོངས་དོན་གྱི་”  སྤྱི་འཐུས་ལྷན་ཚོགས་ནས་གཏན་ལ་ཕབ་པའི་ཁྲིམས་ལུགས་དོན་ཚན་གང་རུང་གི་དོན་ཚན་ཁག་གཞི་བཟུང་ཐོག”  གསུངས་བའི་དགོངས་དོན་དང་མཐུན་གྱི་མི་འདུག་བརྗོད་ནས་ས་ཡིག་བརྒྱབས་མེད། འོན་ཀྱང་། ཁྲིམས་ཞིབ་པ་ཆེ་བ་བཀའ་རྒྱུད་དོན་འགྲུབ་སོགས་ཁྲིམས་ཞིབ་པ་གསུམ་གྱིས་ཚོགས་ཆུང་སྒེར་གཅོད་བྱས་ཤིང་། བྱ་དུར་བཟང་བོའི་ཚབ་ཏུ་ཁྲིམས་པའི་ཚབ་ཏུ་ཁྲིམས་ཞིབ་པས་” ཁྲིམས་ཀྱི་ངོས་བཞེས་་ཏ་་་” ལ་མཚན་རྟགས་བཀོད་ནས་ཁྲིམས་སུ་བཅུག་ཡོད། ཁྲིམས་དེ་བཟོས་རྗེས་སུ་དེ་བཀའ་སྤྱི་གཉིས་ལ་ཆེ་མཐོང་གི་ཚུལ་དུ ༢༠༡༩ ཟླ ༡༠ ཚེས ༡༦ ལ་ཕུལ་བ་ལས། ཞིབ་འཇུག་བྱེད་རྒྱུ་རུ་ཕུལ་མེད་པས། སྤྱི་འཐུས་ཚོས་དེ་ལ་ཞིབ་འཇུག་མ་བྱས་བ་སྣང་མེད་དུ་ཤོར་ཡོད། དེ་ནི་ཁྲིམས་ཞིབ་པ་ཚོས་ཆེད་མངགས་ཀྱིས་ཐབས་ཤེས་དེ་འཐེན་པ་ཡིན་པ་གསལ་བོ་རེད། དེ་ནི་ཕྱོགས་གཅིག་ནས་བཀའ་སྤྱི་ཡིས་གནང་མེད་དུ་བཏང་བའི་ནོར་འཁྲུལ་དུ་བགྲང་ཆོག འོན་ཀྱང་། སྐབས་དེའི་ཁྲིམས་ཞིབ་པ་ངག་དབང་རབ་རྒྱས་ཀྱིས་ནོ་ཝེ་རླུང་འཕྲིན་ཁང་ལ་ད་ལོའི་ཟླ ༣ ཚེས ༣༠ ཉིན་ཁོ་ཚོས་ཁྲིམས་ལུགས་དེ་གསང་བ་བྱས་ཡོད་ཅིང་། མ་བྱས་ན། སྐབས་དེར་ཁ་མཆུ་༢༠ འགྲོ་བཞིན་ཡོད་པས་རྙོག་དྲ་ཡོང་སྲིད་པས་ཡིན་ཚུལ་གསུངས་འདུག་པས་ཡིན། ལྷག་པར་དུ་སྐབས་དེར་ཁ་མཆུ ༢༠ བ་ཐག་བཅད་ཟིན་མེད་པས། དོན་ཟུར་སྤེན་ཚེའི་ཁྲིམས་རྩོད་པ་རྣམ་རྒྱལ་ཚེ་སྐྱིད་ཁྲིམས་བཟོ་ཚོགས་ཆུང་གི་ཁོངས་སུ་བཅུག་པ་ནི་དྲང་མོ་མ་རེད། སྐབས་དེ་དུས་ནས་ཁྲིམས་ཁང་གིས་ཕྱོགས་རིས་བྱས་འདུག ཁྲིམས་ཁང་གིས་ཕྱོགས་རིས་བྱས་བ་ཡིན་ན། ཁྲིམས་ཁང་གི་རྩ་དོན་དང་འགལ་བས། ཁོ་ཚོའི་ཐག་གཅོད་བྱས་བ་ཁྲིམས་ཐོག་ནས་རྩིས་མེད་ཡིན་པ་མ་ཟད། ཁྲིམས་འགལ་གྱི་ཉེས་བ་བསགས་ཡོད།

བཅའ་ཁྲིམས ༦༧ ནང་དུ “བཅའ་ཁྲིམས་འདི་དང་། སྤྱི་འཐུས་ལྷན་ཚོགས་ནས་གཏན་ལ་ཕབ་པའི་ཁྲིམས་ལུགས་དོན་ཚན་གང་རུང་གི་དོན་ཚན་ཁག་གཞི་བཟུང་ཐོག་” ཟེར་བའི་སྤྱི་འཐུས་ཀྱིས་བཟོས་བའི་བཅའ་ཁྲིམས་མ་ཡིན་པའི་ཁྲིམས་ལུགས་དོན་ཚན་གང་ལ་གཞི་བཅོལ་ནས་བཟོས་ཡིན་ནས་ཟེར་ནས་བརྗོད་སྐབས་སུ་ཁྲིམས་ཞིབ་པ་ཚོས། ཁོ་ཚོས་རྒྱ་གར་ལ་གྱི  Suo moto དང་ཨ་རི་ལ་དཔེར་བལྟས་ཡོད་གསུངས་ཀྱི་ཡོད། འོན་ཀྱང་། སྤྱི་འཐུས་ཚོས” རྒྱ་གར་དང་ཨ་རིའི་བཟོས་བའི་ཁྲིམས་ནི་བོད་ཀྱི་སྤྱི་འཐུས་ཀྱིས་ལྷན་ཚོགས་ཀྱིས་བཟོས་བའི་ཁྲིམས་ལུགས་མིན་པ། ཨ་རི་དང་རྒྱ་གར་གྱིས་བཟོས་བའི་ཁྲིམས་ཡིན་པས། རྒྱ་གར་དང་ཨ་རིའི་ཁྲིམས་ལ་དཔེ་བལྟས་ནས་ཁྲིམས་ཞིབ་ཁང་གིས་ཁྲིམས་ལུགས་བཟོ་རྒྱུ་ལ་བཅའ་ཁྲིམས ༦༧ བས་གནང་བ་སྤྲད་མེད་པས། ཁྲིམས་ཞིབ་ཁང་གིས་བོད་ཀྱི་སྤྱི་འཐུས་ཀྱིས་བཟོས་བའི་ཁྲིམས་ལ་གཞི་མ་བཅོལ་བས་བཅའ་ཁྲིམས ༦༧ དང་འགལ་ཡོད” བརྗོད་ཀྱི་ཡོད། འོན་ཀྱང་། ཁྲིམས་ཁང་གིས་ཁོ་ཚོས་སྤྱི་འཐུས་ལ་སྐད་ཆ་མ་དྲིས་བ་རང་འདོད་ཀྱིས་བཟོས་བའི” ཁྲིམས་ཀྱི་ངོས་བཞེས” བཅའ་ཁྲིམས ༦༧ དང་མཐུན་ཡོད་གསུངས་ནས་ཨུ་ཚུགས་མཐའ་སྐྱེལ་བྱེད་ཀྱི་ཡོད། འོན་ཀྱང་། དོན་དངོས་བཅའ་ཁྲིམས ༦༧ ལས་གསུངས་བ་ལྟར”ཁྲིམས་ཀྱི་ངོས་བཞེས ༦༩ ཏ་་ནིི་ “སྤྱི་འཐུས་ལྷན་ཚོགས་ནས་གཏན་ལ་ཕབ་པའི་ཁྲིམས་ལུགས་དོན་ཚན་གང་རུང་” ལ་གཞི་བཟུང་ནས་བཟོས་ཟེར་བའི་ཁྲིམས་ལུགས་དོན་ཚན་སྟོན་རྒྱུ་མེད་པས་ཁྲིམས་འགལ་དུ་གྱུར་ཡོད། དེར་བརྟེན། བྱ་དུར་བཟང་པོས་དེ་ལ་མཚན་རྟགས་བཀོད་མེད། མ་ཟད ༢༠༢༡ ལོའི་ཟླ ༤ ཚེས ༡༢ ཉིན་ཁྲིམས་ཞིབ་པ་ཟུར་བ ༡༠ ཡིས་ཁྲིམས་ཞིབ་པ་ཚོ་ལ་རྒྱབ་སྐྱོར་བྱས་ཀྱང་། བྱས་དུར་བཟང་བོས་རྒྱབ་སྐྱོར་བྱས་མེད།

ཆེས་མཐོའི་ཁྲིམས་ཞིབ་ཁང་དང་ཁྲིམས་ཞིབ་པ་ཟུར་བ་ཚོས་གང་ཐུབ་ཀྱིས་ཁོ་ཚོས་ཁྲིམས་ལུགས ༦༩ བའི་་་ཏ་་་བཟོས་དགོས་དོན་ནི། བཅའ་ཁྲིམས་དོན་ཚན ༦༨ བས་ཁོ་ཚོར་དབང་བསྐུར་བས་ཡིན་ཚུལ་བརྗོད་ཀྱང་། ཁོ་ཚོས་ད་བར་དུ་” སྤྱི་འཐུས་ལྷན་ཚོགས་ནས་གཏན་ལ་ཕབ་པའི་ཁྲིམས་ལུགས་དོན་ཚན་གང་རུང” གང་ཞིག་ལ་གཞི་བཅོལ་ནས་བཟོས་ཟེར་བའི་ཁྲིམས་ལུགས་ཀྱི་དོན་ཚན་དེ་གསལ་བོར་བསྟན་མེད། དེ་གསལ་བོར་བསྟན་མ་ཐུབ་ན། ཁོ་ཚོས་སྤྱི་འཐུས་ལ་མ་དྲིས་བ་”ཁྲིམས་ཀྱི་ངོས་བཞེས་”བཟོས་བ་ཁྲིམས་འགལ་དུ་གྱུར་ཡོད། དེར་བརྟེན། ཁྲིམས་ཞིབ་པ་དང་དེའི་རྒྱབ་སྐྱོར་བ་ཚོས་བོད་མི་མང་ལ་ཁོ་ཚོས་སྤྱི་ལྷན་ཚོགས་ཀྱི་གཏན་ལ་ཕབས་པའི་ཁྲིམས་ལུགས་གང་ཞིག་ལ་གཞི་བཅོལ་ནས་བཟོས་བ་གསལ་བོར་བསྟན་དགོས་ཡོད།

ཁྲིམས་ཀྱི་ངོས་བཞེས་བཟོ་བར་སློབ་སྟོན་གནང་མཁན་ནི་ཟམ་གདོང་རིན་པོ་ཆེ་རེད།

ཁྲིམས་ཞིབ་ཁང་གིས་ད་ལོའི་ཟླ ༣ ཚེས ༢༦ ཉིན་བརྗོད་གསལ་ལྟར་ན ༢༠༡༧ ཟླ ༥ ཚེས ༤ ཉིན་ཟམ་གདོང་རིན་ཆེས་གལ་སྲིད་བཀའ་ཤག་དང་སྤྱི་འཐུས་ཀྱིས་ཁྲིམས་འགལ་བྱས་ན། དེ་ལ་ཉེས་བ་གཅོད་བྱེད་དུ Suo moto གྱི་ཁྲིམས་བཟོས་ན་འགྲིག་ཚུལ་གྱི་ལམ་སྟོན་ཕེབས་པ་ལྟར་རྗེས་སུ་ཁོ་ཚོས ༢༠༡༩ ལོའི་ཟླ ༡༠ ཚེས ༡༤ ཉིན་བཟོས་ཚུལ་གསལ་བོར་གསུངས་འདུག་པས། ཁྲིམས་ཞིབ་ཁང་གིས་བཀའ་སྤྱི་གཉིས་འདུལ་བྱེད་དུ་ཁྲིམས་ཀྱི་ངོས་བཞེས་བཟོ་བར་རོགས་པ་བྱས་འདུག འོན་ཀྱང་། ཁྲིམས་ཀྱི་ངོས་བཞེས་ཟེར་བའི་ཁྲིམས་དེ་བཟོ་སྐབས་སུ་བཀའ་སྤྱི་གཉིས་ལ་མ་བཤད་པ། ལྐོག་ནས་བཟོས་བ་ནི་དྲང་མོ་མ་རེད། དེ་འདྲའི་གལ་ཆེན་གྱི་ཁྲིམས་ལུགས་བཟོ་སྐབས་སུ་གྲོས་ཚོགས་སུ་གླེང་སློང་ཙམ་ཡང་ཡག་པོ་མ་བྱས་བ་ནི་ཁྲིམས་དང་མཐུན་མེད། དེར་བརྟེན། སྤྱི་རྒྱུན་ཚོས་ཁྲིམས་ལུགས་་ཏ་་་དེ་གསལ་བོར་མ་རྟོགས་པས་ད་ལྟ་དཀའ་རྙོག་འདི་བྱུང་ཡོད།

ཁྲིམས་ཞིབ་ཁང་གིས ༢༠༡༩ ལོར་ལྐོག་ནས་ཞུ་གཏུག་མི་དགོས་བའི་ཁྲིམས་ཀྱི་ངོས་བཞེས་ཟེར་བའི་ཁྲིམས་ལུགས་འདི་བཟོ་དགོས་དོན་ཡང་། ཁོ་ཚོས་ཁ་མཆུ ༢༠ དྲང་མོ་བྱས་ནས་ཐག་མ་གཅད་ན། དེ་ལ་རྙོག་གླེང་བཟོ་མཁན་བྱུང་ན། དེ་ཚོའི་ཁ་གནོན་དུ་ཁྲིམས་ལུགས་འདི་བཟོས་བ་གསལ་བོ་རེད། ཁ་མཆུ ༢༠ ཐག་གཅོད་ཀྱི་རྗེས་སུ་སྤྱི་འཐུས་དབུས་གཙང་སྤྱི་འཐུས་ཟླ་བ་ཚེ་རིང་དང་མདོ་སྟོད་སྤྱི་འཐུས་ངག་དབང་དམ་པ་གཉིས་ས་གནས་ཁག་ལ་སྐོར་སྐྱོད་དུ་ཕེབས་སྐབས་སུ་གནས་ཀྱི་མི་ཚོས་ཆེས་མཐོའི་ཁྲིམས་ཞིབ་ཁང་གིས་དྲང་མོ་བྱས་མ་སོང་ཟེར་ནས་སྙན་ཞུ་ཕུལ་བ་ཡར་འཁུར་ཏེ་ཡོང་ཞིང་། དེ་འབྲེལ་ཡོད་ཀྱི་ལྷན་ཁང་སོ་སོར་ཕུལ་དགོས་བས། ཁྲིམས་ཞིབ་ཁང་ལ་སྙན་ཐོ་དེ་ཕུལ་སྐབས་སུ་ཁྲིམས་ཞིབ་ཁང་གིས་ཟླ་བ་ཚེ་རིང་དང་ངག་དབང་དམ་པ་གཉིས་ལ་ཁྱེད་གཉིས་གཟབ་གཟབ་བྱོས། གཟབ་གཟབ་མ་བྱས་ན་ཁྱེད་གཉིས་ལ་ཉེས་བ་རེག་གི་རེད་ཟེར་ནས་ཉེན་བརྡ་བཏང་ཡོད།

ཉེན་བརྡ་བཏང་བ་དེས་སྤྱི་འཐུས་རྒྱུན་ལས་རྣམས་ཧ་ལས་སུ་བཅུག་ཅིང་། བཅུག་དགོས་དོན་ཡང་། ཁོ་གཉིས་ཀ་སྤྱི་འཐུས་ཀྱི་ཚབ་བྱས་ནས་མང་ཚོགས་ལ་ལྟ་སྐོར་དུ་ཕེབས་ཤིང་། ཁོ་གཉིས་ཀའི་མང་ཚོགས་ཀྱི་ངག་ལ་ཉན་ནས་མི་མང་གི་བསམ་འཆར་འཁུར་ནས་ཡོང་བ་དེ་སྤྱི་རྒྱུན་གྱིས་ཁྲིམས་ཞིབ་པར་བཏང་ཡང་། ཁྲིམས་ཞིབ་པས་དེ་ཉན་པ་ལྟ་ཅི། ཉེན་བརྡ་བཏང་བས་རེད། རྒྱུ་མཚན་ནི། ཐ་ན་སྙན་ཞུ་ཙམ་ཡང་ཕུལ་ས་མེད་པ་གྱུར་ནས་ཡོད་པས། སྤྱི་རྒྱུན་རྣམས་ཀྱིས་ཁྲིམས་ཞིབ་པའི་ཕྱག་ནས་གནང་སྟངས་ནི་སྒེར་གཅོད་དུ་གྱུར་ནས་ཡོད་པ་འཚོར་བས་རེད། ད་དུང་དེའི་སྟེང་དུ་རྒྱུ་མཚན་གཞན་ཞིག་ནི་སྤྱི་འཐུས་ཀྱིས ༢༠༡༩ ལོའི་ཟླ ༤ ནང་དུ་བཀའ་བློན་བསྐོ་བཞག་གི་སྐབས་སུ་ཁྲིམས་ཞིབ་པས་བཀག་འགོག་བྱས་བས། སྐབས་དེ་དུས་ནས་ཁྲིམས་ཁང་གིས་སྤྱི་འཐུས་ལ་སུན་འཛུར་བྱས་ཡོད། འོན་ཀྱང་། བཙན་བྱོལ་བའི་ལོ་རྒྱུས་ཀྱི་ཁྲོད་དུ་ཁྲིམས་ཞིབ་ཁང་གིས ༢༠༡༩ ཟླ ༤ བར་དུ་སྤྱི་འཐུས་ཀྱི་ཐག་གཅོད་བྱེད་ཕྱོགས་ལ་ལག་པ་འཆང་མྱོང་མེད། འདས་བའི་ལོ་གཅིག་དང་ལྷག་གི་ནང་དུ་ཐེངས་གཉིས་ལ་ལག་པ་འཆང་ཡོད་པས། དེ་ནི་ཁྲིམས་ཀྱི་ངོས་བཞེས་་་ཏ་་་དང་འབྲེལ་བ་ཡོད་པ་གསལ་བོ་རེད། ཏ་བའི་ཕུགས་སུ་ཟམ་གདོང་རིན་པོ་ཆེ་མང་དུ་བཞུགས་ཡོད།

ཁྲིམས་ཞིབ་ཁང་གི་ཁྲིམས་ཀྱི་ངོས་བཞེས་ལ་སྟངས་འཛིན་བྱེད་མཁན་མེད་ན། ཁྲིམས་ཞིབ་ཁང་གིས་ག་རེ་བྱེད་བྱེད་དུ་འགྱུར་ངེས།

ཁྲིམས་ཞིབ་པ་བཟོས་བའི་ཁྲིམས་ཡིག་གསར་བ་་་ཏ་་་ལྟར་དུ་ལག་བསྟར་བྱས་ན། ཆེས་མཐོའི་ཁྲིམས་ཁང་གིས་བོད་མི་མཐོ་དམན་མེད་པ་སུ་ལ་ལག་འཆང་ན། འཆང་ཆོག་པ་བཟོས་ཡོད་པས། དེ་ལ་སྟངས་འཛིན་བྱེད་མཁན་མེད་ན། སྒེར་གཅོད་པར་འགྱུར་ངེས་རེད། རྒྱུ་མཚན་ནི། ཁྲིམས་ལུགས་དེའི་ནང་དུ ༼ ཁྲིམས་ཞིབ་ཁང་ནས་བོད་ཀྱི་ཡུལ་མི་སུ་རུང་གི་གཞི་རྩའི་ཐོབ་ཐང་ངམ། ཁྲིམས་ཀྱི་ཐོབ་ཐང་གང་རུང་ལ་གནོད་འགལ་བྱུང་བའམ། སྤྱི་པའི་ཁྱེ་ཕན་ལ་གནོད་འགལ་བྱུང་བ་ཞིག་ཤེས་ཚོར་བྱུང་ཚེ། བྱ་རིམ་གཞན་ལ་བསྟུན་མ་དགོས་པར་ཁྲིམས་ཀྱིས་ངོས་བཞེས་བརྒྱུད། རྩོད་ལན་པར་བརྡ་ཐོ་བཏང་ཏེ་ཁིམས་ཞིབ་ཐག་གཅོད་བྱེད་ཆོག༽ གནད་དོན་འདིས་ཁྲིམས་ཞིབ་ཁང་གིས་མགོ་སྲིད་སྐྱོང་དང་གྲོས་ཚོགས་ནས་འོག་མི་སེར་ཀུན་ལ། ཁོ་ཚོས་ཁ་སྣ་ཚོགས་ལ་གཡར་ནས་བརྡ་ཐོ་བཏང་ཆོག་པ་མ་ཟད། ཁྲིམས་ཀྱི་ཉེས་ཆད་བཀལ་ཆོག་པ་བཟོས་ཡོད།

གལ་སྲིད་ཁྲིམས་ཁང་གི་ཐག་བཅད་ལ་ངོས་ལེན་མི་བྱེད་མཁན་དང་། ངོ་རྒོལ་བྱེད་མཁན་བྱུང་ཚེ། དེ་ནི་ཁྲིམས་ཁང་གི་བཀའ་མི་བརྩི་མཁན་རེད་ཟེར་ནས་ཤར་ཁུག་ལ་ཉེས་ཆད་བཀལ་བ་བཞིན། དགོངས་དག་ཞུ་དགོས་བཟོ་ངེས་རེད། དགོངས་དག་མ་ཞུས་ན། ཁྲིམས་ཁང་གི་བཀའ་ལ་མི་ཉན་མཁན་ཟེར་ནས་ནག་ཉེས་འགེབ་པས་རེད། དེར་བརྟེན། ཁྲིམས་ཀྱི་ངོས་བཞེེས་ཟེར་བའི ༦༩. “ཏ”ཁྲིམས་ལུགས་འོག་ཏུ་ཁྲིམས་ཁང་གིས་ག་རེ་བྱེད་བྱེད་བྱ་མི་རུང་བས་ཨ་རི་ལྟ་བུས་ཁྲིམས་ཁང་གིས civil rights ལ་གུས་བཀུར་བྱེད་དགོས་ཚད་གཞི་འཛིན་ས་དགོས་ངེས་རེད། འོན་ཀྱང་། ཨ་རིའི་ཁྲིམས་ཁང་གིས་ཀྱིས་ཀྱང་མཚམས་རེར་ལས་དོན་ཡག་པོ་འཁུར་མི་འདུག་སྙམ་ནས་རྙོག་གླེང་ཅུང་ཡོང་གི་ཡོད། ཧོ་ལན་ཊི་ལྟ་བུ་ཡིན་ན ༢༠༡༩ ལོ་ནས་ཁྲིམས་ཁང་གིས་གྲོས་ཚོགས་ཀྱི་གཙོ་བོ་ཚོས་འོས་ཤོག་འཕང་བའི་ཐག་གཅོད་ལ་དྲི་བ་བཏང་མི་ཆོག་པ་བཟོས་ཡོད། དེའི་མིང་ལ་དབྱིན་སྐད་དུ་གྲོས་ཚོགས་གཙོ་བོ ( primary legislation ) ཟེར། གྲོས་ཚོགས་ཕལ་བའི་ཐག་གཅོད་ཀྱི་མིང་ལ་དབྱིན་སྐད་དུ་ Secondary legislation ཟེར་བ་མ་ཟད། གྲོས་ཚོགས་ལ་རིགས་གཉིས་ཡོད་ཅིང་གཙོ་བོ་དང་ཕལ་བའི་གྲོས་ཚོགས་གཉིས་ཡོད། གྲོས་ཚོགས་ཕལ་བ་ནི་གྲོས་ཚོགས་ཀྱི་སྐུ་ཚབ་དང་གྲོས་ཚོགས་ཀྱི་གདམ་པའི་རྒྱུན་ལས་ཚོ་སོགས་རེད་ལ། གྲོས་ཚོགས་གཙོ་བོ་ནི་སྤྱི་འཐུས་ཀྱི་ཉུང་མཐའི་གསུམ་ཆ་གཉིས་ལས་གྲུབ་པའི་གྲོས་ཚོགས་ལ་ཟེར་གྱི་ཡོད། དེར་བརྟེན། ཁྲིམས་ཞིབ་པ་ཟུར་བ་ཚོས་སྤྱི་རྒྱུན་དང་གྲོས་ཚོགས་གཉིས་ལོགས་སུ་ཕྱེ་ཞིང་། སྤྱི་རྒྱུན་ནི་གྲོས་ཚོགས་མ་རེད་གསུངས་བ་ནི་བདེན་པ་རེད། གཉིས་ཀ་གྲོས་ཚོགས་རེད། འོན་ཀྱང་། གཙོ་ཕལ་ཡོད་པ་བདེན་པ་རེད།

མ་གཞི་མང་གཙོའ་ཀ་བ་གསུམ་ཐ་དད་དུ་བཟོ་མཁན་དང་པོ་ནི་ཧྥ་རན་སུའི་ཚན་ཉིད་རིག་པ་སྐ་ཞབས་མོན་ཏའ་སི་ཁིས་ཡ ( Montesquieu 689 – 1755) ཡིན་ལ། ཁོའི་ལྟ་གྲུབ་དེས་དབྱིན་ཇི་དང་། ལྷག་པར་དུ་ཨ་རི་འཛུགས་མཁན་གྱི་ཡབ་མེས་ཚོ་ལ་ཤུགས་རྐྱེན་ཐེབས་པ་མ་ཟད། ཨ་རི་རྒྱུད་ནས་འཛམ་གླིང་ལ་ཤུགས་རྐྱེན་ཐེབས་ཡོད། ཆབ་སྲིད་ཚན་ཉིད་རིག་པ་མོན་ཏའ་སི་ཁོ་ཡ་ཡིས་ཧྥ་རན་སུའི་ནང་དུ་ཡོད་པའི་རྒྱལ་བོ་དང་སྐུ་དྲག མི་སེར་གྱི་ཚབ་ཏུ་འཛིན་སྐྱོང་དང་། ཁྲིམས་བཟོ་ཁང་། ཁྲིམས་ཞིབ་ཁང་བཅས་བཟོས་ཤིང་། དེ་ཁོས་འཛམ་གླིང་ལ་དང་པོར་ངོ་སྤྲོད་བྱས་ཡོད།

བཅའ་ཁྲིམས་ཆེད་མཁས་བ་དུ་མས་ད་ལྟའི་རྩོད་རྙོག་གི་འབྱུང་རྩ་གཙོ་བོ་གཅིག་ནི་བཅའ་ཁྲིམས་ལ་ཁ་གསལ་མེད་ཅིང་། ཆ་མ་ཚང་བས་རེད་ཟེར་བ་བདེན་པ་རེད་འདུག 

               ——-ཨ་ནུ་ཐང་བསོད་ནམས། ༡༤/༥/༢༠༢༡ 

ད་ལྟ་ནད་ཡམས་ཀྱི་སྐབས་འདིར་དཀའ་ངལ་འཕྲད་དགོས་དོན་ནི་བཅའ་ཁྲིམས་ཀྱི་ནང་དུ་སྲིད་སྐྱོང་ལ་མང་གཙོའི་རྒྱལ་ཁབ་གཞན་ལྟར” དམིགས་བསལ་གྱི་སྐུ་དབང་” མ་སྤྲད་པས་རེད། གལ་སྲིད་སྤྲད་ཡོད་ན་གྲོས་ཚོགས་ཕར་འགྱང་བྱེད་རྒྱུ་སོགས་ནི་སྲིད་སྐྱོང་གིས་གཞན་སུ་ལ་སྐད་ཆ་འདྲི་མི་དགོས་བ་ཕར་འགྱང་བྱེད་ཐུབ་ཀྱི་ཡོད། འོན་ཀྱང་། དེ་ལྟར་བཟོས་མེད། ཐ་ན་གྲོས་ཚོགས་ལ་ཅུང་ཐོབ་ཐང་སྤྲད་ཡོད་པ་ཡང་། ཁྲིམས་ཁང་གིས་རྗེས་སུ་ཁོ་ཚོས་བཟོས་བའི” ཁྲིམས་ཀྱི་ངོས་བཞེས” བེད་སྤྱོད་བཏང་ནས་ཕྱིར་བསྡུ་བྱས་འཆར་བྱས་ཡོད། དེར་བརྟེན། སྤྱི་འཐུས་དང་ཁྲིམས་ཞིབ་ཁང་གི་བར་དུ་རྩོད་རྙོག་བྱུང་ཡོད།

འདི་ཡི་རྩ་བ་ནི ༢༠༡༡ ལོའི་རྗེས་སུ་སྐུ་མདུན་གྱིས་སྲིད་དབང་མར་སྲིད་སྐྱོང་ལ་གནང་རྗེས་སུ། བཅའ་ཁྲིམས་བསྐྱར་བཅོས་ཐེངས ༢༥ བ ༢༠༡༡ ལོའི་ཟླ ༥ ཚེས ༢༦ ཉིན་ནས་ཉིན་གསུམ་རིང་དུ་་བྱས་ཡོད་ཅིང་། དེ་བྱེད་མཁན་གྱི་ཚོགས་ཆུང་ནི་ཟམ་གདོང་རིན་པོ་ཆེ་དང་སྤེན་པ་ཚེ་རིང་། ཐུབ་བསྟན་ལུང་རིག་དང་རྒྱལ་རི་སྒྲོལ་མ། པདྨ་འབྱུང་གནས་བཅས་ཡིན། འོན་ཀྱང་། པདྨ་འབྱུང་གནས་ཀྱིས་བཟོས་བའི་བཅའ་ཁྲིམས་བསྐྱར་བཅོས་ལོགས་སུ་གཅིག་བྱས་བས། དེ་ནི་ཟམ་གདོང་རིན་པོ་ཆེ་སོགས་བཞི་ཡིས་བཟོས་བ་དང་མ་མཐུན་པས་བརྩིས་མེད་དུ་བཏང་ཡོད།

གཞན་བཞི་ལས་དབུ་ཁྲིད་ནི་ཟམ་གདོང་རིན་པོ་ཡིན་པ་སྨོས་མེད་རེད། རྒྱུ་མཚན་ནི། སྤེན་པ་ཚེ་རིང་དང་། ཐུབ་བསྟན་ལུང་རིག་གཉིས་ནི་ཟམ་གདོང་རིན་པོ་ཆེའི་བཀའ་བཀོད་ལྟར་ཡིན་པས། རྒྱལ་སྲིད་སྒྲོལ་མ་གཅིག་བུ་ཡིས་ཁོ་གསུམ་གྱི་ཁ་གཏད་མི་ཡོང་བས། དེ་དག་ཀུན་ཟམ་གདོང་རིན་པོ་ཆེས་གང་གསུངས་ཡིན་པ་གསལ་བོ་རེད། པདྨ་འབྱུང་གནས་བཅའ་ཁྲིམས་ལ་མཁས་བས་ཟམ་གདོང་རིན་པོ་ཆེ་ལ་བརྟེན་མི་དགོས་བ་རང་མགོ་ཐོན་པས། ཁོས་ལོགས་སུ་བཅའ་ཁྲིམས་བསྐྱར་བཅོས་བྱས་ཡོད་ཀྱང་། ཁོ་ཚོ་བཞི་དང་པདྨ་འབྱུང་གནས་གཉིས་བསྡུར་ན། བཞི་ནི་གཅིག་ལས་ནུས་བ་ཆེ་བས། ཁོ་ཚོས་པདྨ་འབྱུང་གནས་ཀྱི་བཅའ་ཁྲིམས་བསྐྱར་བཅོས་བརྩིས་མེད་དུ་བཏང་ཡོད།

བཅའ་ཁྲིམས་བསྐྱར་བཅོས་བྱས་རྗེས་སུ་བཅའ་ཁྲིམས་ནང་གི་རྙོག་དྲ་བྱུང་ས་ཀུན་ནི་དེ་སྔོན་སྐུ་མདུན་དང་འབྲེལ་བ་ཡོད་པའི་བདག་དབང་གི་དོན་ཚན་ཀུན་ཡིན་ཞིང་། དེ་ལྟར་ཡིན་ཚུལ་ཚད་ལྡན་གྱི་བཅའ་ཁྲིམས་ལ་མཁས་བ་ཞིག་གིས་གསུངས་ཀྱི་ཡོད་པ་མ་ཟད། ཁོས་གསུངས་ན། “སྐུ་མདུན་དང་འབྲེལ་བའི་བདག་དབང་དེ་དག་བགོ་འགྲེམ་ཡག་པོ་བྱེད་དགོས་ཀྱང་། ཡག་པོ་མ་བྱས་བས་ད་ལྟའི་བཅའ་ཁྲིམས་ཀྱི་རྙོག་གླེང་འདི་སླེབས་ཡོད་བརྗོད་བྱུང་།” རྒྱུ་མཚན་ནི། དེ་སྔོན་ཡིན་ན། དམག་འཁྲུག་དང་ནད་ཡམས། ས་ཡོམ་དང་མུ་གེ་སོགས་ཀྱི་གནས་ཚུལ་བྱུང་ན། སྐུ་མདུན་གྱི་བཀའ་རྩ་ཁྱབ་བསྒྲགས་བྱས་ནས། རྒྱུན་ལྡན་གྱི་ཁྲིམས་ལུགས་ཀུན་དུས་ཡུན་ངེས་ཅན་གྱི་རིང་དུ་མཚམས་འཇོག་བྱེད་ཐུབ་ཀྱི་ཡོད་ཀྱང་། ད་ལྟ་སྐུ་མདུན་གྱི་སྐུ་དབང་དམིགས་བསལ་བ་དེ་མེད་པས། ཛ་དྲག་གི་སྐབས་སུ་དམིགས་བསལ་གྱིས་དབང་ཆ་འཛིན་མཁན་ཞིག་དགོས་ཀྱང་། ༢༠༡༡ ལོར་ཟམ་གདོང་རིན་པོ་ཆེས་སྣེ་ཁྲིད་དེ་བཅའ་ཁྲིམས་བཅོས་ཀྱིས”ཛ་དྲག་གི་དམིགས་བསལ་གྱི་དབང་ཆ་སྲིད་སྐྱོང་དང་གྲོས་ཚོགས་གང་ལ་སྤྲད་མེད།” གལ་སྲིད་དམིགས་བསལ་གྱི་དབང་དེ་སྤྲད་ཡོད་པ་ཡིན་ན། ནད་ཡམས་ཀྱི་སྐབས་འདི་རུ་གྲོས་ཚོགས་ཕར་འགྱང་གི་དབང་ཆ་སུ་ལ་ཡོད་མེད་ཀྱི་རྩོད་མི་དགོས་ལ། མང་གཙོའི་རྒྱལ་ཁབ་གཞན་ལྟར་ནད་ཡམས་ཀྱི་སྐབས་འདིར་རྒྱལ་ཁབ་སོ་སོའི་འཛིན་སྐྱོང་གིས་ཛ་དྲག་གི་དབང་ཆ་འདི་བཟུང་ནས་གནས་སྟངས་དང་མཐུན་པའི་དམ་དྲག་གི་ཁྲིམས་ལུགས་བཟོ་ཆོག་གི་ཡོད། འོན་ཀྱང་། བོད་ལ་ནད་ཡམས་ཀྱི་སྐབས་སུ་ཛ་དྲག་གི་ཁྲིམས་ལུགས་དེ་སྡོམ་ཐུབ་མཁན་གྱི་དབང་ཆ་སུ་ཡང་མེད་པས་དཀའ་རྙོག་འདི་ལྷག་ཡོད། དེ་ནི་བཅའ་ཁྲིམས་ཀྱི་ནོར་འཁྲུལ་རེད། བཅའ་ཁྲིམས་ཆ་མ་ཚང་བས་རེད། གལ་སྲིད་བཅའ་ཁྲིམས་ཆ་ཚང་ཞིང་ཛ་དྲག་གི་སྐབས་སུ་དམིགས་བསལ་གྱི་སྐུ་དབང་མཁན་ཡོད་ན། དེ་འཛིན་མཁན་ནི་བཀའ་སྤྱི་གཉིས་ཡིན་ཞིང་། དེ་ལས་ཀྱང་འཛིན་སྐྱོང་བཀའ་ཤག་གྱུར་དགོས། འོན་ཀྱང་། བཅའ་ཁྲིམས་ཀྱིས་དམིགས་བསལ་གྱི་དབང་ཆ་དེ་སྤྲད་མེད། མི་སྤྲད་མཁན་ཡང་བསྐྱར་ཁྲིམས་བསྐྱར་བཅོས་བྱེད་མཁན་ཚོ་རེད། རྒྱུ་མཚན་ནི། བཟོ་མཁན་ཚོས་ཟམ་སྲིད་སྐྱོང་བློ་བཟང་སེང་གེ་འདུལ་ཆེད་དུ་རེད། སྲིད་སྐྱོང་ལ་དེ་ལྟར་དབང་ཆ་སྲིད་སྤྲད་འདོད་མེད་ན Czech གྱི་མང་གཙོའི་ལམ་ལུགས་ལྟར། སྲིད་འཛིན་གྱི་འོག་ནས་གྲོས་ཚོགས་ལ་བརྟེན་པའི་སྲིད་བློན་གདམ་དགོས། སྲིད་བློན་ཡོད་ན། ནད་ཡམས་སོགས་ཀྱི་སྐབས་འདིར་སྲིད་བློན་གྱིས་ཐག་གཅོད་བྱེད་ཐུབ་ཀྱི་ཡོད། སྲིད་སྐྱོང་དགོས་དོན་མེད། འོན་ཀྱང་། ད་ལྟའི་བོད་ཀྱི་ཆབ་སྲིད་ལམ་ལུགས་ཡིན་ན་སྲིད་སྐྱོང་ལ་ཛ་དྲག་གི་སྐབས་སུ་དམིགས་བསལ་གྱི་སྐུ་དབང་ངེས་བར་དུ་དགོས།

སྐུ་མདུན་གྱིས་སྐུ་དབང་སྲིད་སྐྱོང་ལ་གནང་ཡོད་ཀྱང་། བཅའ་ཁྲིམས་བསྐྱར་བཅོས་ཚོགས་ཆུང་གིས་བཀའ་ཤག་ལ་དབང་ཆ་མང་པོ་སྤྲད་མེད། དེ་ལས་ལྡོག་སྟེ་གང་ཐུབ་ཀྱིས་ཚོད་འཛིན་བྱ་ཐབས་ཀྱི་བཅའ་ཁྲིམས་བཟོས་བས། ད་ལྟ་དེ་ལག་ལེན་བསྟར་སྐབས་སུ་དཀའ་ངལ་མི་ཉུང་བ་བྱུང་གི་ཡོད་པ་མ་ཟད། བཅའ་ཁྲིམས་ལ་ཁ་གསལ་མེད་པས། བཅའ་ཁྲིམས་ཀྱི་འགྲེལ་བཤད་ཀྱང་མི་མཐུན་པ་བྱུང་གི་ཡོད།

ལྷག་པར་དུ་བཅའ་ཁྲིམས་ཁ་མི་ཚང་བ་ནི་ནད་ཡམས་ཀྱི་སྐབས་འདིར་དཀའ་ངལ་བྱུང་བ་འདིས་ང་ཚོ་ལ་གསལ་བྱེད་བྱས་ཡོད། རྒྱུ་མཚན་ནི། བཅའ་ཁྲིམས་བསྐྱར་བཅོས་ཚོགས་ཆུང་གིས་བཀའ་ཤག་གི་མགོ་གནོན་ཆེད་དུ་ཁྲིམས་ཞིབ་པ་གང་སར་སླེབས་ལྟ་བུ་བཟོས་ཡོད། ལྷག་པར་དུ ༢༠༡༧ ཟླ ༥ ཚེས ༤ ཉིན་ཟམ་གདོང་རིན་པོ་ཆེས་ཡང་བསྐྱར་བཀའ་སྤྱི་གཉིས་ལ་ཉེས་ཆད་གཅོད་ཆེད་དུ།  ཁྲིམས་ཞིབ་ཁང་ལ་ལྐོག་ནས ”ཁྲིམས་ཀྱི་ངོས་བཞེས”ཟེར་བ་བཟོས་ཆོག་གི་རེད་གསུངས་བས། ཆེས་མཐོའི་ཁྲིམས་ཁང་གིས ༢༠༡༨ ལོ་འཇུག་ཙམ་ལ་ཁྲིམས་ལུགས་དེ་བཟོས་ཡོད། ཁྲིམས་ལུགས་དེ་བཟོ་སྐབས་སུ་གྲོས་ཚོགས་ལ་སྐད་ཆ་མ་དྲིས་བ་ལྐོག་ལྐོག་སུག་སུག་གིས་བཟོས་ཡོད་ཅིང་། ༢༠༡༩ ལོའི་ཟླ ༡༠ ཚེས ༡༤ ཉིན་དེ་ཁྲིམས་སུ་བཅུག་ཡོད། ཁྲིམས་དེ་ཟླ ༡༠ ཚེས ༡༦ ཉིན་བཀའ་སྤྱི་གཉིས་ལ་ཕུལ་ཡོད་ཀྱང་། དེ་ནི་ཆེད་མཐོང་གི་ཆེད་དུ་ཕུལ་བ་ལས། ཞིབ་འཇུག་བྱེད་ཆེད་དུ་ཕུལ་མེད་པས་སྣང་མེད་དུ་ཤོར་ཡོད་ཁར། ཁྲིམས་དེ་བཟོས་ནས ༢༠༢༠ ཟླ ༩ ནང་དུ་སྤྱི་འཐུས་ལ་ཉེས་བ་བཅད་ཡོད། དེ་ལ་བརྟེན་ནས་རྙོག་གླེང་ཚབས་ཆེན་བྱུང་ཡང་།  ཆེས་མཐོའི་ཁྲིམས་ཞིབ་པས་ཁོ་ཚོའི་རྒྱབ་ཏུ་ལམ་སྟོན་པ་ཟམ་གདོང་རིན་པོ་ཆེ་ཡོད་པ་སྦས་བྱས་ཡོད། ཐ་ན་དེའི་རྗེས་སུ་ཤར་ཁུག་གིས་དེ་དོན་ལ་རྩོད་པ་བྱས་ཀྱང་། ཁྲིམས་ཞིབ་ཁང་གིས་ཁོ་ལ། ཁོ་ཚོའི་རྒྱབ་ཏུ་ཟམ་གདོང་རིན་པོ་ཆེ་ཡོད་པ་གསུངས་མེད། ཟམ་གདོང་རིན་ཆེ་ཡོད་པ་སྦས་སྐུང་བྱས་ཡོད། དེ་སྦས་སྐུང་བྱེད་དགོས་བ་གང་ཡིན་ནམ། ད་ལྟ་ཁོ་ཚོ་གསུམ་ལས་གནས་ནས་ཕུད་རྗེས་སུ། ༢༠༢༡ ཟླ ༣ ཚེས ༢༦ ཉིན་ཁོ་ཚོས་ཚོའི་སྐྱོབ་ཆེད་དུ་ཁོ་ཚོའི་ཕུགས་སུ་ཟམ་གདོང་རིན་པོ་ཆེ་ཡོད་པའི་གསར་བ་ཕྱིར་བསྒྲགས་བྱས་ཡོད། འུ་མ་ཐུག་ན་ཁོ་ཚོའི་ཕུགས་སུ་ཟམ་གདོང་རིན་པོ་ཆེ་ཡོད་པ་ཕྱི་རུ་སྟོན་མེད། དེ་ལྟར་མི་སྟོན་དགོས་བ་ཅི་ཡིན་ནམ། གལ་སྲིད་ཟམ་གདོང་རིན་པོ་ཆེས་ཁོ་ཚོ་ལམ་སྟོན་མཛད་ཡོད་ན། ལྐོག་ལྐོག་སུག་སུག་གིས་ལམ་སྟོན་མཛད་ཅིང་། ཁྲིམས་ཞིབ་པ་ཚོས་ཀྱང་ལྐོག་ལྐོག་སུག་སུག་གིས” ཁྲིམས་ཀྱི་ངོས་བཞེས” ཟེར་བ་དེ་བཟོ་དགོས་བ་ཅི་ཡིན་ནམ། དེའི་ནང་དུ་གསང་བ་ཞིག་ཅི་ཞིག་སྦས་ཡོད་དམ།

ཟམ་གདོང་རིན་པོ་ཆེ་ཡིས”ཁྲིམས་ཀྱི་ངོས་བཞེས”ཟེར་བ་ནི་གལ་ཆེན་ཡིན་པ་དེ་འདྲ་དགོངས་ན། ཁོང་གིས་ག་རེ་བྱས་ནས། ༢༠༡༡ ལོར་བཅའ་ཁྲིམས་བསྐྱར་བཅོས་ཀྱི་སྐབས་སུ་དེ་ཡོངས་གྲགས་ཀྱིས་མ་བཅུག་པ་ཡིན་ནམ། གཅིག་བྱས་ན་སྐབས་དེར་ཁོང་གིས་མ་མཁྱེན་པ་ཡིན་ནམ།

ཟམ་གདོང་རིན་ཆེས་སྣེ་ཁྲིད་པའི་ཚོགས་ཆུང་གིས ༢༠༡༡ ཟླ ༥  ཚེས ༢༦, ༢༧, ༢༨ ཕྱི་དྲོ་ཁོ་ནར་ཉིན་གསུམ་གྱི་རིང་དུ་བཅའ་ཁྲིམས་བསྐྱར་བཅོས་བྱས་ཡོད་ཅིང་། འདི་འདྲའི་གལ་ཆེན་གྱི་བཅའ་ཁྲིམས་བསྐྱར་བཅོས་དེ་ཉིན་གསུམ་གྱི་རིང་དུ་བསྐྱར་བཅོས་བྱས་ནས་ཚར་ཡོད། དེ་ཡི་རྩ་བ་ནི་སྲིད་སྐྱོང་བློ་སེང་གི་བཀའ་ཤག་ལ་སྟངས་འཛིན་བྱེད་ཆེད་དུ་རེད། འོན་ཀྱང་། སྲིད་སྐྱོང་བློ་སེང་ལ་གཅུན་སེམས་བཅང་བ་དེས་ད་ལྟ་བོད་མིའི་སྒྲིག་གི་མི་མང་བོར་དཀའ་ངལ་བཟོས་ཡོད། སྐུ་མདུན་གྱིས་སྲིད་དབང་མར་ལ་གནང་ཡོད་ཀྱང་། དེའི་བར་ནས་བསྐྱར་ཁྲིམས་བསྐྱར་བཅོས་བྱེད་མཁན་ཚོས་སྲིད་སྐྱོང་དང་། རྗེས་སུ་བཀའ་སྤྱི་གཉིས་ཀྱི་དབང་ལ་ཚོད་འཛིན་བྱེད་དགོས་བ་ཅི་ཡིན་ནམ། གལ་སྲིད་ཚོད་འཛིན་བྱེད་དགོས་ཀྱང་མང་གཙོའི་འགྲོས་དང་མཐུན་པར་བྱེད་དགོས་བ་ལས། ལྐོག་ལྐོག་སུག་སུག་གིས་ཁྲིམས་ལུགས་བཟོས་བ་ནི་དྲང་མོ་མ་རེད།

བཙན་བྱོལ་བའི་བཅའ་ཁྲིམས་ནི་གྲོས་ཚོགས་དབུས་སུ་བཞག་པའི་མང་གཙོ་ཡིན་པས། ཁྲིམས་ཞིབ་ཁང་གིས་བཅའ་ཁྲིམས ༦༧ དགོངས་དོན་གྱི” སྤྱི་འཐུས་ལྷན་ཚོགས་ཀྱིས་གཏན་ལ་ཕབ་པའི་ཁྲིམས་ལུགས་གང་རུང་གི་དོན་ཚན་ལ་གཞི་བཅོལ་ཁག་གཞིར་བཟུང་ཐོག”ཟེར་བ་ལྟར། སྤྱི་འཐུས་ལྷན་ཚོགས་ཀྱིས་བཟོས་བའི་ཁྲིམས་ལ་གཞི་འཇོག་ས་མེད་པས། སྤྱི་འཐུས་ལྷན་ཚོགས་ལ་བཀའ་ཁྲོལ་ཞུ་དགོས་ཡོད། མ་ཞུས་བ” ཁྲིམས་ཀྱི་ངོས་བཞེས་” བཟོས་བ་ནི་ཧམ་པ་དང་། གཡོ་ཐབས་ཡིན་པ་གསལ་བོ་རེད། རྒྱུ་མཚན་ནི། ཁྲིམས་དེ་བཟོ་སྐབས་སུ་ཡང་ལྐོག་ལྐོག་སུག་སུག་གིས་བཟོས་བ་དེས་གསལ་བྱས་བས་ཡིན།

ལྐོག་ལྐོག་སུག་སུག་གིས་བཟོས་བའི་ཁྲིམས་ལུགས་འདིས་ད་ལྟ་བཅའ་ཁྲིམས་ལ་དཀའ་ངལ་འཕྲད་བཅུག་ཡོད་ལ། བཅུག་མཁན་གྱི་གཙོ་བོ་གཅིག་ནི” ཁྲིམས་ཀྱི་ངོས་བཞེས” ཡིན་པ་དང་། གཉིས་པ་ནི། བཅའ་ཁྲིམས་ཀྱི་ནང་དུ་ཛ་དྲག་གི་སྐབས་སུ་བཀའ་སྤྱི་གཉིས་ཀྱི་སུ་ཞིག་ལ། མང་གཙོའི་རྒྱལ་ཁབ་གཞན་ལྟར་སྐུ་དབང་མ་སྤྲད་པས་རེད། གྲོགས་ཚོགས་དབུས་སུ་འཇོག་མཁན་གྱི་ལམ་ལུགས་ཡིན་ན། དམག་འཁྲུག་དང་། ནད་ཡམས་སོགས་བྱུང་སྐབས་སུ” དམིགས་བསལ་གྱི་སྐུ་དབང་” ནི་སྲིད་བློན་ལ་ཡོད་ལ། སྲིད་འཛིན་ལམ་ལུགས་ཡིན་ན། དམིགས་བསལ་གྱི་སྐུ་དབང་ནི་སྲིད་འཛིན་ལ་ཡོད། འོན་ཀྱང་། བོད་ཀྱི་མང་གཙོ་ནི་སྲིད་སྐྱོང་གདམ་སྐབས་སུ་མི་མང་གིས་སྲིད་སྐྱོང་ཐད་ཀར་གདམ་ཡོད་པས་སྲིད་འཛིན་གྱི་ལམ་ལུགས་ཡིན་ལ། རྩ་ཁྲིམས་བཟོ་སྐབས་སུ་གྲོས་ཚོགས་དབུས་སུ་འཇོག་རྒྱུ་ཡིན་པ་གསུངས་བས། གྲོས་ཚོགས་ལམ་ལུགས་ཀྱི་མང་གཙོར་གྱུར་ཡོད། དོན་དངོས་གྲོས་ཚོགས་དང་སྲིད་འཛིན་ལམ་ལུགས་གཉིས་བསྲེས་ནས་བཟོས་ཡོད། དེ་ལས་ཀྱང་། ༢༠༢༡ ཟླ ༣ སྔོན་དུ་ཁྲིམས་ཞིབ་ཁང་ལ་དམིགས་བསལ་གྱིས་དབང་ཆ་མང་པོ་སྤྲད་ཡོད་པས། ཁྲིམས་ཞིབ་ཁང་གཙོ་བོ་བྱེད་པའི་མང་གཙོའི་ལམ་ལུགས་ལྟ་བུར་གྱུར་ཡོད། བདེན་ཏེ། གྲོས་ཚོགས་ཀྱི་ལམ་ལུགས་དབྱིན་ཇི་ལྟ་བུ་ཡིན་ན། ཆེས་མཐོའི་ཁྲིམས་ཞིབ་ཁང ༢༠༠༩ བར་དུ་བྱུང་མེད། དེ་ཡང་ཨ་རི་ལ་དཔེ་བལྟས་ནས་བཟོས་ཡོད།

གང་ལྟར་ཟམ་གདོང་རིན་པོ་ཆེ་ཕེབས་ནས་བཅའ་ཁྲིམས་ལ་འགྲེལ་བཤད་གནང་ཡོད་པས། མང་པོ་ཞིག་དེ་ལ་སྐྲག་ནས། ཁོང་གིས་བཀའ་གསུངས་ལྟར་མང་པོ་སྐྱོད་ཀྱི་འདུག་ལ། སྤྱི་འཐུས་ཉུང་ཤས་ཤིག་གིས་རང་ཚུགས་མ་ཟིན་པ། ཟམ་གདོང་རིན་པོ་ཆེས་གསུངས་རྗེས་སུ་ཁྲིམས་ཞིབ་ཁང་གི་ཕྱོགས་གཏོགས་ཀྱི་བཅའ་ཁྲིམས་ལ་འགྲེལ་བཤད་གནང་སྟངས་ལ་ཕྱིན་ཉེན་འདུག གནས་ཚུལ་མཐོང་ནས་དེ་ལྟར་ཕྱིན་ན་ལེགས་ཀྱང་། ཟམ་གདོང་རིན་པོ་ཆེའི་གསུངས་ལྟར་ཕྱིན་ན། གྲོས་ཚོགས་དབུས་སུ་བཞག་པའི་མང་གཙོ་མ་རེད། དེ་ལས་ལྡོག་སྟེ་ཁྲིམས་ཁང་དབུས་སུ་བཞག་པའི་མང་གཙོ་རུ་འགྱུར་བཞིན་ཡོད། ལྷག་པར་དུ་ཟམ་གདོང་རིན་པོ་ཆེ་ལ་བརྟེན་ནས་སྤྱི་འཐུས་ཚོ་འགྱུར་ན། བཅའ་ཁྲིམས་ལས་གང་ཟག་གི་དབང་བསྒྱུར་ལ་མང་དུ་གྱུར་ཡོད།

བཀའ་ཤག་སྐབས ༡༣ སྒྲིལ་འཇུག་སྐབས་སུ་གངས་སྐྱིད་ཀྱི་སྤྱི་ཐབ་ཏུ་སྤྱི་འཐུས་ལྷན་ཚོགས་ཀྱིས་གསོལ་སྟོན་བཤམས་དུས། ཟམ་གདོང་རིན་པོ་ཆེས་སྐབས་དེའི་ཐུགས་སྤྲོ་ཡི་སྟེང་དུ” ང་སྤྱི་འཐུས་བྱས་ནས་འདུག་སྐབས་སུ་སྤྱི་འཐུས་ཀྱི་སོ་རྣོ་པོ་བྱས་ཤིང་། འཛིན་སྐྱོང་ལ་སོ་རྒྱབ་ཐུབ་པ་བྱས་ཀྱང་། རྗེས་སུ་སྟབས་མ་ལེགས་པ་ཞིག་ལ། ང་བཀའ་ཤག་ནང་སླེབས་པས། ངས་འཛིན་སྐྱོང་གི་པགས་པ་ཐུག་པོ་བཟོས་ཡོད། ད་ལྟ་གངས་སྐྱིད་ཀྱི་སྣེ་ཡོད་ཀྱི་མི་དུ་མས་ཟམ་གདོང་རིན་པོ་ཆེས་ཁྲིམས་ཁང་ལ་རྡོ་དང་ཐོ་བ་སྤྲོད་ཀྱི་འདུག་བརྗོད་ཀྱི་ཡོད།

འཛམ་གླིང་གི་སྟེང་དུ་ཆེས་མཐོའི་ཁྲིམས་དཔོན་ཡོད་མཁན་གཙོ་བོ་ནི་ཨ་རི་དང་རྒྱ་གར་ལྟ་བུ་ཡིན་ལ། ཆེས་མཐོའི་ཁྲིམས་དཔོན་གྱི་ཚབ་ཏུ་ཧྥ་རན་སིའི་ལམ་ལུགས་ཡིན་ན་རྩ་ཁྲིམས་ཀྱི་སློབ་སྟོན་པའི་ལམ་ལུགས་ཡོད། ཆེ་ཁི་དང་ཨར་ལན་ཊི། སི་ཕན། ཨོ་སི་ཊི་རིས་ཡ་ལྟ་བུ་ཡིན་ན། ཆེེས་མཐོའི་ཁྲིམས་ཁང་གི་ཚབ་ཏུ་རྩ་ཁྲིམས་ཀྱི་ཁྲིམས་ཁང་ལམ་ལུགས་ཡོད་ལ། ཆེས་མཐོའི་ཁྲིམས་དཔོན་གྱི་མིང་ལ་ཆེས་མཐོའི་རྩ་ཁྲིམས་ཀྱི་དྲུང་ཆེ་ཟེར། དེར་བརྟེན། ད་ལྟ་ཆེས་མཐོའི་ཁྲིམས་ཞིབ་ཁང་ལ་སྐད་གྲགས་ཅན་གྱི་ལམ་ལུགས་གསུམ་ཡོད།

བོད་ཀྱི་ཆེས་མཐོའི་ཁྲིམས་ཁང་དང་སྤྱི་འཐུས། ཟམ་གདོང་རིན་པོ་ཆེ་གསུམ་གྱི་བྱས་ཉེས་བསྡུར་བ། 

              ——— ཨ་ནུ་ཐང་བསོད་ནམས། ༡༦/༥/༢༠༢༡ 

ཟམ་གདོང་རིན་ཆེའི་བྱས་ཉེས་དགུ་དང་། ཕྱེད་ཀ་གཉིས། 

༡༽ ལྐོག་ནས་ཁྲིམས་ཞིབ་ཁང་ལ་ལམ་སྟོན་མཛད་ནས་ལྐོག་ལྐོག་སུག་སུག་གིས” ཁྲིམས་ཀྱི་ངོས་བཞེས” བཟོ་བཅུག་པ།

༢༽ བཀའ་སྤྱི་གཉིས་ཀྱི་འོས་བསྡུའི་ཉིན་གཉིས་ཀྱི་སྔོན་དུ་ཟམ་གདོང་རིན་པོ་ཆེ་ཕེབས་ནས་བཅའ་ཁྲིམས་ལ་འགྲེལ་བཤད་གནང་ཞིང་། ཁྲིམས་ཁང་གི་རྒྱབ་ཏུ་ལངས་བས། བཀའ་སྤྱིའི་འོས་བསྡུ་ལ་ཤུགས་རྐྱེན་སྤྲད་པས། གསལ་བཤད་གནང་སྐབས་ཀྱི་ཆུ་ཚོད་ནོར་ནས་ཆབ་སྲིད་དུ་གྱུར་བ།

༣༽ ཁྲིམས་ཀྱི་ངོས་བཞེས་བཟོ་བའི་ཐོབ་ཐང་ཁྲིམས་ཞིབ་ཁང་ལ་ཡོད་ཚུལ་གསུངས་ཀྱང་། བཅའ་ཁྲིམས ༦༧ ནང་དུ “ སྤྱི་འཐུས་ལྷན་ཚོགས་ནས་གཏན་ལ་ཕབ་པའི་ཁྲིམས་ལུགས་གང་རུང་གི་དོན་ཚན་ཁག་གཞིར་བཟུང་ཐོག” ཟེར་བའི་དོན་ཚན་གཅིག་ཀྱང་ངོས་མ་བཟུང་བ་མ་ཟད། ཤུགས་བསྟན་ལྟ་བུས་བཅའ་ཁྲིམས ༦༦ ནང་གསེས ༡ ངོས་བཟུང་ན། དེའི་དོན་ནི་ཁྲིམས་ཞིབ་ཁང་”ཁྲིམས་འཛིན་ནམ། ཁྲིམས་ལ་ལྟ་རྟོག་བྱེད་མཁན་གོང་ན་མེད་པ་ཡིན་” དོན་ལས། ཁྲིམས་ཞིབ་ཁང་ནི” ཁྲིམས་བཟོ་མཁན་གོང་ན་མེད་པ་ཡིན” གསུངས་མེད་པས། དེ་ལྟར་འགྲེལ་བ་ནི་བཅའ་ཁྲིམས་དང་འགལ་ཡོད།

༤༽ བཅའ་ཁྲིམས ༤༩. ༢ དགོངས་དོན་ལ་ལོག་འགྲེལ་གནང་ཏེ། ཟམ་གདོང་རིན་པོ་ཆེས་” ནོ་ཝེ་རླུང་འཕྲིན་ཁང་ལ་ད་ལོའི་ཟླ ༤ ཚེས ༨ ཉིན་སྤྱི་འཐུས་སྔོན་མ་ཚོགས་ནས་ཟླ ༦ ནང་དུ་གྲོས་ཚོགས་ངེས་བར་དུ་ཚོགས་དགོས་ཤིང་། གལ་སྲིད་གྲོས་ཚོགས་ཚོགས་མ་ཐུབ་པ། བདུན་ཕྲག་གཅིག་ལྷག་ལ་གྲོས་ཚོགས་འཕར་འགྱང་བྱེད་དགོས་བྱུང་ན། གྲོས་ཚོགས་ཚོགས་ནས། སྤྱི་འཐུས་ཀྱི་གསུམ་ཆ་གཉིས་སམ ༧༠% ཡིས་མ་འདང་ན། གྲོས་ཚོགས་འཕར་འགྱང་བྱེད་ཆོག་པ་ཟེར་བའི་དོན་ལས། དེ་མིན་གྲོས་ཚོགས་མ་ཚོགས་པར་འཕར་འགྱང་བྱེད་མི་ཆོག་གསུངས་ནས་ལོག་འགྲེལ་མཛད་ཡོད།” རྒྱུ་མཚན་ནི། དོན་དངོས་བཅའ་ཁྲིམས ༤༩. ༢ ནང་དུ” སྤྱི་འཐུས་ཀྱི་གྲངས་ཚད་མ་ལོངས་པར་ཚོགས་འདུ་ཉིན་གྲངས་བདུན་ལྷག་འཕར་འགྱངས་བྱེད་དགོས་བྱུང་ན་ཚོགས་གཙོ་སྤྲེལ་པོས་ཚོགས་འདུ་འཕར་འགྱངས་ཀྱི་ཐག་གཅོད་བྱེད་བྱ་རྒྱུ།” གསུངས་བ་ལས། བཅའ་ཁྲིམས་དོན་ཚན ༤༩. ༢ ནང་དུ་གྲོས་ཚོགས་ཚོགས་ནས་མ་འདང་ན། འཕར་འགྱང་བྱེད་དགོས་བྲིས་མེད། དེེར་བརྟེན། ཟམ་གདོང་རིན་པོ་ཆེའི་གསུངས་བ་ནི་ལོག་འགྲེལ་གྱུར་ཡོད།

ལོག་འགྲེལ་འདི་ནི་ཁྲིམས་ཞིབ་པ་གནས་དབྱུང་དུ་བཏང་རྗེས་སུ་རྙོག་དྲ་ཀུན་གྱི་རྩ་བར་གྱུར་བས། ཟམ་གདོང་རིན་པོ་ཆེའི་ནོར་འཁྲུལ་ཚབས་ཆེན་དུ་གྱུར་ཡོད།

༥༽ སྤྱི་འཐུས་རྒྱུན་ལས་ཀྱིས་གྲོས་ཚོགས་འཕར་འགྱང་བྱས་བའི་རྒྱུ་མཚན་ཧ་ཅང་གི་གལ་ཆེན་གཉིས་པ་ཞིག་ནི་བཅའ་ཁྲིམས་དོན་ཚན ༦ ཡིན་ཡང་། རིན་པོ་ཆེ་ཡིས་དེ་དོན་གྱི་ཟུར་ཙམ་ཡང་གླེང་མེད་པ། ནོ་ཝེ་རླུང་འཕྲིན་ཁང་ཡིན་ཡང་དེ་དོན་ལ་དྲི་བ་གཅིག་ཀྱང་བཏང་མེད།

༦༽ ཁྲིམས་ཞིབ་པ་ཚོས་བཀའ་ཁྱབ་བཏང་རྗེས་སུ་བརྡ་ཐོ་བཏང་ཞིང་། ཁྲིམས་ཀྱི་ངོས་བཞེས་ཀྱི་འགྲོ་ལུགས་དང་འགལ་བ་མ་ཟད། ཁྲིམས་ཀྱི་འགྲོ་ལུགས་དང་འགལ་ནས་སྤྱི་འཐུས་ལ་ཉེས་བ་བཏང་ས་རྙོག་གླེང་བྱུང་ཡང་། ཟམ་གདོང་རིན་པོས་ཅི་ཡང་མ་གསུངས་བ་བཞུགས་པ།

༧༽ ཟམ་གདོང་རིན་པོ་ཆེས་ནོ་ཝེ་རླུང་འཕྲིན་ཁང་ལ་ཁྲིམས་ཞིབ་ཁང་གིས་སྤྱི་འཐུས་རྒྱུན་ལས་ཚོ་ལ་ཉེེས་བ་བཏང་བྱེད་ཀྱི་དོན་ཚན ༤༠ གསལ་བོར་་བཀླགས་པ་ལས། སྤྱི་འཐུས་རྒྱུན་ལས་ཀྱིས་འཕར་འགྱང་བྱ་བྱེད་ཀྱི་བཅའ་ཁྲིམས་ཀྱི་གཙོ་བོ་གཉིས་ཡོད་པ་ལས། བཅའ་ཁྲིམས་དོན་ཚན ༤༩. ༢ མ་བཀླགས་མེད། མ་ཀློག་པར་ལོག་འགྲེལ་མཛད་ཡོད། གལ་སྲིད་དེ་བཀླགས་པ་ཡིན་ན། དེའི་ནང་ནས་”གྲོས་ཚོགས་ཚོགས་ནས་ཉུང་ཚད་མ་ལོངས་ན། འཕར་འགྱང་བྱོས” ཟེར་བ་གཏན་ནས་མེད་པས། འགྲེལ་བཤད་གནང་བ་ལས་བཅའ་ཁྲིམས་ཀྱི་ཚིག་ཀློག་མེད། མ་ཟད་འདིའི་ནང་དུ་ཁ་མི་གསལ་གྱི་མི་འདུག་གསུངས་ནས་གཡོ་སྒྱུ་མཛད་ཡོད།

༨༽ ཟམ་གདོང་རིན་པོ་ཆེས་དོན་ཚན ༥༨ ནང་དུ་སྤྱི་འཐུས་ཀྱིས་ཐག་གཅོད་བྱས་བའི་ལས་དོན་ལ་ཁྲིམས་ཞིབ་པས་ཐེ་གཏོགས་བྱས་མི་ཆོག་ཀྱང་། བཅའ་ཁྲིམས་དོན་ཚན ༥ བའི་ནང་དུ་བཀའ་ཤག་དང་། སྤྱི་འཐུས་སོགས་ཀྱིས་ཐག་གཅོད་བྱས་བ་དེ་ནི་བཅའ་ཁྲིམས་དང་མ་མཐུན་ན་རྩིས་མེད་དུ་འགྲོ་བས། བཅའ་ཁྲིམས ༥༨ དང ༦ གཉིས་བསྡོམས་ན། ཁྲིམས་ཞིབ་པས་ཐེ་གཏོགས་བྱེད་ཆོག་པ་བསྟན་ཡོད་གསུངས་འདུག དེ་ན་བཅའ་ཁྲིམས ༤༠ བའི་ནང་དུ་གྲོས་ཚོགས་ངེས་བར་དུ་ཟླ་དྲུག་གི་ནང་དུ་ཚོགས་དགོས་གསུངས་ཀྱང་། བཅའ་ཁྲིམས ༤༩. ༢ དང་བཅའ་ཁྲིམས ༦ གཉིས་ཀྱིས་ནང་ནས། སྤྱི་འཐུས་ཀྱི་ཉུང་ཚད་མ་ལོངས་བ་དང་རྒྱལ་སྤྱིའི་ཁྲིམས། བོད་མིའི་གནས་ཡུལ་གྱི་རྒྱལ་ཁབ་སོ་སོའི་ཁྲིམས་དང་སྟུན་དགོས་བས་བྲིས་ཡོད་པས། གྲོས་ཚོགས་འཕར་འགྱང་བྱེད་ཆོག་པའི་གནས་ལུགས་གཅིག་པ་ཡིན། བདེན་ཏེ། བཅའ་ཁྲིམས ༤༠, དོན་ཚན ༤༩.དོན་ཚན ༢ ༦ གསུམ་བསྡོམས་ན་གྲོས་ཚོགས་འཕར་འགྱང་བྱེད་ཆོག་པ་གསལ་བོར་ཆགས་འདུག་པས་ཡིན།

༩༽ ཁྲིམས་ཞིབ་ཁང་གི་སྤྱོད་ཉེས་གཅིག་ཀྱང་ཕལ་ཆེར་མི་གསུངས་བས་དྲང་བོ་མིན་པ།

༡༠༽ བཅའ་ཁྲིམས་སྦོ་ལུགས་པ་གསུངས་ཀྱང་། དེ་ནི་བདེན་པ་མིན་ཏེ། ཁྲིམས་ཞིབ་པ་མེད་ན་བཅའ་ཁྲིམས་སྦོ་ལུགས་པ་མིན། བདེན་ཏེ། ཁྲིམས་ཞིབ་པ་ཚོས་སྤྱོད་ཉེེས་བྱས་བས། ཕུད་པས། དེ་ནི་མང་གཙོ་སྲུང་སྐྱོབ་དང་། བཅའ་ཁྲིམས་སྲུང་སྐྱོབ་ལས། མང་གཙོའི་ཀ་བ་གཅིག་བཅག་པ་ལ་བརྩི་མི་རུང་། དེར་བརྟེན། དོན་དངོས་ལ་འགྲེལ་ལོག་མཛད་པས་ཉེས་བ་ཕྱེད་ཀར་བརྩི་རུང་།

༡༡༽  ཁྲིམས་ཀྱི་འགྲེལ་བཤད་གང་ཡིན་གནང་མཁན་གྱི་མཐའ་མའི་ཐག་གཅོད་ཀྱི་དབང་ཆ་ནི་ཁྲིམས་ཞིབ་ཁང་ལ་ཡོད་པ་ལས་གྲོས་ཚོགས་མེད་གསུངས་ཤིང་། དེ་སྔོན་ཁོང་གིས་གྲོས་ཚོགས་ཀྱི་ནང་དུ་གསུངས་བའི་གྲོས་དབུས་སུ་བཞག་པ་ཡིན་པས། མཐའ་མའི་སྐུ་དབང་ནི་གྲོས་ཚོགས་ལ་ཡོད་གསུངས་བ་དང་གང་མཚམས་འགལ་བས། དེ་ནི་ནོར་འཁྲུལ་ཕྱེད་ཙམ་གྱུར་ཡོད།

ཁྲིམས་ཞིབ་ཁང་གི་བྱས་ཉེས་བརྒྱད་ནི།

༡༽ ཆེས་མཐོའི་ཁྲིམས་ཁང་གིས” ཁྲིམས་ཀྱི་ངོས་བཞེས་བཟོ་སྐབས་སུ་གྲོས་ཚོགས་སུ་མ་བསྟན་པ་ལྐོག་ལྐོག་སུག་སུག་གིས་བཟོས་བ།

༢༽ ཁྲིམས་ཀྱི་ངོས་བཞེས་བཟོ་སྐབས་སུ་ཁ་མཆུ ༢༠ འགྲོ་བཞིན་ཡོད་ཀྱང་། དེ་བཟོ་མཁན་གྱི་ཁོངས་སུ་དོན་ཟུར་སྤེན་པ་ཚེ་རིང་གི་ཁྲིམས་རྩོད་མ་རྣམ་རྒྱལ་ཚེ་སྐྱིད་བཅུག་པས་ཕྱོགས་ཞེན་གྱི་ཉེས་བ་བསགས་པ།

༣༽ ཁྲིམས་དེ་བཟོ་སྐབས་སུ་བཅའ་ཁྲིམས་དོན་ཚན ༦༧ པ་ཁུངས་བཏུག་ཡོད་གསུངས་ཀྱང་། བཅའ་ཁྲིམས་དོན་ཚན་ ༦༧ ནང་གི་” སྤྱི་འཐུས་ལྷན་ཚོགས་ནས་གཏན་ལ་ཕབ་པའི་ཁྲིམས་ལུགས་གང་རུང་གི་དོན་ཚན་ཁག་གཞིར་བཟུང་ཐོག” ཟེར་བའི་དོན་ཚན་ངོས་འཛིན་རྒྱུ་མེད་པ་མ་ཟད། འུ་ཐུག་ནས་རྒྱ་གར་དང་ཨ་རི་ལ་ཁུངས་བཏུག་ཚུལ་གསུངས་བ། རྒྱ་གར་དང་ཨ་རི་ལ་ཁུངས་བཏུག་ཆོག་ཀྱང་། དེ་ལ་ཁུངས་བཏུག་རྒྱུ་ནི་བཅའ་ཁྲིམས ༦༧ དགོངས་བ་མིན་པ།

༤༽ ཁྲིམས་ཞིབ་ཁང་གིས་བཅའ་ཁྲིམས་དོན་ཚན ༦༧ དགོངས་དོན་བཞིན་ཁྲིམས་ཀྱི་ངོས་བཞེས་ཟེར་བ་བཟོས་ཀྱང་། དེའི་ནང་གི་”བཅའ་ཁྲིམས་འདི་དང་” ཟེར་བ་ནི” བཅའ་ཁྲིམས་ཀྱི་དོན་ཚན ༦༦ ནང་གསེས ༡ པ་ཁུངས་བཏུག་ཡོད་ཚུལ་གསལ་ལ་མ་གསལ་བ་ཡོད་ཀྱང་། གལ་སྲིད་ཡོད་ན། བཅའ་ཁྲིམས་དོན་ཚན ༦༦. ༡ ནང་དུ་ཆེས་མཐོའི་ཁྲིམས་ཞིབ་ཁང་ནི” བོད་མིའི་སྒྲིག་འཛུགས་ཀྱི་ཁྲིམས་འཛིན་གོང་ན་མེད་པ་དེ་ཡིན།” གསུངས་བ་ལས། ཁྲིམས་བཟོ་མཁན་གོང་ན་མེད་པ་ཡིན་བྲིས་མེད་པས་བཅའ་ཁྲིམས ༦༦ དང་འབྲེལ་མེད་དུ་གྱུར་ཡོད། བདེན་ཏེ། ༦༦ ནང་དུ་ཁྲིམས་ཁང་ནི་བཅའ་ཁྲིམས་སྲུང་མཁན་གོང་ན་མེད་པ་ཡིན་གསུངས་བ་ལས། ཁྲིམས་བཟོ་མཁན་གོང་ན་མེད་པ་ཡིན་གསུངས་མེད།

༥༽ ཆེས་མཐོའི་ཁྲིམས་ཞིབ་ཁང་གིས་བཅའ་ཁྲིམས་དོན་ཚན ༤༩. ༢ དགོངས་དོན་ལྟར་གྲོགས་ཚོགས་ཚོགས་ནས་གསུམ་ཆ་གཉིས( ༧༠%) མ་འདང་ན། གྲོས་ཚོགས་ཚོགས་མི་དགོས་བ་སྤྱི་རྒྱུན་ཚོ་ལ་གྲོས་ཚོགས་འཕར་འགྱང་བྱེད་པའི་དབང་ཆ་མེད་གསུངས་ནས་བཅའ་ཁྲིམས ༤༠ དགོངས་དོན་ལྟར་ཉེས་བ་བཏང་ཚུལ་གསུངས་ཀྱང་། དོན་དངོས། བཅའ་ཁྲིམས་དོན་ཚན ༤༩. ༢ ནང་དུ “ ༢ སྤྱི་འཐུས་ཉུང་མཐའི་གྲངས་ཚད་མ་ལོངས་པར་ཚོགས་འདུ་ཉིན་གྲངས་བདུན་ལྷག་འཕར་འགྱངས་བྱེད་དགོས་བྱུང་ན་ཚོགས་གཙོ་སྦྲེལ་པོས་ཚོགས་འདུ་འཕར་འགྱང་གི་ཐག་གཅོད་བྱ་རྒྱུ།” བྲིས་ཡོད་པ་ལས། དེའི་ནང་དུ་གྲོས་ཚོགས་ཚོགས་ནས་མ་འདང་ན་ཟེར་བའི་ཚིག་གཅིག་ཀྱང་མེད་པས། བཅའ་ཁྲིམས་ཀྱི་དགོངས་དོན་ལོག་སྤྱོད་བྱས་བའི་ཉེས་བ་བསགས་ཡོད།

༦༽ བཅའ་ཁྲིམས་དོན་ཚན ༦ ནང་གི “ བོད་མིའི་སྒྲིག་འཛུགས་ཀྱི་ཁྲིམས་ལུགས་དང༌། ཆབ་སྲིད་དབང་འཛིན་གྱི་བཀའ། སྒྲིག་གཞི་བཅས་རྒྱལ་སྤྱིའི་ཁྲིམས་ལུགས་དང༌། ལྷག་དོན་བོད་མིའི་གནས་ཡུལ་རྒྱལ་ཁབ་ཁག་གི་ཡུལ་ཁྲིམས་དང་མི་འགལ་བ་བྱ་རྒྱུ།” གསུངས་བའི་ནད་ཡམས་ཀྱི་སྐབས་སུ་རྒྱལ་སྤྱིའི་ནད་ཡམས་ཀྱི་ཁྲིམས་དང་། བོད་མི་གནས་ཡུལ་གྱི་རྒྱལ་ཁབ་སོ་སོའི་ཁྲིམས་ལ་བསམ་ཤེས་སྤུ་ཙམ་ཡང་མ་བཏང་བས་ནོར་འཁྲུལ་བྱུང་ཡོད།

༧༽ སྤྱི་འཐུས་ལ་ཁྲིམས་ཞིབ་ཁང་གིས་ཁོ་ཚོས་རང་བཟོ་བྱས་བའི་” ཁྲིམས་ཀྱི་ངོས་བཞེས་” ལྟར་ཉེས་བ་བཏང་ཡང་། ཁྲིམས་ལུགས་དེའི་རྒྱུད་རིམ་བརྡ་ཐོ་མ་བཏང་བའི་སྔོན་དུ་བཀའ་ཁྱབ་བཏང་བས་ཉེས་བ་བསགས་ཡོད། རྒྱུ་མཚན་ནི།

ཁྲིམས་ཀྱི་ངོས་བཞེས་ཀྱི་ནང་དུ་གྱོད་ཡ་ལ་དང་པོར་བརྡ་ཐོ་བཏང་དགོས་ཀྱང་། བརྡ་ཐོ་མ་བཏང་བ ༢༠༢༠ ཟླ ༨ ཚེས ༢༡ ཉིན་བཀའ་ཁྱབ་དང་པོར་བཏང་ཞིང་། རྗེས་ཀྱི ༢༠༢༠ ཟླ ༩ ཚེས ༤ ཉིན་བརྡ་ཐོ་བཏང་བས། ཁྲིམས་ཀྱི་རྒྱུད་རིམ་ལྟར་བྱས་མེད་པའི་ནོར་འཁྲུལ་ཡོད། ལྷག་པར་དུ་སྤྱི་རྒྱུན་ལ་གསལ་བཤད་བྱེད་རྒྱུའི་གོ་སྐབས་མ་སྤྲད་ཁར། སྤྱི་ཁྲིམས་ཞིབ་ཁང་ལ་གསལ་བྱེད་ཞུ་རུ་ཡོཅ་མཁན་གྱི་སྤྱི་འཐུས་ཚོགས་གཙོ་པདྨ་འབྱུང་གནས་ཕེབས་ཀྱང་། ཆུ་ཚོད་ཕྱེད་ཙམ་བཀག་ཅིང་། རྗེས་སུ་ཁྲིམས་ཞིབ་པ་ཆེ་བ་ཁོ་ན་ལ་ཐུག་པ་ལས། གསལ་བཤད་བྱེད་པའི་གོ་སྐབས་མ་སྤྲད་པ།

༨༽ སྤྱི་གཙོ་པདྨ་འབྱུང་གནས་ཀྱིས་བཅའ་ཁྲིམས་ཟིན་བྲིས་བཟོ་མཁན་གྱི་སྐྱབས་རྗེ་ཟམ་གདོང་རིན་པོ་ཆེ་དང་སྐྱབས་རྗེ་ཀིརྟིའི་རིན་པོ་ཆེ་དཔང་དུ་བཞག་ནས་རྩོད་དགོས་བརྗོད་ཀྱང་། དེ་ངོས་ལེན་མ་བྱས་ཀྱང་། རྗེས་སུ་སྤྱི་འཐུས་ཀྱིས་ཁོ་ཚོ་གནས་དབྱུང་དུ་བཏང་རྗེས་ཀྱི་ཟླ ༣ ཚེས ༢༦ ཉིན་ཁོ་ཚོ་ལ” ཁྲིམས་ཀྱི་ངོས་བཞེས” ཀྱི་རྒྱབ་ཏུ་ཟམ་གདོང་རིན་པོ་ཆེ་ཡོད་ཚུལ་གསུངས་ཡོད། རྙོག་གླེང་གི་སྐབས་སུ་པདྨ་འབྱུང་གནས་ཀྱིས་ཟམ་གདོང་རིན་པོ་ཆེ་ལ་སྐད་ཆ་འདྲི་དགོས་ཟེར་དུས་སུ་ངོས་ལེན་མ་བྱས་བའི་ནོར་འཁྲུལ་བྱུང་ཡོད།

སྤྱི་འཐུས་ཀྱི་བྱས་ཉེས་གསུམ་དང་ཕྱེད་ཀ

༡༽ ཁྲིམས་ཞིབ་པ་གསུམ་ཕུད་ཡོད་ཀྱང་། ཁོ་ཚོ་ཕུད་རྗེས་སུ་ཁྲིམས་དཔོན་གསར་བ་ལ་དམ་འབུལ་བྱེད་ས་ཡག་པོ་མེད་པ་རྙོག་གླེང་ཅན་དུ་བཟོས་བ། འོན་ཀྱང་། ཚེས ༢༠ ཉིན་སྤྱི་འཐུས་ཚོགས་ནས་དེ་གསལ་བོར་བཟོས་ན། དཀའ་ངལ་མེད་པར་གྱུར་ཡོད།

༢༽ ཟམ་གདོང་རིན་པོ་ཆེས་ཁྲིམས་ལ་བཀའ་སློབ་གནང་རྗེས་སུ་ཁྲིམས་དཔོན་ལ་ངོ་རྒོལ་བྱེད་མཁན་དང་། ཁྲིམས་དཔོན་གསུམ་ཕུད་མཁན་གྱི་དམག་དཔོན་སྤྱི་གཙོ་པད་མ་འབྱུང་གནས་དང་། དམག་སྤྱི་གཞོན་པ་ཤར་ཁུག་གཉིས་ཀྱིས་ལས་གནས་ནས་དགོངས་ཞུ་བྱས་བ།

༣༽ ཁྲིམས་ཞིབ་པ་གསུམ་ཕུད་སྐབས་སུ་ཚོགས་ཆུང་བཙུགས་ནས་གསལ་བྱེད་གནང་བའི་གོ་སྐབས་མ་སྤྲད་པ།

༤༽ ཁྲིམས་ཞིབ་པས ༢༠༡༩ ལོར་ལྐོག་ལྐོག་སུག་སུག་གིས” ཁྲིམས་ཀྱི་ངོས་བཞེས” བཟོ་སྐབས་སུ་སྟངས་འཛིན་ཡག་པོ་བྱེད་པ་མ་ཐུབ་པ་འཐུས་ཤོར་དུ་བཏང་བ། འོན་ཀྱང་། ཁྲིམས་ཞིབ་ཁང་གིས་” ཁྲིམས་ཀྱི་ངོས་བཞེས” ཟེར་བ་ནི་ལྐོག་ནས་སྤྱི་འཐུས་ལ་བརྐུས་བ་ལྟ་བུར་གྱུར་ཡོད་པས། སྤྱི་འཐུས་ལ་དེ་ཙམ་གྱི་ཉེས་བ་མེད། རྒྱུ་མཚན་ནི། རྐུ་མར་བརྐུ་སྐབས་སུ་རྐུ་མ་དང་ཁང་སྲུང་གཉིས་ལས་རྐུ་མ་ལ་ཉེས་བ་ཆེ་བ་ཡོད་པ་ལྟར་ཡིན་པས་ཡིན། དེར་བརྟེན། འདི་ཁོ་བོས་ཉེས་བ་ཕྱེད་ཀ་རུ་བརྩི།

ཟུར་དུ་ཕྲན་གྱི་ནོར་འཁྲུལ་གཅིག

ཕྲན་གྱིས་བཅའ་ཁྲིམས ༦༣ དོན་ཚན་དང་པོ་བརྗེས་སྤོ་བྱས་ཟིན་པས། ཁྲིམས་དཔོན་གདམ་དབང་ཆ་ཙམ་མ་ཟད། ཁྲིམས་ཞིབ་པ་རྙིང་བ་མེད་པ། ཁྲིམས་ཞིབ་པ་གསར་བས་དམ་བཅའ་འབུལ་ཐུབ་ཚུལ་བརྗོད་ཡོད་ཀྱང་། ད་ལྟ་ཞིབ་ཏུ་དཔྱད་ན། ཁྲིམས་ཞིབ་པ་གདམ་དུས་སུ། ཁྲིམས་ཞིབ་པ་མི་དགོས་བ་འགྱུར་བཏང་བ་གསལ་བོར་ཡིན་ཡང་། ཁྲིམས་ཞིབ་པ་གསར་བ་སླེབས་ཚེ། དེ་ལ་ཕལ་ཆེར་དམ་འབུལ་བྱེད་ས་ཁྲིམས་ཞིབ་པའི་ཚབ་ཅིག་དགོས་བས། ཚབ་ལ་ཁྲིམས་ཞིབ་པ་རྙིང་བས་སྐུ་དབང་གནང་དགོས་མིན་གསལ་བོ་མེད་པས། གལ་སྲིད་དེ་དགོས་ཚེ། དེ་ནི་ཕྲན་གྱིས་ད་བར་དུ་ཁྲིམས་ཞིབ་ཁང་དང་། སྤྱི་འཐུས་ཀྱི་བར་ལ་ཉམས་ཞིབ་མཛད་པ་ལས་ནོར་འཁྲུལ་ཤོར་བ་དང་པོ་དེ་ཡིན། གང་ལྟར་དེ་དགོས་མིན་ནི་གྲོས་ཚོགས་ཀྱིས་ཁྲིམས་དོན་ལ་འགྲེལ་བཤད་གནང་ནས། ཐག་གཅོད་ག་འདྲ་་བྱེད་མིན་ལ་རག་ལས་ཡོད།

གལ་སྲིད་ཁྲིམས་ཞིབ་པ་ཟུར་བའི་སྐུ་ཚབ་ཀྱིས་དབང་མ་བསྐུར་བར་ཁྲིམས་ཞིབས་པ་གསར་བ་གདམ་མི་ཐུབ་ན། ས་ཡོམ་ལྟ་བུ་བྱུང་ཞིང་། ཁྲིམས་ཞིབ་པ་གསུམ་དུས་གཅིག་ཏུ་གྲོངས་བ་ཡིན་ན། བོད་ཀྱི་རྩ་ཁྲིམས་ཀྱི་གཞི་མེད་པར་འགྱུར་བས་ཡིན།

སྤྱི་འཐུས་ཟླ་བ་ཕན་སྐྱིད་ཀྱིས་རྒྱ་གར་གཞུང་ལ་བོད་ཀྱི་གྲོས་ཚོགས་ཚོགས་རྒྱུའི་གསང་བ་ཞུས་བའི་གནས་ཚུལ་སླེབས་འདུག 

             ———-ཨ་ནུ་ཐང་བསོད་ནམས། ༢༠/༥/༢༠༢༡ 

སུད་སུར་བཞུགས་མཁན་གྱི་བསྟན་ཚེ་ཡིས་གནས་ཚུལ་སྤེལ་གསལ་ལྟར་ན། དབུས་གཙང་གི་སྤྱི་འཐུས་ཟླ་བ་ཕན་སྐྱིད་སོགས་ཀྱིས་རྒྱ་གར་གྱི་ཀང་ར་རྫོང་གི་དཔོན་པོ་སོགས་ལ། སྲིད་སྐྱོང་བློ་བཟང་སེང་གེ་དང་སྤྱི་འཐུས་རྒྱུན་ལས་ཀྱིས་ཁྱིམ་སྡོད་བཀག་རྒྱ་ཡི་སྐབས་སུ་བོད་ཀྱི་གྲོས་ཚོགས་ཚོགས་ཀྱི་འདུག་ཟེར་ནས་གསང་བ་བཤད་པ་མ་ཟད། གྲོས་ཚོགས་ཚོགས་སུ་མི་འཇུག་ཟེར་ནས་རེ་བ་ཞུས་བའི་གནས་ཚུལ་སླེབས་འདུག་པས། མི་འདི་རིགས་ནི་བལ་ཡུལ་དུ་སུམ་ཅུའི་དུས་དྲན་དང་། འཁྲུངས་སྐར་དུས་ཆེན་བརྩི་སྲུང་བྱེད་སྐབས་སུ། བོད་པ་ཚོས་ས་གནས་འདི་དང་། ཆུ་ཚོད་འདིའི་སྟེང་དུ་དུས་དྲན་སྲུང་བརྩི་བྱེད་ཀྱི་འདུག་ཟེར་ནས། བལ་ཡུལ་གཞུང་ལ་གནས་ཚུལ་སྐྱེལ་མཁན་གྱི་བོད་པ་ཚོ་དང་གཉིས་སུ་མ་མཆིས་བས། འདི་དག་ནི་རིག་གནས་གསར་བརྗེ་ཡི་སྐབས་ཡིན་ན། དམར་སྲུང་དམག་མི་དང་། མགོ་འཁྱོག་པ་ཡིན་གསལ་བོ་ཡིན་པས། སོ་སོའི་ཕ་མ་རྡུང་མཁན་གྱི་གྲས་རེད། འདི་འདྲའི་རིགས་ནི་བོད་ཀྱི་ལས་ཀྱི་སྣེ་མོ་བ་ལ་བསྐོས་བ་ནི་ཞབས་འདྲེན་རེེད།

བཙན་བྱོལ་བའི་ནང་དུ་བོད་རྒྱལ་ལོ་ཟེར་མི་ཆོག་ལབ་མཁན་ནམ། བོད་རྒྱལ་ལོ་ཟེར་ན་མི་འགྲིག་པའི་དོགས་པ་ཟ་མཁན་ལ། ད་ལོའི་དབུས་གཙང་ཆོལ་ཁའི་འོས་ཤོག་མང་ཤོས་དེ་ཐོབ་ཡོད་པས། འདིས་བོད་ཀྱི་འཐབ་རྩོད་ཀྱི་ཁ་ཕྱོགས་ལོག་ལམ་དུ་འགྲོ་བཞིན་ཡོད་པ་གསལ་བོར་བསྟན་གྱི་འདུག་པས། འབྱུང་རྒྱུའི་ལོ་ལྔའི་ནང་དུ་བཙན་བྱོལ་བའི་ཁ་ཕྱོགས་གང་དུ་འགྱུར་མིན་གྱི་དུས་ཚོད་དམིགས་བསལ་བར་འཁེལ་འདུག་པས། བོད་མི་ཡོངས་ཀྱིས་རིག་པ་སྒྲིམ་པའི་དུས་ལ་བབས་ཡོད། འདི་དག་ལ་གདོང་ལེན་ཡག་པོ་བྱེད་མ་ཐུབ་ན། བཙན་བྱོལ་བོད་ཀྱི་ཁ་ཕྱོགས་ལོག་ལམ་དུ་འགྲོ་རྒྱུ་གཏན་འཁེལ་རེད།

ཨེ་རླུང་ཁང་ཡིན་ཡང་། དབྱིན་ཡིག་དང་བོད་ཡིག་གཉིས་ཀྱི་ཐོག་ནས་ཁྱིམ་སྡོད་བཀག་རྒྱ་ཡོད་མེད་ལ་མ་ལྟོས་བ། བོད་པ་ཚོས་གྲོས་ཚོགས་ཚོགས་རྒྱུ་རེད་ཟེར་ནས་གནས་ཚུལ་སྤེལ་ཤིང་། རྒྱ་གཞུང་མང་གཉིས་ཀས་བོད་ཀྱི་གྲོས་ཚོགས་ཚོགས་རྒྱུ་ལ་འགོག་རྐྱེན་ཐབས་བྱེས་མིན་ལ་མ་ལྟོས་བ། རྒྱ་གར་གཞུང་གིས་བོད་པ་ཚོ་ལ་དམིགས་བསལ་བཏང་ཏེ། གྲོས་ཚོགས་ཟླ ༥ ཚེས ༢༤ ཉིན་འཚོག་རྒྱུའི་ཆོག་མཆན་སྤྲད་པའི་གནས་ཚུལ་སླེབས་འདུག འོན་ཀྱང་། ཨེ་རླུང་ཁང་གིས་རྒྱ་གར་གྱི་ས་གནས་དཔོན་པོ་དྲིས་སྐབས་སུ། ངག་ཐོག་གི་བཀའ་ཁྲོལ་གནང་ཟིན་ཡོད་བརྗོད་འདུག་པས། ཁྲིམས་མཐུན་དུ་གྱུར་ཡོད། འོན་ཀྱང་། ཡིག་ཐོག་གི་བཀའ་ཁྲོལ་གནང་མེད་པས་ཟླ་བ་ཕན་སྐྱིད་ཀྱིས་ཁོ་ཚོགས་འདུ་ལ་འགྲོ་གི་མིན་བརྗོད་འདུག

https://www.facebook.com/tenzing.kunchok.54/videos/1406626996361771/?d=n

ལས་ཟུར་དང་ཆོལ་ཁའི་སྤྱི་འཐུས ༢༠ ཡིས་སྤེན་ཚེ་སྲིད་སྐྱོང་ལ་འགྱུར་རྒྱུ་རྙོག་དྲ་ཅན་དང་རིང་དུ་བཏང་འདུག  སྲིད་སྐྱོང་ལ་གོ་སྐབས་སྤྲད་འདུག 

            ——ཨ་ནུ་ཐང་བསོད་ནམས། ༢༢/༥/༢༠༢༡ 

སྤྱི་འཐུས ༤༥ ལས ༢༠ ཡིས་ནད་ཡམས་ལ་ཁ་གཡར་ནས་གྲོས་ཚོགས་འཕར་མ་ཚོགས་རྒྱུར་ཡོང་གི་མིན་བརྗོད་པས། ད་ནི་གྲོས་ཚོགས་ཀྱི་ཉུང་ཚད་མི་ལོངས་བས་འཕར་མ་ཚོགས་ཐབས་བྲལ་བས། སྲིད་སྐྱོང་གསར་བར་དམ་འབུལ་བྱེད་ས་མེད་པས། སྲིད་སྐྱོང་བློ་བཟང་སེང་གེས་མུ་མཐུད་དུ་སྲིད་སྐྱོང་གསར་བ་མ་སླེབས་ཀྱི་བར་དུ་སྲིད་གནས་འཁུར་རྒྱུའི་གོ་སྐབས་རེག་འདུག རླབས་ཆེན་གྱི་སྐྱེས་བུ་ཞིག་ཡིན་ན། དཀའ་ངལ་འཕྲད་སྐབས་སུ་བྱོལ་ཞིང་། འབྲོ་རྒྱུ་མིན་པ། དཀའ་ངལ་དེ་གོ་སྐབས་སུ་བསྒྱུར་ཞིང་། དཀའ་ངལ་དེ་སེལ་ཐབས་ཀྱི་ཐབས་ཤེས་བཙལ་ནས་རྙེད་ན། དམ་པ་དང་རླབས་ཆེན་དུ་འགྱུར་བས། དཀའ་ཤག་ལ་དཀའ་ངལ་དེ་སེལ་བའི་གོ་སྐབས་རེག་བཞིན་འདུག རྒྱུ་མཚན་ནི། སྤྱི་འཐུས་ཀྱིས་རང་ཚུགས་མ་ཟིན་པས་ཐོར་ཞིག་ཏུ་འགྲོ་བཞིན་ཡོད་པས་ཡིན་པ་མ་ཟད། རྒྱ་གར་གྱི་ཁྱིམ་སྡོད་བཀག་རྒྱ་ཡང་ཆེད་མངགས་ཀྱིས་སྤྱི་འཐུས་འཕར་མ་མི་ཚོགས་རྒྱུ་ལ་དམིགས་པ་དང་གཉིས་སུ་མེད་པ་ལྟ་བུ་གྱུར་ཡོད།

ད་ནི་སྤྱི་འཐུས་ཀྱིས་དཀའ་ངལ་འདི་སེལ་བའི་ནུས་བ་མེད་ན། སེལ་ཐུབ་མཁན་གྱི་འགན་ནི་བཀའ་ཤག་གམ། སྲིད་སྐྱོང་ལ་བབས་ཡོད་པས། སྲིད་སྐྱོང་གི་བློ་སྤོབས་སྐྱེད་དེ་ལོ ༡༠ གོང་དུ་སྐུ་མདུན་གྱིས་དཔལ་ལྡན་སྲིད་སྐྱོང་བློ་བཟང་སེང་གེ་ལ་སྐུ་དབང་ཕུལ་ཡོད་པས། སྐུ་དབང་དེ་བེད་སྤྱོད་བཏང་ནས། ད་ལྟའི་ཛ་དྲག་གི་སྐབས་འདིར་སྐུ་མདུན་གྱིས་གནང་བའི་བསླབ་བྱ་ཀུན་ཁོང་གིས་སླར་ཡང་བཞེས་ནས། ཛ་དྲག་གི་བཀའ་རྒྱ་སྡམ་ནས། ནད་ཡམས་ཀྱི་རྗེས་སུ་བཅའ་ཁྲིམས་ལ་ཚད་ལྡན་གྱི་བཟོ་བཅོས་བཏང་ཏེ། མཚན་ཉིད་ཚང་བའི་བཅའ་ཁྲིམས་རྣམ་དག་ཅིག་སྲིད་སྐྱོང་གསར་བའི་ཕྱག་ཏུ་འཇོག་ཐབས་བྱེད་དགོས། ལྷག་པར་དུ་ཁྲིམས་ཞིབ་ཁང་དང་། སྤྱི་འཐུས་ཀྱིས་བཏང་བའི་སྐྱག་པ་དེ་གཙང་མར་བཟོ་བྱས་ཏེ། བོད་པ་རྣམས་ལ་སླར་ཡང་བློ་སྟོབས་སྐྱེས་སུ་འཇུག་དགོས།

ཁ་ནས་འཛུམ་མདངས་བསྟན་ཞིང་ཁོག་ནས་དུག་མཚོན་བཟུང་བའི་རྒན་པ་དང་། ཟུར་མིང་འཛིན་ཚོའི་ངག་ལ་ཉན་མི་ཞིང་། ལྷག་པར་དུ་དེ་ཚོའི་གནོད་ཤུགས་དང་། གཡོ་སྒྱུའི་འོག་ཏུ་མགོ་གཏན་ནས་སྒུར་མི་རུང་། ཁོང་གིས་གང་ཞིག་འདོད་ན། དེ་ལྟར་བོད་མི་རིགས་ལ་ཚད་ལྡན་གྱི་མང་གཙོ་དང་། རང་བདེན་གྱི་སྤྱི་ཚོགས། ཚད་མཐོའི་དཔལ་ཡོན་དར་བའི་སྤྱི་ཚོགས་ཤིག་བསྐྲུན་ཆེད་དུ་སྲིད་སྐྱོང་བློ་བཟང་སེང་གེ་ལ་འཇོན་ཐང་ངོམས་བྱེད་ཀྱི་གོ་སྐབས་རེག་ཡོད། ཁོང་གིས་ཨ་རི་རུ་ཁྲིམས་ལུགས་སློབ་སྦྱོང་བྱས་བའི་ཤེས་ཡོན་དེ་བེད་སྤྱོད་བཏང་བའི་དུས་ལ་བབས་འདུག ད་ལྟའི་བར་དུ་རྒན་པ་དང་ཟུར་བ་མང་པོ་ལ་སྟུན་ནས་སྡོད་ཀྱང་། ཁོ་ཚོས་དེ་ལ་བསམ་ཤེས་དང་། ཉན་ཤེས་གཏན་ནས་མི་བྱེད་པ་སྡུག་ཏུ་ཕྱིན་པས། ད་ལྟ་བོད་མིའི་སྒྲིག་འཛུགས་ཀྱི་ལམ་ལུགས་ཐོར་ཞིག་ཏུ་བཏང་བའི་ལས་དོན་འདི་སྤེལ་ཡོད། འདི་ཚོའི་ངག་ལ་ཉན་མི་ཉན་པ། རང་ཐག་ཆོད་པོའི་ཚད་ལྡན་གྱི་ལམ་ལུགས་གསར་བ་ཞིག་བཟོ་བའི་དུས་ལ་བབ་ཡོད། དེ་ལྟར་བཟོ་ཐུབ་ན། མི་རབས་རྗེས་མ་ཀུན་གྱིས་སྲིད་སྐྱོང་བློ་བཟང་དང་། ཁོང་གི་བཀའ་ཤག་གི་་བཀའ་དྲིན་དྲན་ངེས་རེད།

སྐུ་མདུན་གྱིས་ཆབ་སྲིད་ཚོགས་པ་བཙུགས་ན། ཆབ་སྲིད་ཚོགས་པ་ཚོས་སོ་སོའི་ཆབ་སྲིད་ཚོགས་པའི་ཁེ་ཕན་མི་རིགས་ཀྱི་ཁེ་ཕན་གྱི་སྒང་དུ་འཇོག་པས། མི་ལེགས་པ་དགོངས་ནས་མ་བཙུགས་ཀྱང་། ད་ནི་ཆབ་སྲིད་ཚོགས་པ་ཡི་ཚབ་ཏུ་ཆོལ་ཁ་ཡི་ཆབ་སྲིད་ཚོགས་པ་སླེབས་བཞིན་ཡོད་པས། ཆོལ་ཁ་ཡི་ཆབ་སྲིད་ཚོགས་པ་འམ། སྤྱི་འཐུས་ཚོ་སོ་སོར་འོས་ཤོག་འཕེན་མཁན་གྱི་ཆོལ་ཞེན་པ་ཚོའི་དབང་དུ་ཕྱིན་ནས། སྤྱི་འཐུས་གྲོས་ཚོགས་ཀྱང་རུལ་སུངས་དུ་བཏང་བཞིན་ཡོད་པ་མ་ཟད། ལྷག་པར་དུ་ད་ལྟའི་ཚོགས་འདུ་འཕར་འགྱང་ལ་མི་གཅར་མཁན་ཚོས་བཙན་བྱོལ་གྱི་ནང་དུ་ཆོལ་ཁ་ཡི་ཆབ་སྲིད་ཚོགས་པ་གྲུབ་བཞིན་ཡོད་པ་གསལ་བོར་བསྟན་འདུག འདི་ཚོས་བྱ་སྤྱོད་ཀྱིས་སྤེན་ཚེ་རིང་སྲིད་སྐྱོང་དུ་ཆགས་རྒྱུ་རིང་དུ་བཏང་ཞིང་། སྲིད་སྐྱོང་བློ་བཟང་སེང་གེ་ལ་ཉི་གྲངས་མང་བར་སྲིད་དབང་འཛིན་རྒྱུའི་གོ་སྐབས་སྤྲད་ཡོད། དེ་ནི་སྲིད་སྐྱོང་བློ་སེང་ལ་མཚོན་ན། གསེར་ལས་དཀོན་པའི་གོ་སྐབས་ཡིན་ཞིང་། ཁྲིམས་ཞིབ་ཁང་དང་སྤྱི་འཐུས་གཉིས་ཀྱིས་རྩོག་པར་བཟོས་བའི་གད་སྙིགས་སྲིད་སྐྱོང་ལ་གཙང་བཟོ་བྱེད་པའི་གོ་སྐབས་གནམ་གྱིས་སྤྲད་པས་ཡིན། རྒྱུ་མཚན་ནི། ནོར་འཁྲུལ་ཡང་གང་བྱུང་ཡང་། དེ་ནི་ཁྲིམས་སྤྱི་གཉིས་ཀྱི་ནོར་འཁྲུལ་ཡིན་ཡང་། དགེ་མཚན་གང་བྱུང་གྲུབ་འབྲས་ཀུན་སྲིད་སྐྱོང་གིས་འཁུར་བའི་གོ་སྐབས་ཡོད་པས་ཡིན། གལ་སྲིད་དཀའ་ངལ་དེ་སེལ་མ་ནུས་ཀྱང་། དཀའ་ངལ་དེ་དང་པོར་བཟོ་མཁན་ནི་ཁྲིམས་ཞིབ་ཁང་ཡིན་པ་ལས། སྲིད་སྐྱོང་མིན་པ་མ་ཟད། གདོང་ཐུག་བྱུང་ས་ཡང་སྤྱི་འཐུས་ཡིན་པ་ལས། བཀའ་ཤག་མིན་པས། ད་ལྟ་བཀའ་ཤག་ལ་དཀའ་ངལ་དེ་ཀུན་སེལ་བའི་གོ་སྐབས་རེག་ཡོད། བདེན་ཏེ། རྙོག་དྲ་ལངས་ཡ་མང་དྲགས་ན། སྲིད་དབང་སླར་དགའ་ལྡན་ཕོ་བྲང་ལ་ཕུལ་ཞིང་། དགའ་ཕོ་ཡིས་སྤེན་པ་ཚེ་རིང་ནི་རྙོག་དྲ་ཅན་གྱི་སྲིད་སྐྱོང་རེད་ཟེར་ནས། སྲིད་དབང་ཡང་ཁོ་ལ་མི་སྤྲད་པའི་ཉེན་ཁ་ཡང་ཉུང་ཉུང་ཞིག་ཡོད་པས་ཡིན། ལྷག་པར་དུ་སྤེན་ཚེའི་རྒྱབ་སྐྱོར་བ་ཚོ་འཕག་ཚག་བྱེད་རྒྱུ་མང་དྲགས་ན། ཉེན་ཁ་དེ་ཆེ་རུ་འགྲོ་བས་ཡིན།

ཁྲིམས་ཞིབ་པའི་རྒྱབ་སྐྱོར་བ་ཚོ་དང་། སྤྱི་འཐུས ༢༠ ཡིས་སྤེན་པ་ཚེ་རིང་སྲིད་སྐྱོང་ལ་འགྱུར་རྒྱུ་རིང་དུ་བཏང་འདུག་པས། སྲིད་སྐྱོང་བློ་བཟང་སེང་གེ་དང་། སྤྱི་འཐུས་ཁག་ཅིག་ལ་སྐྱག་སྐྱག་བྱེད་ཀྱི་ཡིན་ཟེར་ནས། དོན་དངོས་ཀྱི་སྐྱག་སྐྱག་བྱེད་ས་ནི། སྤེན་ཚེ་དང་། སྤྱི་འཐུས་རང་ཉིད་ཚོ་ལ་གྱུར་འདུག འདིས་ཅི་ཞིག་སྟོན་ཡོད་ཟེར་ན། རྒྱལ་ཁབ་དང་མི་རིགས་ལ་དཀའ་ངལ་འཕྲད་དུས་སུ། སྤྱི་འཐུས་མང་པོ་གཞན་གྱི་གནོན་ཤུགས་དང་། རང་གི་ཁེ་ཕན་གྱི་ཆེད་དུ་འགྲོ་བས། བློ་གཏད་བྱེད་མི་འོས་བ་མཚོན་འདུག

གྲོས་ཚོགས་འཕར་མར་མུན་མཐུན་མེད་མཁན་

              སྤྱི་འཐུས་ཀྱི་གྲངས་ཐོ། )

 ༡། པདྨ་ཕྱག་མཛོད་ཚང་།   ཨ་རིག་

༢ གདོང་འདུས་སྐྱིད་འཛོམས། ཨོ་གླིང་

༣། ཐུབ་བསྟན་ལུང་རིགས།

༤། མི་འགྱུར་རྡོ་རྗེ།

༥། ཡེ་ཤེས་སྒྲོལ་མ།

༦། རྣམ་རྒྱལ་ཁྱུ་གསར།

༧། དོན་བཀྲ་གྲུབ་བཀྲ་ཤིས་ལ་དྭགས།

༨། སྒྲོལ་མ་ཚེ་རི་ང།

༩། ཀརྨ་དགེ་ལེགས།

༡༠། བྲ་ཙ་བསོད་ནམས་ནོར་བུ།

༡༡།    ཚེ་རིང་ལྷ་མོ།

༡༢།   ་ཙ་ནེ་ཚང་དོན་འགྲུབ་བཀྲ་ཤིས།

༡༣།    བསྟན་འཛིན་འཇམ་དབྱིངས།

༡༤།     བསམ་གཏན་ཆོས་སྒྲོན།

༡༥།      ་ཟླ་བ་ཕུན་སྐྱིད།

༡༦།     བཀྲ་ཤིས་དོན་གྲུབ།

༡༧།      ཟླ་བ་ཚེ་རིང་།

༡༨།      དགེ་བཤེས་གངས་རི།

                  གྲོས་ཚོགས་འཕར་མ་ལ་རྒྱབ་སྐྱོར་གནང་མཁན་སྤྱི་འཐུས་ཀྱི་ཚན་མཐོ་

༡།    བསོད་ནམས་དབང་མོ་རྒྱ་ནད་ན་བཞིན་པ་

༢།    དབུ་དཀར་ཚང་གཡུ་སྒྲོན། རྒྱ་ནད་ན་བཞིན་པ

༣།   བ་ར་ཚེ་དབང་བཀྲ་ཤིས། ༼ ར་ཤི་ཡ་ལ་ཡོད་པ་

ཆོས་བརྒྱུད་སྤྱི་འཐུས་༼༡༠དབུས་གཙང་སྤྱི་འཐུས་༼༢

མདོ་སྟོད་སྤྱི་འཐུས་   ༢༼མདོ་སྨད་སྤྱི་འཐུས་༢

ཨ་རིག་སྤྱི་འཐུས་ ༡ ་་་རོབ་སྤྱི་འཐུས་  ༡

བཅས་རེད་ལགས་

ཛ་དྲག་གི་གསར་འགྱུར་་་་

ཁྲིམས་ཞིབ་པ་གསུམ་ཁྲིམས་འགལ་གྱི་ཐོག་ནས་སླར་ཡང་གོ་གནས་ལ་སླེབས་རྒྱུ་ཡིན་འདུག 

         ——-ཨ་ནུ་ཐང་བསོད་ནམས། ༢༣/༥/༢༠༢༡ 

ད་ལོའི་ཟླ ༣ འཇུག་ཏུ་དགོངས་ཞུ་གནང་ཞིང་། ལས་གནས་ནས་ཕུད་པའི་ཁྲིམས་ཞིབ་པ་གསུམ་གྱིས་གྲོས་ཚོགས་ཀྱི་གྲོས་ཆོད ༣༩ བ་ལ་རྩིས་མེད་དུ་བཏང་ཞིང་། སང་ཉིན་ཁྲིམས་ཞིབ་པ་གསུམ་སླར་ཡང་གོ་གནས་ལ་ཡོང་རྒྱུའི་གསལ་བསྒྲགས་སྤེལ་རྒྱུ་ཡིན་པའི་གནས་ཚུལ་སྤྱི་རྒྱུན་དུ་སླེབས་འདུག གལ་སྲིད་སང་ཉིན་གསལ་བསྒྲགས་བྱས་ཚེ། འདི་ནི་བོད་ཀྱི་གྲོས་ཚོགས་ཀྱི་ཐག་བཅད་སྣང་མེད་དུ་བཏང་ནས་རྩེད་མོ་བརྩེས་བ་ཡིན་པས། དེ་ནི་མང་གཙོ་དང་ཁྲིམས་ལུགས་དང་ཡོངས་སུ་འགལ་ཡོད། འོན་ཀྱང་། ལས་ཟུར་དང་། རྒན་པ་མང་པོ་སོ་སོའི་ཁེ་ཕན་ལ་ཐུག་ན་བོད་ཀྱི་མང་གཙོ་དང་། བོད་མི་མང་ལ་སྣང་མེད་དུ་བཏང་རྒྱུར་ང་ཚ་མེད་པ་མ་ཟད། སྐུ་མདུན་གྱིས་མང་གཙོ་ཡང་བདེ་ལམ་འགྲོ་རུ་མི་འཇུག་པས། འདི་ནི་ལོ་རྒྱུས་ཀྱི་ཐོག་གི་རྒན་པ་ཚོས་རྐང་རྗེས་ལག་གསུབ་བྱེད་པའི་ལས་དོན་བསྒྲུབས་པའི་དཔང་བོར་གྱུར་ཡོད། ཁོ་ཚོས་ད་དུང་ཡང་སྔོན་ཆད་ལྟར་སྐུ་དབང་ལམ་ལུགས་རེད་བསམ་ཡོད་པ་གསལ་བོ་རེད། སྐུ་དབང་བ་ཚོས་རྒྱལ་བོ་ལས་མི་མང་དང་། མི་སྒེར་གྱི་རང་དབང་། ལྷག་པར་དུ་ཁྲིམས་ལུགས་ལ་གུས་བཀུར་གཏན་ནས་བྱེད་མི་ཤེས།

སྟབས་མ་ལེགས་པ་ཞིག་ལ། དུས་རབས ༢༡ གི་དེང་རབས་ཀྱི་སྤྱི་ཚོགས་འདི་རུ་བོད་ཀྱི་ལས་ཟུར་མང་པོའི་བསམ་བློ་ནི་གནའ་བོའི་སྐུ་དབང་ལམ་ལུགས་ཀྱི་བསམ་བློ་ཡིན་པས། ཁོ་ཚོའི་བསམ་བློའི་ནང་དུ་སོ་སོའི་ཁེ་ཕན་གཙོ་བོ་ལས། མང་གཙོའི་རུས་བ་གཅིག་ཀྱང་མེད་པ་མ་ཟད། བསམ་བློ་ཡང་གནས་སྐབས་ཙམ་ལས། ཕུགས་རྒྱང་རིང་བོར་བསམ་བློ་བཏང་མི་ཤེས་མཁན་ཚོ་རེད། འདི་ཚོའི་ཕྱོགས་ཁག་གིས་དབུ་ཁྲིད་ནས་དེ་སྔོན་བོད་འདི་ཉམས་རྒུད་དུ་བཏང་ཡོད་ལ། ཉེ་རབས་ཀྱི་ལོ་རྒྱུས་ཀྱི་ནང་དུ་བོད་ཀྱི་རྒྱལ་གཅེས་དང་། རྒྱ་རྒོལ་གྱི་ཆོད་སེམས་མེད་པ་བཏང་ཡོད། ད་ལྟ་འདི་ཚོས་བོད་ཀྱི་མང་གཙོ་གཏོར་གཤིག་བཏང་གི་འདུག ༢༠༡༡ ལོ་ནས་སྐུ་མདུན་གྱིས་མར་ལ་གནང་བའི་མང་གཙོ་ལམ་འགྲོ་རྒྱུག་ཏུ་འཇུག་གི་མེད། བདེན་ཏེ། འདི་ཚོས་བཅའ་ཁྲིམས་བསྐྱར་བཅོས་བཏང་བས་བཅའ་ཁྲིམས་ལ་མགོ་རྣ་མེད་པ་བཟོས་ཡོད།

འདི་ཚོ་ཧམ་པ་ཚ་བོ་ཡིན་ཞིང་། འདི་ཚོའི་རྣ་བར་མ་ཕྱིན་ན། སྐུ་མདུན་གྱི་གསུངས་ཡིན་ཡང་། དག་ཐེར་བཏང་ངེས་ལ། དག་ཐེར་བཏང་ངེས་རེད། བདེན་ཏེ ༢༠༠༨ ལོའི་བོད་ཁྱིམ་བོད་གྲྭའི་དུས་དྲན་གྱི་མཛད་སྒོའི་སྐུ་མདུན་གྱི་གསུངས་བཤད་གསལ་སྒྲགས་ཡག་པོ་མ་བྱས་བ་དེས་གསལ་བཤད་གནང་ཡོད། རྒྱུ་མཚན་ནི། མཛད་སྒོའི་སྟེང་དུ་སྐུ་མདུན་གྱིས་བཙན་བྱོལ་བོད་ཀྱི་ཤེས་ཡོན་སློབ་གསོ་འཐུས་ཤོར་དུ་ཕྱིན་པས། རྒྱ་ནག་གི་ཤེས་ཡོན་སློབ་གསོ་ལས་སྐྱོ་རུ་གྱུར་ཚུལ་གསུངས་བས་རེད།

ད་ལྟ་ལས་ཟུར་ཚོ་དང་། དེའི་ཕྱོགས་གཏོགས་པས་གྲོས་ཚོགས་ཚོགས་སུ་མ་འཇུག་ཅིང་། ཆ་མ་ཚང་བའི་བཅའ་ཁྲིམས་བསྐྱར་བཅོས་བཏང་དུ་མ་འཇུག་ཁར། ཁྲིམས་ཞིབ་པ་གསར་བ་གདམ་དུ་མ་འཇུག་པ་མ་ཟད། དེའི་ཚབ་ཏུ་ཁྲིམས་ཞིབ་པ་རྙིང་བ་གསུམ་སླར་གསོ་བྱེད་རྒྱུའི་འཆར་གཞི་བསྒྲིགས་འདུག

སྲིད་སྐྱོང་གསར་བ་ལ་དམ་བཅའ་འབུལ་ས་རུ་ཁྲིམས་ཞིབ་པ་རྙིང་བ་གསུམ་སླར་གསོ་བྱས་ན། དེ་ནི་ཁྲིམས་འགལ་ཡིན། རྒྱུ་མཚན་ནི། གྲོས་ཚོགས་ཀྱི་གྲོས་ཆོད་གནང་མེད་དུ་བཏང་བས་ཡིན། གལ་སྲིད་ཁྲིམས་ཞིབ་པ་གསུམ་སླར་ཡང་ལོག་ཀྱང་། ཁྲིམས་འགལ་བ་ཡིན་པས། ཁྲིམས་འགལ་གྱི་ཉེས་བ་ཅན་གྱི་ཁྲིམས་ཞིབ་པ་གསུམ་སླར་ཡང་ལོག་ཅིང་། དེའི་མདུན་དུ། སྲིད་སྐྱོང་གསར་བ་སྤེན་པ་ཚེ་རིང་གིས་དམ་བཅས་ཕུལ་ན། དེ་ནི་གྲྭ་ལོག་གི་མདུན་དུ་གྲྭ་བ་གསར་བས་སྡོམ་པ་བླངས་ལྟར་འགྱུར་བས། ཁྲིམས་ཐོག་ནས་ཁྲིམས་འགལ་དང་། རྟེན་འབྲེལ་གྱི་སྒོ་ནས། རྟེན་འབྲེལ་ནོར་བ་ཡིན། དེ་ལས་ཚད་ལྡན་གྱི་མང་གཙོའི་རྒྱལ་ཁབ་གཞན་ལྟར་བཅའ་ཁྲིམས་སམ། རྩ་ཁྲིམས་ཀྱི་མདུན་ནས་དམ་བཅའ་ཕུལ་ན་ལེགས། ཡང་མིན་ན། དབྱིན་ཇི་ལྟར་རྩ་ཁྲིམས་དང་སྐུ་མདུན་གྱི་སྐུ་དཔར་གྱི་མདུན་ནས་ཕུལ་ན་ལེགས། བདེན་ཏེ། དེ་ནི་ཉེས་ཅན་པའི་ཁྲིམས་ཞིབ་པའི་མདུན་ནས་དམ་བཅའ་བླངས་བ་ལས་ལེགས་པས་ཡིན།

ཁྲིམས་ཞིབ་པ་གསུམ་སླར་ཡང་སླེབས་པ་ནི་སྲིད་དབང་བཙན་འཕྲོག་བྱེད་པའི་ལས་འགུལ་རེད། 

              ——-ཨ་ནུ་ཐང་བསོད་ནམས། ༢༤/༥/༢༠༢༡ 

སྤྱི་འཐུས་ཀྱིས་ངོས་ལེན་མེད་ཀྱང་། ཁྲིམས་ཞིབ་པ་གསུམ་སླར་ཡང་ལོག་རྒྱུ་ཡིན་པའི་གསལ་བསྒྲགས་སྤེལ་བ་ནི། ཁྲིམས་འགལ་ཡིན་ལ། ཁྲིམས་འགལ་གྱིས་ཁྲིམས་ཞིབ་པ་སླར་ཡང་སླེབས་པ་ནི། བོད་མིའི་སྒྲིག་འཛུགས་མགོ་རྟིང་སློག་ཆེད་དུ་རེད། རྒྱུ་མཚན་ནི། བཙན་དབང་གིས་སླར་ཡང་ལོག་པ་ལས། ཁྲིམས་མཐུན་གྱིས་སྤྱི་འཐུས་ཀྱི་བཞག་པའི་གྲོས་ཆོད ༣༩ རྩ་མེད་དུ་བཏང་ཐབས་མེད། བཏང་དགོས་ན་སྤྱི་འཐུས ༧༠% རྒྱབ་སྐྱོར་ཐོབ་ནས་བཏང་དགོས་བས་དེ་ལྟར་ཡོང་ཐབས་མེད། འོན་ཀྱང་། ཁོ་ཚོས་འུ་ཚུགས་ཀྱིས་སླར་ཡང་ལོག་པ་ནི་བོད་མིའི་ཁྲོད་དུ་རྙོག་གླེང་སླེབས་པར་སྐྲག་གི་མེད་པས་རེད་ལ། ལྷག་པར་དུ་སྤྱི་འཐུས་དང་། སྲིད་སྐྱོང་བློ་བཟང་སེང་གེའི་གཞུང་ལ་མཐོང་ཆུང་བྱས་བས་རེད། བདེན་ཏེ། སྲིད་དབང་རྩིས་སྤྲོད་མ་བྱས་བ་ཡིན་ན། བཙན་ཤུགས་ཀྱིས་ལེན་རྒྱུའི་གྲ་བསྒྲིགས་བྱས་བ་རེད།

མ་གཞི་དར་ནག་ཚོགས་པའི་མགོ་འཕང་མགོ་དགོས་དོན་ནི་ཁ་མཆུ་ཨང ༢༠ ཐོབ་རྗེས་སུ་ཁོ་ཚོའི་སྤོབས་པ་ཆེ་རུ་ཕྱིན་ཡོད་ལ། ཕྱིན་དགོས་དོན་ཡང་། ཁོ་ཚོས་གཡོ་ཐབས་ཀྱིས་ཁ་མཆུ་དེ་ལས་རྒྱལ་ཁ་ཐོབ་པས་རེད། དེར་བརྟེན། ད་ནི་ཁོ་ཚོས་བཙན་བྱོལ་བོད་གཞུང་གི་ནང་དུ་གང་ཞིག་བྱས་ཀྱང་། བྱེད་ཐུབ་པའི་གདེང་ཚོད་སླེབས་པས་རེད། རྒྱུ་མཚན་ནི། ཁོ་ཚོས་རང་བཙན་ལག་ཁྱེར་མེ་བསྲེགས་བཏང་ཞིང་། བོད་མིའི་སྒྲིག་འཛུགས་ལ་གང་སར་ངོ་རྒོལ་བྱས་ཀྱང་། དེ་ལ་ཉེས་བ་འབབ་རྒྱུ་ལས་ལྡོག་སྟེ། གྲུབ་འབྲས་ཐོན་ཅིང་། ཁ་མཆུ ༢༠ བ་ཐོབ་པས་རེད། ཐོབ་དགོས་དོན་ཡང་། ཁྲིམས་དཔོན་ཚོས་ཕྱོགས་རིས་བྱས་ཤིང་། སྤེན་ཚེ་ལ་ཐོབ་བཅུག་པས་རེད།

བཀའ་སྤྱི་འོས་བསྡུ་ཡི་སྔོན་དུ་ཁྲིམས་ཞིབ་ཁང་དང་། ཟམ་གདོང་རིན་པོ་ཆེ་གཉིས་ཀྱིས་ཆབ་སྲིད་ནག་པོ་འཁྲབ་ཅིང་། བཀའ་སྤྱིའི་འོས་བསྡུ་ལ་ཐེ་གཏོགས་བྱས་རྗེས་སུ་སྤེན་པ་ཚེ་རིང་ལ་འོས་བསྡུ་ཡི་རྒྱལ་ཁ་ཐོབ་པས། ཁོ་ཚོའི་སྤོབས་པ་དེ་བས་ཀྱང་། ཤུགས་ཆེ་རུ་ཕྱིན་ཡོད་ལ། ད་ལྟ་སྤེན་པ་ཚེ་རིང་གིས་སླར་ལོག་བྱེད་མཁན་གྱི་ཁྲིམས་ཞིབ་པ་ཉེས་ཅན་གྱི་མདུན་ནས་དམ་བཅའ་འབུལ་རྒྱུའི་འཆར་གཞི་བསྒྲིགས་ཡོད་ངེས་རེད། གལ་སྲིད་སྤེན་པ་ཚེ་རིང་གིས་ཉེས་ཅན་གྱི་ཁྲིམས་ཞིབ་པ་གསུམ་གྱི་མདུན་ནས་དམ་བཅའ་ལེན་རྒྱུ་ངོས་ལེན་མ་བྱས་བ་ཡིན་ན། ཁྲིམས་ཞིབ་པ་ཚོས་ཅི་ཡང་བྱེད་མི་ནུས་ཀྱང་། སྤེན་ཚེས་དེ་ལྟར་བྱེེད་འདོད་ཁག་པོ་མ་རེད།

མ་གཞི་སྲིད་སྐྱོང་གི་བློ་བཟང་སེང་གེས་ངས་ནི་ཉེས་ཅན་གྱི་ཁྲིམས་ཞིབ་པ་གསུམ་སླར་ཡང་། གོ་གནས་སུ་ལོག་པ་མོས་མཐུན་མེད་གསུངས་ནས། ཚད་ལྡན་གྱི་ཁྲིམས་ཞིབ་པ་མ་སླེབས་པའི་བར་དུ་སྲིད་དབང་རྩིས་སྤྲོད་བྱེད་རྒྱུ་མི་གསུངས་ན། ནུས་བ་ཀུན་ཁོ་ལ་ཡོད། བདེན་ཏེ། ད་ལྟ་ནི་སྐུ་མདུན་ལས་གཞན་པའི་ནུས་བ་ཡོད་མཁན་ནི་སྲིད་སྐྱོང་བློ་བཟང་སེང་གེ་གཅིག་བུ་ཡིན། འོན་ཀྱང་། ལས་ཟུར་དང་དར་ནག་ཚོགས་པས་སྲིད་སྐྱོང་བློ་བཟང་སེང་གེ་ལ་གནོན་ཤུགས་ཤིང་། ཞི་དྲག་གི་འཇིགས་སྐུལ་བཏང་ན། སྐྲག་ནས་མགོ་སྒུར་བའི་གདེང་ཚོད་སླེབས་པས་འདི་ལྟར་གནང་བ་ཡིན་པ་མ་ཟད། ཁོ་ཚོས་སྐུ་མདུན་ལ་ཡང་དབུ་སྐོར་བཏང་ཐུབ་ཀྱི་འདུག་སྙམ་ནས། བཙན་ཤུགས་ཀྱིས་སྲིད་དབང་འཕྲོག་པའི་ལས་འགུལ་འདི་སྤེལ་བ་རེད། འོན་ཀྱང་། ད་ལྟ་ཁོ་ཚོ་ཆེས་སྐྲག་ས་ནི་སྲིད་སྐྱོང་བློ་བཟང་སེང་གེ་དང་། ཁོ་ཚོའི་ངག་ལ་མི་ཉན་མཁན་གྱི་སྤྱི་འཐུས་ཚོར་ཆགས་ཡོད། ད་དུང་ཡང་དབང་ཆའི་སྣེ་འགག་སྲིད་སྐྱོང་ལ་ཡོད། ཨ་རིའི་ཨ་བྷ་ཧན་ལན་ཁེམ་གྱིས་ཨ་རིའི་ནང་འཁྲུག་ལས་རྣམ་པ་རྒྱལ་ནས་ཨ་རིའི་སྲིད་གཞུང་ལ་བཅོས་བསྒྱུར་བཏང་ཞིང་། སྲིད་གཞུང་རྒྱུན་མཐུད་པས་ཨ་རིའི་ལོ་རྒྱུས་ཀྱི་ཐོག་གི་སྐད་གྲགས་ཅན་གྱི་སྲིད་འཛིན་དུ་གྱུར་ཡོད། སྲིད་སྐྱོང་བློ་བཟང་སེང་གེ་ལ་ཡང་གོ་སྐབས་དེ་ཤར་བཞིན་ཡོད།

ངས་ཆེས་མཐོའི་ཁྲིམས་ཞིབ་ཁང་གི་གསང་འཆར་ཞིག་ཧ་གོ་སོང་།

        ——ཨ་ནུ་ཐང་བསོད་ནམས། ༢༥/༥/༢༠༢༡ 

ཁོ་ཚོས་སྲིད་སྐྱོང་དང་སྤྱི་རྒྱུན་གྱིས་སྲིད་སྐྱོང་གསར་བ་དམ་འབུལ་ངོས་ལེན་མ་བྱས་བ་ཡིན་ན། སྲིད་སྐྱོང་དང་སྤྱི་འཐུས་ཚོགས་གཞོན་མེད་པ། ཚེས ༢༧ ཉིན་གསང་བའི་སྒོ་ནས་སླར་ལོག་གི་ཁྲིམས་ཞིབ་པ་གསུམ་གྱི་མདུན་ནས་སྲིད་སྐྱོང་གསར་བ་སྤེན་པ་ཚེ་རིང་གིས་དམ་འབུལ་ཞུ་རྒྱུའི་འཆར་གཞི་བསྒྲིགས་ཤིང་། སྲིད་སྐྱོང་དང་སྤྱི་འཐུས་ལ་གནོད་ཤུགས་སྤྲོད་ཀྱི་འདུག འོན་ཀྱང་། སྲིད་སྐྱོང་དང་སྤྱི་རྒྱུན་གྱིས་མཁྲེགས་པོ་བྱས་ན། ཁོ་ཚོ་ཕྱིར་སྣུར་བྱེད་ངེས་རེད། གལ་སྲིད་ཕྱིར་སྣུར་མ་བྱས་བ། ཨུ་ཚུགས་བྱས་བ་ཡིན་ན། སྤེན་པ་ཚེ་རིང་སྲིད་སྐྱོང་དུ་སླེབས་པ་དང་མཉམ་དུ་བོད་མི་རྣམས་གཅིག་སྒྲིལ་བཟོ་རྒྱུའི་ཚབ་ཏུ། བོད་པ་རྣམས་འགལ་བ་ཆེ་རུ་བཏང་ཞིང་། བོད་ཀྱི་མང་གཙོ་ཡང་། ལས་ཟུར་ཚོས་དབང་བསྒྱུར་གྱི་མང་གཙོ་རུ་ཆགས་པ་མ་ཟད། ཁྲིམས་ཁང་གིས་དབང་བསྒྱུར་བྱས་བའི་མང་གཙོ་རུ་ཆགས་པས། འཛམ་གླིང་གི་སྲིད་འཛིན་ལམ་ལུགས་དང་། གྲོས་ཚོགས་ལམ་ལུགས་ཀྱི་མང་གཙོ་གཉིས་སུ་གྱུར་མེད། དེ་འདྲའི་མང་གཙོ་ལ་སྲིད་སྐྱོང་བློ་བཟང་སེང་གེ་དང་། སྤྱི་རྒྱུན་གྱིས་ལན་ཅི་ལྟར་སློག་མིན་ནི་སྒུག་སྡོད་ཀྱི་གནས་རེད། ཁོ་ཚོས་འདི་ལྟར་བྱེད་དགོས་དོན་ནི་སྲིད་སྐྱོང་གི་ཕྱག་ན་ཡོད་པའི A3 ལ་སྐྲག་པས། བྱོལ་ཐབས་ཀྱི་ཚོད་ལྟའི་ཆེད་དུ་རེད།

སྐུ་མདུན་གྱིས་བརྙན་འཕྲིན་རྒྱུད་ནས་གསུངས་བཤད་གནང་གི་རེད་ཟེར་བ་ནི། ཁ་གཡར་ས་དང་། སྐུ་མདུན་གྱི་བེད་སྤྱོད་བཏང་བ་ཙམ་ལས། སྐུ་མདུན་གྱིས་བརྙན་འཕྲིན་རྒྱུད་ནས། གསུངས་བཤད་གནང་དང་། མི་གནང་གི་གཏན་འཁེལ་མེད་ལ། འདི་ནི་སྲིད་སྐྱོང་དང་། སྤྱི་རྒྱུན་གྱི་མགོ་གནོན་ཆེེད་ཀྱི་ཐབས་ཇུས་དང་། གཡོ་ཐབས་རེད། སྐུ་མདུན་གྱིས་བརྙན་འཕྲིན་རྒྱུད་ནས་གསུངས་བཤད་གནང་གི་རེད་ཟེར་བ་ནི། ཁ་གཡར་ས་དང་། སྐུ་མདུན་གྱི་བེད་སྤྱོད་བཏང་བ་ཙམ་ལས། སྐུ་མདུན་གྱིས་བརྙན་འཕྲིན་རྒྱུད་ནས། གསུངས་བཤད་གནང་དང་། མི་གནང་གི་གཏན་འཁེལ་མེད་ལ། འདི་ནི་སྲིད་སྐྱོང་དང་། སྤྱི་རྒྱུན་གྱི་མགོ་གནོན་ཆེེད་ཀྱི་ཐབས་ཇུས་དང་། གཡོ་ཐབས་རེད། རྙོག་དྲ་ཡོད་ན། སྐུ་མདུན་གྱིས་གསུངས་བཤད་གནང་གི་མ་རེད།

གོ་གནས་ལ་འདོད་རྔམ་རྒྱུར་སྐྱག་ལངས་སུ་ཤོར་ན། སྐྱག་ལངས་ཀྱི་ན་ཚ་སྐྱེལ་ཅིང་། ན་ཚ་དེ་ཕོགས་ན་དབང་ཆ་གཏན་ནས་བློས་བཏང་མི་ཐུབ་པར་འགྱུར་བས། དེའི་མིང་ལ་དབྱིན་སྐད་དུ Power addicted ཟེར། དེ་ལྟར་གྱུར་ཚེ། དབང་ཆ་མེད་ན། འདུག་ཐབས་མེད་པས་དབང་ཆ་ཐོབ་ཆ་ཐོབ་ཆེད་དུ་ཅི་ཅིག་བྱེད་དགོས་ཀྱང་། བྱེད་ངེས་བས། ད་ལྟའི་བོད་ཀྱི་ལས་ཟུར་ཚོ་དང་ཟམ་གདོང་རིན་པོ་ཆེ་ནི་དེ་ལྟར་ཆགས་ཡོད། ཁོ་ཚོ་སྐུ་དབང་ལམ་ལུགས་ཀྱི་འོག་ནས། ཚོད་མེད་དུ་དབང་ཆ་བེད་སྤྱོད་བྱས་བས། ངན་ལམ་དུ་ཤོར་བས། དབང་ཆ་མེད་ན་གནས་ཐབས་མེད་པ་གྱུར་ཡོད། དེར་བརྟེན། ཁོ་ཚོ་སྤུངས་བསྒྲིགས་ནས་སྤྱི་རྒྱུན་དང་། སྲིད་སྐྱོང་བློ་བཟང་སེང་གེའི་ལག་ནས་དབང་ཆ་འཕྲོག་གི་ཡོད། དབང་ཆ་འཕྲོག་ཚར་རྗེས་སུ་ཁོ་ཚོས་གྲངས་མང་གི་མང་གཙོ་སྒེར་གཅོད་བྱས་ཤིང་། ཁོ་ཚོས་དེ་ལྟར་མཛད་པ་ནི། ཁྲིམས་མཐུན་དང་། མང་གཙོ། རྒྱལ་བའི་བཀའ་སྲུང་ཆེད་དུ་ཡིན་ལབ་ནས། ལོ་རྒྱུས་གསར་བ་འབྲི་ངེས་རེད། དེ་སྔོན་དེ་ལྟར་དུ་མ་བྲིས་ཡོད་པས། ཁོ་ཚོས་ད་དུང་ཡང་དེ་ལྟར་འབྲི་ཐུབ་རྒྱུའི་གདེང་ཚོད་ཡོད་པས། ཁྲིམས་འགལ་གྱི་ཐོག་ནས་ཁྲིམས་དཔོན་ཚོ་སླར་ཡང་ལོག་ཅིང་། ཐ་ན་སྲིད་སྐྱོང་གསར་བའི་མཛད་སྒོ་ཡི་གོ་རིམ་འགྲོ་རྒྱུའི་གསལ་བསྒྲགས་བྱས་བ་འདི་རེད།

དོན་དངོས་གསལ་བསྒྲགས་བྱེད་དགོས་ན། བྱེད་མཁན་ནི་བཀའ་སྤྱི་གཉིས་དང་། ལྷག་པར་དུ་བཀའ་ཤག་ཡིན་དགོས་བ་ལས། ཁྲིམས་ཞིབ་ཁང་མིན། བདེན་ཏེ། ཁྲིམས་ཞིབ་པ་ནི་མི་མང་གིས་གདམ་པ་མིན་པས། མི་མང་གིས་ཐད་ཀར་གདམ་པའི་སྐུ་ཚབ་ནི་སྲིད་སྐྱོང་དང་། སྤྱི་འཐུས་ལ་གྱུར་ཡོད་པས་ཡིན། འོན་ཀྱང་། ཁྲིམས་ཞིབ་པ་ཚོ་ཁྲིམས་འགལ་གྱི་ཐོག་ནས་ཡར་ལ་སླེབས་པ་ཙམ་མ་ཟད། ཧམ་པ་ཆེན་པོས་དེ་རིང་སྲིད་སྐྱོང་གསར་བའི་མཛད་རིམ་གསལ་བསྒྲགས་བྱས་བ་ནི། ཁྲིམས་འགལ་རེད་ལ། བཀའ་ཤག་དང་སྤྱི་རྒྱུན་གཉིས་ཀྱི་ལག་ནས་དབང་ཆ་འཕྲོག་པའི་ལས་འགུལ་རེད། ཁོ་ཚོས་འདི་ལྟར་ཧམ་པ་ཆེན་པོ་བྱས་ན། བཀའ་ཤག་གི་དཔའ་ཞིམ་ནས་ཅི་ཡང་སྨྲ་མི་ཕོད་སྙམ་པས་རེད།

ཅི་ལྟར་བྱས་ཀྱང་ད་ལྟ A3 ཡོད་མཁན་ནི་སྲིད་སྐྱོང་བློ་བཟང་སེང་གེ་ཡིན། 

______  ཨ་ནུ་ཐང་བསོད་ནམས། ༢༦/༥/༢༠༢༡

ཁྲིམས་ཞིབ་ཁང་གིས་ཚོད་ལྟའི་འགོ་བཙུགས་ཟིན་འདུག ཡིན་ཡང་། A3 སྲིད་སྐྱོང་བློ་བཟང་སེང་གེའི་ལག་ཏུ་ཡོད་ལ། སྤྱི་འཐུས་ཚོགས་གཞོན་གྱི་ལག་ནས A2 ཡོད། ཁྲིམས་ཞིབ་ཁང་གིསA1 ལས་མེད་ཀྱང་། ཁོ་ཚོས་ཚོད་ལྟ་བྱས་ནས་འཕངས་དགོས་དོན་ནི་སྲིད་སྐྱོང་དང་། སྤྱི་འཐུས་ལ་ཉམས་ཚོད་ལེན་ཆེད་དུ་རེད། རྒྱུ་མཚན་ནི། ཁྲིམས་ཞིབ་ཁང་གི་ལག་ནས A1 མ་གཏོགས་མེད། འོན་ཀྱང་། ཁོ་ཚོས A3 ཡོད་ཁུལ་བྱས་ནས་འཕང་གི་ཡོད།  འོག་གི་ཆེས་མཐོའི་ཁྲིམས་ཞིབ་ཁང་གི་ལས་ཤོག་གི་འོག་ནས་དམ་ཕྲུག་རྒྱག་མཁན་གྱི་ས་ཡིག་མེད་པ་མ་ཟད། ཤོག་གུ་ཨང་གྲངས་ཀྱང་མེད་པས་ཉམས་ཚོད་ལེན་ཆེད་དུ་ཡིན་སྲིད་ལ། ཁྲིམས་ཀྱི་འགྲོ་སྟངས་བྱས་ན། ཏག་ཏག་ཆགས་མེད། ཡིན་ཡང་། དེང་སང་བཙན་བྱོལ་བའི་ནང་དུ་བཙན་ཤུགས་ཀྱིས་གང་བྱུང་བྱེད་ཀྱི་འདུག་པས། འདི་ནི་ཉམས་ཚོད་ལེན་བྱེད་ཡིན་པ་གསལ་བོ་རེད། ཉམས་ཚོད་དེ་ལ་གདོང་ལེན་བྱེད་མཁན་སྲིད་སྐྱོང་དང་། སྤྱི་འཐུས་རྒྱུན་ལས་ཡོད་པས། འདི་ཚོའི་བཙན་འཛུལ་ལ་མགོ་སྒུར་མི་འོས། གང་ལྟར་ཏཱ་སི་ཡག་པོ་ཡོད་མེད་ལ་མ་ལྟོས་བ་རྩེད་མཁན་ལ་རག་ལས་བས། ཁྲིམས་ཞིབ་ཁང་དང་དེའི་རྒྱབ་སྐྱོར་བ་ཚོས་བཀའ་ཤག་ལ A3 འཕེན་དུ་མི་འཇུག་པའི་ཐབས་ཤེས་གང་ཐུབ་ཀྱིས་བཏང་ངེས་རེད། འདི་ལྟར་ཁོ་ཚོས་ཁྲིམས་མེད་ལུགས་མེད་བྱེད་ཐུབ་དགོས་དོན་ནི། བཙན་བྱོལ་གྱི་ནང་གི་བོད་པ་རྣམས་ཉམ་ཆུང་རྒྱུ་མང་དྲགས་པས་རེད།

གོ་གནས་ལ་འདོད་རྔམ་རྒྱུར་སྐྱག་ལངས་སུ་ཤོར་ན། སྐྱག་ལངས་ཀྱི་ན་ཚ་སྐྱེལ་ཅིང་། ན་ཚ་དེ་ཕོགས་ན་དབང་ཆ་གཏན་ནས་བློས་བཏང་མི་ཐུབ་པར་འགྱུར་བས། དེའི་མིང་ལ་དབྱིན་སྐད་དུ Power addicted ཟེར། དེ་ལྟར་གྱུར་ཚེ། དབང་ཆ་མེད་ན། འདུག་ཐབས་མེད་པས་དབང་ཆ་ཐོབ་ཆ་ཐོབ་ཆེད་དུ་ཅི་ཅིག་བྱེད་དགོས་ཀྱང་། བྱེད་ངེས་བས། ད་ལྟའི་བོད་ཀྱི་ལས་ཟུར་ཚོ་དང་ཟམ་གདོང་རིན་པོ་ཆེ་ནི་དེ་ལྟར་ཆགས་ཡོད། ཁོ་ཚོ་སྐུ་དབང་ལམ་ལུགས་ཀྱི་འོག་ནས། ཚོད་མེད་དུ་དབང་ཆ་བེད་སྤྱོད་བྱས་བས། ངན་ལམ་དུ་ཤོར་བས། དབང་ཆ་མེད་ན་གནས་ཐབས་མེད་པ་གྱུར་ཡོད། དེར་བརྟེན། ཁོ་ཚོ་སྤུངས་བསྒྲིགས་ནས་སྤྱི་རྒྱུན་དང་། སྲིད་སྐྱོང་བློ་བཟང་སེང་གེའི་ལག་ནས་དབང་ཆ་འཕྲོག་གི་ཡོད། དབང་ཆ་འཕྲོག་ཚར་རྗེས་སུ་ཁོ་ཚོས་གྲངས་མང་གི་མང་གཙོ་སྒེར་གཅོད་བྱས་ཤིང་། ཁོ་ཚོས་དེ་ལྟར་མཛད་པ་ནི། ཁྲིམས་མཐུན་དང་། མང་གཙོ། རྒྱལ་བའི་བཀའ་སྲུང་ཆེད་དུ་ཡིན་ལབ་ནས། ལོ་རྒྱུས་གསར་བ་འབྲི་ངེས་རེད། དེ་སྔོན་དེ་ལྟར་དུ་མ་བྲིས་ཡོད་པས། ཁོ་ཚོས་ད་དུང་ཡང་དེ་ལྟར་འབྲི་ཐུབ་རྒྱུའི་གདེང་ཚོད་ཡོད་པས། ཁྲིམས་འགལ་གྱི་ཐོག་ནས་ཁྲིམས་དཔོན་ཚོ་སླར་ཡང་ལོག་ཅིང་། ཐ་ན་སྲིད་སྐྱོང་གསར་བའི་མཛད་སྒོ་ཡི་གོ་རིམ་འགྲོ་རྒྱུའི་གསལ་བསྒྲགས་བྱས་བ་འདི་རེད།

དོན་དངོས་གསལ་བསྒྲགས་བྱེད་དགོས་ན། བྱེད་མཁན་ནི་བཀའ་སྤྱི་གཉིས་དང་། ལྷག་པར་དུ་བཀའ་ཤག་ཡིན་དགོས་བ་ལས། ཁྲིམས་ཞིབ་ཁང་མིན། བདེན་ཏེ། ཁྲིམས་ཞིབ་པ་ནི་མི་མང་གིས་གདམ་པ་མིན་པས། མི་མང་གིས་ཐད་ཀར་གདམ་པའི་སྐུ་ཚབ་ནི་སྲིད་སྐྱོང་དང་། སྤྱི་འཐུས་ལ་གྱུར་ཡོད་པས་ཡིན། འོན་ཀྱང་། ཁྲིམས་ཞིབ་པ་ཚོ་ཁྲིམས་འགལ་གྱི་ཐོག་ནས་ཡར་ལ་སླེབས་པ་ཙམ་མ་ཟད། ཧམ་པ་ཆེན་པོས་དེ་རིང་སྲིད་སྐྱོང་གསར་བའི་མཛད་རིམ་གསལ་བསྒྲགས་བྱས་བ་ནི། ཁྲིམས་འགལ་རེད་ལ། བཀའ་ཤག་དང་སྤྱི་རྒྱུན་གཉིས་ཀྱི་ལག་ནས་དབང་ཆ་འཕྲོག་པའི་ལས་འགུལ་རེད། ཁོ་ཚོས་འདི་ལྟར་ཧམ་པ་ཆེན་པོ་བྱས་ན། བཀའ་ཤག་གི་དཔའ་ཞིམ་ནས་ཅི་ཡང་སྨྲ་མི་ཕོད་སྙམ་པས་རེད།

དེ་རིང་སྤེན་པ་ཚེ་རིང་གི་སྲིད་སྐྱོང་གི་དམ་འབུལ་གྱི་སྐུ་མདུན་གྱི་གསུངས་དེ་ནི་ཐད་གཏོང་མིན་ཡིན་མི་དུ་མར་དོགས་པ་སླེབས་འདུག 

      —— ཨ་ནུ་ཐང་བསོད་ནམས། ༢༧/༥/༢༠༢༡ 

དེ་རིང་སྤྱི་ཟླ ༥ ཚེས ༢༧ ཉིན་གྱི་སྐུ་མདུན་གྱིས་སྤེན་པ་ཚེ་རིང་གི་སྲིད་སྐྱོང་དམ་འབུལ་ལ་གནང་བའི་གསུངས་བཤད་ནི་དེ་སྔོན་ནས་བརྙན་དུ་བླངས་བའི་བརྙན་འཕྲིན་ཡིན་ངེས་བ་དང་། དེའི་རྐྱེན་གྱིས་ནད་ཡམས་ལ་ཁ་གཡར་ནས་བོད་ཀྱི་བརྙན་འཕྲིན་ཁང་མ་གཏོགས་གསར་འགོད་པ་སུ་ཡང་། མཛད་སྒོ་རུ་བཏང་མི་འདུག རྒྱུ་མཚན་ནི། སྐུ་མདུན་གྱིས་སྤེན་པ་ཚེ་རིང་གི་སྲིད་སྐྱོང་གི་དམ་འབུལ་བྱེད་སྐབས་སུ་ཐད་གཏོང་གིས་གཟིགས་མེད་པ་དང་། ལས་རིམ་ལྔ་བའི་ཚར་རྗེས་སུ་མ་གཏོགས་སྐུ་མདུན་བརྙན་ཐོག་ཏུ་ཕེབས་མེད་པ་མ་ཟད། སྐུ་མདུན་གྱིས་བཀའ་མོལ་གནང་ཟིན་རྗེས་སུ་དྲ་རྒྱའི་ཐོག་ནས་དྲི་བ་དྲི་ལན་སོགས་གཏན་ནས་མེད་པས། བརྙན་འདི་ནི་དེ་སྔོན་ནས་བླངས་ཟིན་པ་གསལ་བོར་གྱུར་བཞིན་འདུག དེར་བརྟེན། རྣམ་པ་ཚོས་བརྟག་དཔྱད་མང་དུ་བཏང་བའི་རེ་བ་ཡོད།

དེ་ལས་རྒྱུ་མཚན་གལ་ཆེན་ཞིག་ནི་སྐུ་མདུན་ལ་སྤྱི་འཐུས་ཀྱིས་སྲིད་སྐྱོང་གི་དམ་འབུལ་ངོས་ལེན་མེད་པ་ཞུས་མེད་པ་གསལ་ཞིང་། བརྙན་ལམ་དུ་ཡང་སྐུ་མདུན་གྱིས་མང་གཙོ་གལ་ཆེ་ཚུལ་དང་། མང་གཙོ་གལ་ཆེན་ཡིན་པས། བཙན་བྱོལ་དུ་འབྱོར་ནས་ལོ་ཁ་ཤས་ཀྱི་རྗེས་སུ་མི་མང་གི་སྐུ་ཚབ་སྤྱི་འཐུས་བཙུགས་ཚུལ་གསུངས་འདུག་པས་ཡིན།

ལྷག་པར་དུ་གསུང་འཕྲིན་གྱི་འཇུག་ཏུ་སྐུ་མདུན་གྱིས་སྐུ་མདུན་གྱིས་དམིགས་བསལ་གྱིས་ཉན་མཁན་ཚོ་ལ་ཁ་བརྡ་མེད་པ་དང་། ཐད་གཏོང་རྒྱུད་ནས་སྲིད་སྐྱོང་གསར་རྙིང་གཉིས་ལ། ཅི་ཡང་མ་གསུངས་བས། དེ་ནི་ཐད་གཏོང་མིན་པའི་དོགས་གཞི་རྒྱ་ཆེན་འདུག མི་དུ་མ་ལ་དོགས་པ་དེ་བྱུང་འདུག དེ་ལ་དཔྱད་པ་བཏང་བའི་རེ་བ་ཡོད། དེ་སྔོན་སྐུ་སྒེར་ཡིག་ཚང་དུ་འདི་ལྟར་གཅར་འདྲི་ངོས་སུ་བྱེད་ཁུལ་བྱེད་པའི་ལམ་སྲོལ་ཡོད།

མ་གཞི་ནས་གྲོས་ཚོགས་འགོག་ཆེད་དུ་གདམ་ཐོན་སྲིད་སྐྱོང་སྤེན་པ་ཚེ་རིང་གིས་ཟམ་གདོང་རིན་པོ་ཆེ་དང་། ཁྲིམས་ཞིབ་པའི་ངག་ལ་ཉན་ནས། སྐུ་མདུན་ལ་བཀའ་སློབ་གནང་ཟེར་བ་ནི་མང་གཙོའི་ཁྲིམས་དང་འགལ་ཡོད། ༢༠༡༩ ལོའི་ཟླ ༩ ནང་དུ་དབྱིན་ཇིའི་སྲིད་བློན་རྗོན་སོན་གྱིས་གྲོས་ཚོགས་འགོག་ཆེད་དུ་དབྱིན་ཇིའི་རྒྱལ་མོ་ལ་རེ་བ་ཞུས་བ་ཁྲིམས་འགལ་དུ་ངོས་འཛིན་བྱས་ཡོད། སྤེན་པ་ཚེ་རིང་དང་ཟམ་གདོང་རིན་པོ་ཆེས་ཀྱང་དེ་ལྟར་མཛད་པས་ཁྲིམས་འགལ་དུ་གྱུར་ཡོད།

Johnson’s suspension of parliament unlawful, supreme court rules. It is same, Penpa tsering asked holiness to give speech is unlawful due to it suspended parliaments..

https://amp.theguardian.com/law/2019/sep/24/boris-johnsons-suspension-of-parliament-unlawful-supreme-court-rules-prorogue

སྐུ་མདུན་གྱིས་ཐད་གཏོང་མཛད་མེད་པའི་དོགས་གཞི་ཆེན་པོ་དགུ འོན་ཀྱང་། བདེན་མིན་སོ་སོའི་དཔྱད་པ་ཐོངས། དཔྱད་གཞིའི་ཚུལ་དུ་ཕུལ་བ་ཡིན། 

          ་——— ཨ་ནུ་ཐང་བསོད་ནམས། ༢༨/༥/༢༠༢༡ 

༡༽ སྐུ་མདུན་གྱིས་སྲིད་སྐྱོང་གསར་རྙིང་གི་མཇལ་འཕྲད་ཀྱི་ཐད་གཏོང་ལ་གཟིགས་མེད་ཅིང་། གའ་ལྡན་ཕོ་བྲང་གི་མཚན་རྟགས་འཁོད་པའི་སྐུ་དཔར་འདི་ནི། སྲིད་སྐྱོང་གི་མཛད་སྒོ་གྲུབ་རྗེས་སུ་སྐུ་མདུན་ལ་མཛད་སྒོའི་བརྙན་འཕྲིན་སྤྱན་འབུལ་ཞུ་སྐབས་ཀྱི་བརྙན་ཡིན་པ་ཇེ་གསལ་དུ་གྱུར་འདུག རྒྱུ་མཚན་ནི། སྐར་ཆ ༡༩ ནང་དུ་སྐུ་མདུན་ཕྱག་བྲེལ་འཚུབ་འཚུབ་ཀྱིས་གློར་བུར་དུ་ཐད་གཏོང་དུ་མི་ཕེབས་པས་ཡིན་ལ། སྲིད་སྐྱོང་རྙིང་བས་གསར་བ་ལ་ཁྭ་བཏགས་ཕུལ་རྗེས་སུ་སྐུ་མདུན་གྱི་གསུངས་འཕྲིན་ཡོད་སའི་བརྙན་འཕྲིན་གྱི་སྒོ་ཕྱེ་བས་ཡིན།

༢ ༽ སྲིད་སྐྱོང་གི་མཇལ་ས་སྐུ་དཔར་གྱི་མདུན་ཡིན་པ་ལས་བརྙན་འཕྲིན་གྱི་ནང་མ་རེད། གལ་སྲིད་སྐུ་མདུན་དྲ་ཐོག་ནས་བཞུགས་ཡོད་ན། སྲིད་སྐྱོང་བློ་སེང་གིས་རྣམ་འགྱུར་དེ་ལྟར་བསྟན་གྱི་རེད་དམ། བསྟན་སྲིད་ཀྱི་མ་རེད་ལ། མཇལ་དར་སྐུ་དཔར་ལ་ཡང་དེ་བས་ཕུལ་སྲིད་ཀྱི་མ་རེད།

༣༽ སྲིད་སྐྱོང་གིས་མཇལ་དར་ཕུལ་ས་ཡང་བརྙན་འཕྲིན་གྱི་ཟུར་གྱི་སྐུ་དཔར་ཡིན་པ་ལས། སྐུ་མདུན་བཞུགས་སའི་བརྙན་འཕྲིན་གྱི་མདུན་མིན་མ་ཟད། སྐུ་མདུན་ཐད་གཏོང་སུ་བཞུགས་ཡོད་པའི་ལུས་ཀྱི་རྣམ་འགྱུར་གཏན་ནས་མེད་པ།

༤༽ མཇལ་དར་ཕུལ་སྐབས་སུ་ཡང་སྲིད་སྐྱོང་ལ་བརྙན་འཕྲིན་གྱི་ནང་དུ་སྐུ་མདུན་ངོས་སུ་བཞུགས་ཡོད་པའི་སྣང་བ་གཏན་ནས་མི་འདུག འོན་ཀྱང་། ཁྲིམས་ཞིབ་པ་ཡར་ལོག་དང་། གདམ་ཐོན་སྤེན་པ་ཚེ་རིང་གཉིས་ཀས་མཇལ་དར་སྐུ་མདུན་གྱི་བརྙན་འཕྲིན་གྱི་མདུན་དུ་ཕུལ་ཏེ། སྐུ་མདུན་གྱིས་ཐད་གཏོང་མཛད་བཞིན་ཡོད་པ་ལྟ་བུ་འའཁྲབ་ཀྱང་། སྤེན་ལ་ཚེ་རིང་གིས་ཁྲིམས་ཞིབ་པ་ཡར་ལོག་ལྟར་སྐུ་མདུན་ཐད་གཏོང་གི་ཐོག་ཏུ་བཞུགས་ཡོད་པའི་ལུས་ཀྱི་རྣམ་འགྱུར་བསྟན་མ་ཐུབ།

༥ གལ་སྲིད་སྐུ་མདུན་གྱིས་བརྙན་འཕྲིན་གྱི་ནང་དུ་ཐད་གཏོང་བྱས་ནས་ངོས་སུ་གཟིགས་ཡོད་ན། སྲིད་སྐྱོང་བློ་སེང་གིས་མཇལ་དར་བརྙན་འཕྲིན་གྱི་ཟུར་གྱི་སྐུ་དཔར་ལ་ཕུལ་མི་འོས་བས། བརྙན་འཕྲིན་གྱི་མདུན་དུ་ཕུལ་ངེས་ཡིན་པ།

༦༽ དགའ་ལྡན་ཕོ་བྲང་གི་ལས་བྱེད་ཁག་ཅིག་གིས་འདི་ལྟར་ཐད་གཏོང་ངམ། ཐད་འདྲི་མིན་ཡང་། ཡིན་ཁུལ་བྱེད་པའི་ལམ་སྲོལ་སྔོན་མ་ནས་ཡོད་པ།

༧༽ སྐར་ཆ ༡༩ སྔོན་དུ་སྐུ་མདུན་ཐད་གཏོང་ནང་བཞུགས་མེད་པས། སྐར་ཆ ༡༩ ནང་དུ་སྐུ་མདུན་ཐད་གཏོང་དུ་ཕེབས་མི་ཐུབ་ལ། ཁྲིམས་ཞིབ་ཁང་གིས་བསྒྲིགས་པའི་མཛད་རིམ་གྱི་ཨང་གྲངས ༣ ནང་དུ་སྐུ་མདུན་གྱི་སྐུ་དཔར་ལ་མཇལ་དར་ཕུལ་རྒྱུ་ལས། སྐུ་མདུན་གྱི་བརྙན་འཕྲིན་གྱི་མདུན་དུ་མཇལ་དར་ཕུལ་རྒྱུ་བྱས་མེད། འོན་ཀྱང་། ཁྲིམས་ཞིབ་པ་དང་། གདམ་ཐོན་སྲིད་སྐྱོང་སྤེན་ཚེ་གཉིས་ཀས་བརྙན་འཕྲིན་ལ་མཇལ་དར་ཕུལ་ནས་ཚུལ་ཆོས་ཀྱི་ཟློས་གར་འཁྲབ་པ།

༨༽ དགའ་ལྡན་ཕོ་བྲང་གི་རྒྱལ་བ་རིན་པོ་ཆེའི་ངོ་དེབ་ཏུ་ཐོག་ཏུ་མ་གཏོགས། བོད་ཀྱི་བརྙན་འཕྲིན་ཁང་གི་ཐད་གཏོང་གི་ངོས་སུ་སྐུ་མདུན་གྱིས་ཐད་གཏོང་མཛད་པའི་རྣམ་པ་མེད་པས། རྒྱལ་བ་རིན་པོ་ཆེའི་དྲ་རྒྱའི་བདག་པོ་ནི་དགའ་ལྡན་ཕོ་བྲང་ཡིན་པས། དགའ་ཕོས་གང་བྱས་བྱས་ཡིན་པ།

༩༽ ཨ་རླུང་ཁང་གི་རྡོ་རྗེ་ཚེ་བརྟན་གྱིས་བོད་ཀྱི་བརྙན་འཕྲིན་ཁང་མ་གཏོགས་གསར་འགོད་པ་སུ་ཞིག་ནང་ལ་ཡོང་བཅུག་མི་འདུག་ཟེར་ནས་གསལ་བོར་གསུངས་འདུག་པས་ཡིན། མ་ཟད་ཨ་རླུང་ཁང་གིས་སྐུ་སྒེར་གྱིེས་བསྒྲིགས་པའི་རྒྱལ་བ་རིན་པོ་ཆེའི་བརྙན་ལ་གཞི་བཅོལ་ནས་བསྒྲིགས་ཤིང་། YouTube ནང་དུ་ཆུ་ཚོད ༧ རྗེས་སུ་བླུགས་འདུག་ལ། ཨེ་རླུང་ཁང་གིས་བོད་ཀྱི་བརྙན་འཕྲིན་གྱི་དོན་ལྟར་ཐད་གཏོང་བྱེད་འདུག་པས་བོད་ཀྱི་བརྙན་འཕྲིན་ལ་གཞི་བཅོལ་བ་ནི་དག་མར་གྱུར་འདུག དེའི་ནང་དུ་སྐུ་མདུན་གྱིས་ཐད་གཏོང་མཛད་པའི་རྣམ་པ་མེད། འོན་ཀྱང་། སྐུ་སྒེར་གྱིས་བསྒྲིགས་པའི་བརྙན་གྱི་ནང་དུ་ཐད་གཏོང་གི་རྣམ་པ་བསྟན་པ་ཡོད།

བར་བརྒལ་ཚོགས་གཙོ་ཟླ་བ་ཚེ་རིང་གིས་སྐུ་མདུན་གྱི་སྐུ་དཔར་མདུན་ནས་དམ་བཅའ་ཕུལ་རྒྱུ་རེད་འདུག 

           ——-ཨ་ནུ་ཐང་བསོད་ནམས། ༢༩/༥/༢༠༢༡ 

སྤྱི་འཐུས ༢༥ ཡིས་བར་བརྒལ་གྱི་སྤྱི་འཐུས་ཚོགས་གཙོ་ཟླ་བ་ཚེ་རིང་གིས་ཁྲིམས་ཞིབ་པའི་མདུན་ནས་དམ་བཅའ་འབུལ་རྒྱུའི་ལས་རིམ་ལ་དགག་པ་ཤུགས་ཆེ་བྱས་ཤིང་། དེ་ལྟར་བྱས་ན། ཁོ་ཚོས་ཟླ་བ་ཚེ་རིང་གི་མདུན་ནས་དམ་བཅའ་ལེན་རྒྱུ་མིན་ཚུལ་བརྗོད་པས། ཚོགས་དྲུང་ལས་ཁུངས་ཀྱིས་བར་བརྒལ་ཚོགས་གཙོས་ཁྲིམས་ཞིབ་པའི་མདུན་ནས་དམ་བཅའ་ལེན་པའི་ལས་རིམ་ལ་འགྱུར་བ་མི་བཏང་ཐབས་མེད་དུ་ཆགས་ཤིང་། འགྱུར་བ་བཏང་ནས། ཟླ་བ་ཚེ་རིང་གིས་སྐུ་མདུན་གྱི་སྐུ་དཔར་སྐུ་མདུན་ནས་དམ་བཅའ་ཕུལ་རྒྱུ་ཡིན་པའི་གནས་ཚུལ་སླེབས་འདུག འདི་ནི་ཁྲིམས་ཞིབ་པ་སླར་ལོག་གསུམ་ནི་ཁྲིམས་འགལ་གྱིས་སླར་ཡང་རང་གནས་སུ་སླེབས་པ་རེད་ཟེར་ནས་སྤྱི་འཐུས ༢༥ ཡིས་ངོ་རྒོལ་བྱས་བས་ཡིན་པས། ཁྲིམས་ཞིབ་པ་སླར་ལོག་གསུམ་སྤྱི་འཐུས་ཀྱིས་ངོས་ལེན་མེད་པ་སླར་ཡང་དྲན་གསོ་བཏང་འདུག

ཟླ་བ་ཚེ་རིང་གིས་སྐུ་མདུན་གྱི་སྐུ་དཔར་མདུན་ནས་དམ་འབུལ་ཞུས་རྗེས་སུ ༢༠༢༡ ཟླ ༦ ཚེས ༨ ཉིན་ཞོགས་ཁའི་ཆུ་ཚོད ༡༠ ཐོག་ཏུ་སྤྱི་འཐུས་གསར་བ་རྣམས་ཀྱིས་དམ་འབུལ་བྱེད་རྒྱུའི་ལས་རིམ་བསྒྲིགས་འདུག འདི་ནི་ཚོགས་དྲུང་ལས་ཁུངས་ཀྱིས་དེ་སྔོན་ཟླ ༥ ཚེས ༣༠ ཉིན་སྤྱི་འཐུས་གསར་བས་དམ་འབུལ་བྱེད་རྒྱུའི་ལས་འཆར་ལ་འགྱུར་བ་ཕྱིན་པས་རེད།

མ་གཞི་ཚོགས་དྲུང་ལས་ཁུངས་ཀྱིས་བར་བརྒལ་ཚོགས་གཙོ་ཡིས་ཁྲིམས་ཞིབ་པ་སླར་ལོག་གི་མདུན་ནས་དམ་བཅའ་ཕུལ་རྒྱུའི་ལས་རིམ་ལྟ་བུ་བཟོས་ཡོད་ཀྱང་། སྤྱི་འཐུས ༢༥ ཡིས་དེ་ལ་ངོ་རྒོལ་ཤུགས་ཆེན་བྱས་བས། དམ་འབུལ་གྱི་མཛད་སྒོ་ཟླ ༦ ཚེས ༨ བར་དུ་འཕར་འགྱང་བྱེད་དགོས་བྱུང་ཡོད། འོན་ཀྱང་། “ ཚོགས་དྲུང་ལས་ཁུངས་ཀྱིས་འཕར་འགྱང་བྱེད་དགོས་དོན་ནི་ནད་ཡམས་ཀྱིས་རྐྱེན་གྱིས་འཛོམ་མི་ཐུབ་ཚུལ་བརྗོད་པ་ལས། སྤྱི་འཐུས ༢༥ ཡིས་ཁོ་ཚོར་ངོ་རྒོལ་བྱས་བས་ཡིན་ཚུལ་བརྗོད་མེད”། དམ་འབུལ་གྱི་མཛད་སྒོ་འཕར་འགྱང་བྱེད་དགོས་བའི་རྒྱུ་མཚན་དངོས་སྦས་སྐུང་བྱས་ཡོད། དེ་རིང་ཚོགས་དྲུང་ལས་ཁུངས་ཀྱིས་བར་བརྒལ་ཚོགས་གཙོ་ཟླ་བ་ཚེ་རིང་གིས་དམ་བཅའ་བྱེད་ས་ནི་ཁྲིམས་ཞིབ་པ་མིན་པ། སྐུ་མདུན་གྱི་སྐུ་དཔར་གྱི་མདུན་ནས་ཞུ་རྒྱུ་ཡིན་ཚུལ་བསྒྲགས་ཡོད་པས། ༢༠༢༡ ཟླ ༥ ཚེས ༢༧ ཉིན་གྱི་ཚོགས་དྲུང་ལས་ཁུངས་ཀྱི་དམ་བཅའ་འབུལ་རྒྱུའི་ལས་འཆར་ལ་འགྱུར་བ་ཤུགས་ཆེན་ཕྱིན་ཡོད།

https://bangchen.net/48514/25/46/

སླར་ཡང་ཁྲིམས་ཞིབ་པ་གསུམ་ལ་ཐུག་པ་ནི་གཡག་བསད་པའི་སྒང་ལ་རྔ་མ་ངོམས་པའི་དཔེ་རེད། 

                  ——-ཨ་ནུ་ཐང་བསོད་ནམས། ༡/༦/༢༠༢༡ 

དེ་རིང་ཁྲིམས་ཞིབ་ཁང་དང་གདམ་ཐོན་སྲིད་སྐྱོང་སྤེན་པ་ཚེ་རིང་གཉིས་ཀྱི་ཐུག་འཕྲད་ཀྱི་དཔར་འདི་མཐོང་བས། གཡག་བསད་པའི་སྒང་ལ་རྔ་མ་ངོམས་ཟེར་བའི་ཕ་ཡུལ་གྱི་གཏམ་དཔེ་དེ་དྲན་བྱུང་། རྒྱུ་མཚན་ནི་དཔར་འདི་ནས་སྤེན་པ་ཚེ་རིང་དང་ཁྲིམས་ཞིབ་པ་གསུམ་དེ་སྔོན་ནས་ལྐོག་འབྲེལ་བྱས་ཤིང་ཁེ་ཕན་མཉམ་སྐྱོད་བྱེད་ཀྱི་ཡོད་པ་གསལ་བོར་བསྟན་པས་ཡིན། ཕན་ཚུན་ཐུག་འཕྲད་བྱས་ནས་བདུན་ཕྲག་གཅིག་མ་ལོངས་ཀྱང་། དེ་རིང་ཡང་བསྐྱར་དགའ་རོགས་གསར་བ་བཞིན་ཁ་ཐུག་ཅིང་ཕན་ཚུན་ལ་ཐལ་མོ་སྦྱར་ནས་དཔར་རྒྱག་དགོས་དོན་ནི། གཡག་བསད་པའི་སྟེང་ལ་རྔ་མ་ངོམས་པའི་དཔེ་ལྟར། ཁྱེད་ཚོ་མ་དགའ་ཡང་། ང་ཚོས་སྐྱིད་སྡུག་མཉམ་དུ་མྱོང་གི་ཡོད་ཅིང་། ད་དུང་ཡང་། སྐྱིད་སྡུག་མཉམ་མྱོང་གིས་སྤྱི་འཐུས་ལ་ཁ་གཏད་གཅོད་རྒྱུ་ཡིན་པའི་བརྡ་ལན་སྤྲོད་ཆེད་དུ་དཔར་འདི་བརྒྱབས་ཡོད་ལ། ལྷག་པར་དུ་སྤེན་པ་ཚེ་རིང་གི་རྒྱབ་སྐྱོར་བ་ཚོ་སྔ་ལས་སྤོབས་པ་སྐྱེས་ཆེད་དུ་དཔར་འདི་བརྒྱབས་པ་རེད། དཔར་འདི་རྒྱུད་སྤེན་པ་ཚེ་རིང་གིས་ཁྱེད་ཚོས་ང་ཚོ་ལ་རྒྱབ་སྐྱོར་བྱས་ན། ང་ཚོས་ཀྱང་ཁྱེད་ཚོའི་དགོས་འདོད་བསྒྲུབ་པར་ཞེད་སྣང་བྱེད་ཀྱི་མེད་ཟེར་ནས་ལྐོག་བརྡ་བརྒྱབས་པ་ཞིག་རེད། དཔར་འདི་མཐོང་བ་ཙམ་གྱིས་ཁྲིམས་ཞིབ་པ་ལ་རྒྱབ་སྐྱོར་བྱེད་མཁན་གྱི་ལྟ་བ་མཁྲེགས་པོ་འཁུར་མཁན་ཚོ། དགའ་ནས་རྒྱལ་ཁའི་མིག་ཆུ་ཤོར་ངེས་ཡིན་ཞིང་། དེ་དག་གི་རྒྱལ་ཁའི་དགའ་བའི་མིག་ཆུ་ནི་སྤེན་པ་ཚེ་རིང་གི་བདེ་བ་ཡིན་པས། ཁོས་དགའ་བདེའི་ཆེད་དུ་རྐང་བཙུགས་ནས་དཔར་འདི་བརྒྱབས་པ་རེད། 

གནས་ཚུལ་འདིས་སྤེན་པ་ཚེ་རིང་ཁོ་རང་ལ་རྒྱབ་སྐྱོར་བྱེད་མཁན་ཚོའི་སྲིད་སྐྱོང་གཙོ་བོ་བྱས་ཤིང་། དེ་དག་གི་དགོས་འདོད་བསྒྲུབ་འདོད་ཡོད་པ་ལས། ཁོ་ལ་རྒྱབ་སྐྱོར་མི་བྱེད་མཁན་ཚོ་སྣང་མེད་དུ་བཏང་རྒྱུ་ཡིན་པ་གསལ་བོར་བསྟན་ཡོད། བདེན་ཏེ། དེ་མིན་ཚེས་ཟླ ༥ ཚེས ༢༧ ཉིན་ཁོ་ཚོ་ཁ་ཐུག་ཡོད་ཅིང་། དེ་རིང་ཟླ ༦ ཚེས ༡ ཉིན་ཡང་བསྐྱར་ཁ་ཐུག་ནས། ཕན་ཚུན་ལ་ཐལ་མོ་སྦྱར་ཏེ། དཔར་ཁྱབ་བསྒྲགས་བྱེད་དགོས་བ་མི་འདུག ལྷག་པར་དུ་ཁོ་ཚོ་མཐུན་གྲོགས་ཡིན་པས། ཕན་ཚུན་ལ་ཐུག་སྐབས་སུ་རྒྱུས་མེད་ལྟར་ཐལ་མོ་སྦྱར་ནས་ཐུག་དགོས་མེད་ལ། ཐུག་ཀྱང་ཐལ་མོ་སྦྱར་ནས་དཔར་བརྒྱབས་དགོས་དོན་མེད། 

དྲང་མོ་དཔྱད་ན་སྐུ་མདུན་ལ་གསོལ་བ་བཏབས་ནས་སྲིད་སྐྱོང་གི་དམ་འབུལ་ལ་བཀའ་སློབ་གནང་ཟེར་མཁན་སྤེན་པ་ཚེ་རིང་ཡིན་ལ། བཀའ་སློབ་གནང་དུ་བཅུག་ཅིང་། ཁྲིམས་ཞིབ་པ་ཡར་ལོག་གང་ཐུབ་ཀྱིས་ཁྲིམས་མཐུན་དུ་བསྒྱུར་མཁན་ནི་སྤེན་པ་ཚེ་རིང་ཡིན། ལྷག་པར་དུ་སྤྱི་འཐུས་ལ་སྣང་མེད་དུ་ཁོའི་སྲིད་སྐྱོང་གི་མཛད་སྒོ་གོ་ཁྲིམས་ཞིབ་ཁང་ལ་གོ་བསྒྲིགས་བྱེད་དུ་བཅུག་ཅིང་། དེའི་མདུན་ནས་དམ་བཅའ་ཕུལ་བས། སྤེན་པ་ཚེ་རིང་གི་ངོས་ནས་དེ་ལས་ལྷག་གི་ཁྲིམས་ཞིབ་པ་ལ་རྒྱབ་སྐྱོར་བྱེད་སྟངས་མེད། ལྷག་པར་དུ་དེ་རིང་ཡང་བསྐྱར་ཐུག་པ་འདིས་ཁོ་ཚོ་མཉམ་ལས་བྱེད་ཀྱི་ཡོད་པ་གསལ་བོར་བསྟན་འདུག དེ་མིན་ཁོའི་རྙོག་དྲ་ཅན་གྱི་ཁྲིམས་ཞིབ་པའི་མདུན་ནས་དམ་བཅའ་ཕུལ་མི་དགོས་བ། བཅའ་ཁྲིམས་དང་སྐུ་མདུན་གྱི་སྐུ་དཔར་གྱི་མདུན་ནས་ཕུལ་ན། རྙོག་དྲ་ཉུང་བ་ཡོད། འོན་ཀྱང་། ཁོའི་རང་གི་མཐུན་ཕྱོགས་ལ་རྒྱབ་སྐྱོར་བྱེད་ཆེད་དུ་ཁྲིམས་ཞིབ་པའི་མདུན་ནས་དམ་བཅའ་བླངས་ཡོད། དེར་བརྟེན། སྤེན་པ་ཚེ་རིང་ཡང་། ཁྲིམས་ཐོག་ནས་ཁྲིམས་མཐུན་གྱི་སྲིད་སྐྱོང་ལ་ད་དུང་གྱུར་མེད། འདི་ནི་སྤེན་ཚེའི་རྒྱབ་སྐྱོར་བ་ཚོས་ཁྲིམས་ཞིབ་པ་གསུམ་བསྐྱབས་ཤིང་། གྲོས་ཚོགས་བཀག་པས། སྤེན་ཚེ་ལ་སྤྲད་པའི་ལེགས་སྐྱེས་རེད། ལེགས་སྐྱེས་དེས་སྤེན་པ་ཚེ་རིང་ཁྲིམས་མཐུན་མིན་པའི་སྲིད་སྐྱོང་བཟོས་ཡོད

མཆན། གོང་གསལ་རྩོམ་ཡིག་༢༤ ཕྱོགས་བསྡུས་བྱས་པ་དེ་དག་འདི་ག་གནམ་འོག་གི་གསར་འགྱུར་ཚན་པས་ཁྱབ་སྤེལ་བྱ་རྒྱུར་རྩོམ་པ་པོ་སྐུ་ངོ་མས་དངོས་སུ་ཆོག་མཆན་ཐོབ་ཡོད་ལ། རྩོམ་ཡིག་དེ་རྣམས་ཆེས་མཐོའི་ཁྲིམས་ཞིབ་པ་འཕོ་འགྱུར་དང་འབྲེལ་བའི་རྩོམ་ཡིག་ཞེ་གཅིག་ཡིན། འོན་ཀྱང་། མདོ་སྨད་ཀྱི་རྩོམ་པ་པོ་གྲགས་ཅན་ཨ་ནུ་ཐང་བསོད་ནམས་ལགས། རྩོམ་སྒྲིག་སོགས་ཕྱག་ལས་སྣ་ཚོགས་ཀྱིས་བྲེལ་བ་ཧ་ཅང་ཆེ་བས་སྐུ་ཉིད་ནས་རྩོམ་ཡིག་དེ་རྣམས་སྒེར་གྱི་ངོ་དེབ་ཐོག་ (Facebook) བྲེལ་ཟིང་དབར་ནས་འཕྲལ་མར་སྤེལ་བ་ཞིག་ཡིན་པས་ཆེས་ཐ་མའི་ཞུ་དག་བྱུང་མེད་པ་དེ་དོན་ཀློག་པ་པོ་རྣམ་པས་དགོངས་མངའ་ཡོད་པ་ཞུ། 

འདི་ག་གནམ་འོག་གི་གསར་འགྱུར་ཚན་པས་རྩོམ་ཡིག་ཕྱོགས་བསྡུས་ཀྱིས་ལས་འགུལ་མྱུར་སྤེལ་བྱ་དགོས་དོན་ནི། འདི་གའི་གསར་འགྱུར་ཚན་པའི་བརྙན་འཕྲིན་ལས་ཚན་ ༡༤༥ པའི་ནང་སྒྲགས་ཟིན་པ་ལྟར། རྩོམ་པ་པོ་ཁོང་ནས་ཁྲིམས་ཞིབ་པ་འཕོ་འགྱུར་སྐོར་གྱི་རྩོམ་ཡིག་ཁག་གཅིག་ཡོད་པ་དེ། གནད་ལ་འཁེལ་བ་དང་དུས་ཐོག་ཆར་པ་ལྟབུ་དམིགས་བསལ་རང་བཞིན་གྱི་ཁྱད་ཆོས་ཡོད་པའི་རྩོམ་ཡིག་ཤ་སྟག་ཡིན་པས། དེང་སང་བོད་པའི་སྤྱི་ཚོགས་ནང་ཁྲིམས་ཞིབ་པ་འཕོ་འགྱུར་དང་འབྲེལ་བའི་གླེང་སློང་དང་དོ་སྣང་ཆེན་པོ་ཡོང་བཞིན་པར་ཕན་ཐོགས་ཆེན་ངེས་ཅན་ཡོང་རྒྱུར་རེ་འདུན་བཅངས་པ་ཡིན། 

གལ་ཏེ་དུས་ཚོད་སོགས་ཀྱི་ཆ་རྐྱེན་ལེགས་པོ་བྱུང་ན། རྩོམ་ཡིག་དེ་དག་ལ་ཆེས་ཐ་མའི་ཞུ་དག་ཡོང་རེ་དང་ཁྲིམས་ཞིབ་པ་འཕོ་འགྱུར་དང་འབྲེལ་བ་ཨ་ནུ་ཐང་གི་རྩོམ་ཡིག་གསར་པ་གཞན་ཡང་སླེབས་ཚེ། ཤོག་ངོས་འདིར་མུ་འགོད་བྱ་རྒྱུ་ཡིན་པས་དེ་དོན་ཐུགས་ངེས་ཡོང་ཞུ།། །། རྩོམ་སྒྲིག་པ་ཉག་རོང་བཙན་པོས།