རྒྱ་གར་མཁས་པས་རྒྱ་དཀར་ནག་གཉིས་ཀྱིས་བོད་དོན་གླེང་དགོས་ཟེར།

ཐེངས་ 7017 བཀླགས་འདུག

 རྒྱ་གར་མཁས་པས་རྒྱ་དཀར་ནག་དང་བོད་དོན་གླེང་བ།

བོད་མི་མང་སྤྱི་འཐུས་ལྷན་ཁང་ཚོགས་དྲུང་ལས་ཁུངས་ཀྱི་གོ་ སྒྲིག་འོག་རྒྱ་གར་གྱི་མཁས་དབང་མོ་ཧན་གུ་རུ་སོ་ཝ་མེ་(Mohan Guru Swamy)མཆོག་ གིས་རྒྱ་ནག་གི་སྲིད་འཛིན་ཞི་ཅིན་ཕིན་མཆོག་རྒྱ་གར་དུ་གཞུང་འབྲེལ་གཟིགས་སྐོར་ ལ་ཕེབས་པ་དང་བསྟུན་ནས་རྒྱ་དཀར་ནག་དང་བོད་དོན་སྐོར་གླེང་སློང་།

དེ་ཡང་ཟླ་འདིའི་ཚེས་༡༦ཉིན་གྱི་ཞོགས་པ་ཆུ་ཚོད་༡༠།༠༠པའི་ཐོག་བོད་ཀྱི་གསོལ་མགྲོན་ཁང་ནང་དུ་བོད་མི་མང་སྤྱི་འཐུས་ལྷན་ཁང་ཚོགས་དྲུང་ལས་ཁུངས་ཀྱི་གོ་སྒྲིག་འོག་སྐུ་ཞབས་མོ་ཧན་གུ་རུ་སོ་ཝ་མེ་(Mohan Guru Swamy)མཆོག་ནས་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་དང་རྒྱ་བོད་གཉིས་ཀྱི་གསར་འགོད་པར་བགྲོ་གླེང་ཞིག་ཚོགས་གནང་སོང་། སྐུ་ཞབས་མོ་ཧན་གུ་རུ་སོ་ཝ་མེ་(Mohan Guru Swamy)མཆོག་ནས་གསར་འགོད་པར་བརྗོད་དོན།  ཞི་ཅིན་ཕིན་གྱིས་གང་གི་སྐོར་ལ་གླེང་བརྗོད་བྱེད་སམ། ངའི་བསམ་པར་ཞི་ཅིན་ཕིན་རྒྱ་གར་ལ་ཕེབས་རྗེས་གླེང་བརྗོད་གཙོ་བོ་དེ་རྒྱ་དཀར་ནག་གི་ཚོང་འབྲེལ་དབར་དང་། མཐའ་འཚམས་ཀྱི་དཀའ་རྙོག གསར་འགྱུར་གྱི་གནད་དོན། ཤོག་སྒོར་གྱི་འཛའ་གོང་། རྒྱ་ནག་གི་ཟ་ཁང་། རྒྱ་གར་གྱི་བཟོ་གྲྭའི་ཐོན་ལས་རྣམ་པར་རྒྱ་ནག་གི་ངོས་ནས་ལྟ་ཚུལ་ཇི་ལྟར་ཡིན་མིན་བཅས་ཀྱི་ཐོག་བགྲོ་གླེང་གི་རྩ་དོན་ཞིག་ཆགས་ཡོད་པ་རེད།

རྒྱ་ནག་དང་བོད་ཀྱི་གནད་དོན་སྐོར་རྒྱ་ནག་དང་བོད་དོན་གྱི་དཀའ་རྙོག་དེ་ངེས་པར་དུ་བགྲོ་གླེང་བྱེད་དགོས་ཀྱི་ཡོད་པ་རེད། ང་ཚོའི་ངོས་ནས་གྲོས་མོལ་བྱེད་རྒྱུར་རྒྱབ་བསྐྱོར་་ཡོད་ལ་ཡང་ཡང་བཤད་ཀྱི་ཡོད། རྒྱ་ནག་གཞུང་ནས་བོད་དོན་ཆེད་བགྲོ་གླེང་བྱེད་རྒྱུར་བརྩི་འཇོག་བྱེད་དགོས་པ་རེད། ད་ལྟའི་ཆར་བོད་མི་མང་ལ་དཀའ་ངལ་མང་པོ་འཕྲད་ཀྱི་ཡོད་པ་ངས་ཤེས་ཀྱི་ཡོད། རྒྱ་གར་་ལ་ཆ་བཞག་ན་ཡང་(1.21 billion)མི་འབོར་ཐེར་འབུམ་གཅིག་དང་གྲངས་ཆུང་ཉི་ཤུ་རྩ་གཅིག་ལ་ཁྲིམས་ལུགས་ཀྱི་སྟངས་འཛིན་བྱེད་རྒྱུ་དང་(5 million people) མི་འབོར་ས་ཡ་ལྔ་ཙམ་ལ་ལས་ཀའི་དཀའ་ངལ་མུ་མཐུད་འཕྲད་བཞིན་ཡོད་པ་མ་ཟད་རྒྱ་གར་དང་པཱ་ཀི་སི་ཐན་དབར་དཀའ་ངལ་མང་པོ་ཞིག་འཕྲད་བཞིན་ཡོད་པ་རེད་ཅེས་དང་། ཉིན་ཞིག་བོད་ལ་རང་དབང་ཐོབ་ཀྱི་རེད། ༡༩༤༧ལོར་བོད་དེ་མང་གཙོའི་རྒྱལ་ཁབ་ཞིག་ཡིན་པ་དེ་བརྒྱུད་རིམ་ཞིག་རེད། ལོ་ངོ་༥༠༠སྔོན་རྒྱ་གར་་ཡང་རང་བཙན་རྒྱལ་ཁབ་ཞིག་རེད་རྗེས་ལ་དབྱིན་ཇིས་བཙན་འཛུལ་བྱས་ནས་ལོ་ངོ་༢༠༠ཙམ་དབང་འགྱུར་བྱས་པ་རེད་ཅེས་འགྲེལ་བརྗོད་གནང་སོང་།

སྤྱི་འཐུས་ཚོགས་དྲུང་ལས་ཁང་གི་དྲུང་གཞོན་བསྟན་འཛིན་ཆོས་སྒྲོན་ལགས་ཀྱིས་འདི་གའི་གསར་འགོད་པར་གསུངས་དོན། ངའི་མིང་ལ་བསྟན་ཆོས་སྒྲོན་ཟེར་གྱི་ཡོད། སྤྱི་འཐུས་ཚོགས་དྲུང་ལས་ཁང་གི་དྲུང་གཞོན་ཡིན། ད་ལྟ་ང་ཚོའི་ལས་ཁུངས་ངོས་ནས་སྐུ་མགྲོན་ལ་སྣེ་ལེན་ཞུ་ཡི་ཡོད། མཁས་དབང་མོ་ཧན་སོ་ཝ་མེ་ཡི་སྐོར་ལ་ངོ་སྤྲོད་ཞུས་པ་ཡིན་ན། ཁོང་རང་ད་ལྟའི་འཆར་(Center for Policy Alternatives Society)ཡི་ཚོགས་གཙོ་རེད་འདུག འཛམ་གླིང་སློབ་གྲྭ་ཆེན་མོ་ནས་སློབ་ཐོན་བྱུང་བ་དང་དཔེ་དེབ་ཡང་ཁ་ཤས་བརྩམས་གནང་ཡོད་འདུག དེ་རིང་ཁོང་ཉིད་ང་ཚོའི་ལས་ཁུངས་ཀྱི་ངོས་ནས་སྐུ་མགྲོན་ཞིག་ལ་གདན་ཞུས་གནང་བ་རེད། དེ་ཡང་ངྷི་ལི་ལ་ཡོད་པའི་བོད་ཀྱི་གྲོས་ཚོགས་དང་སྲིད་ཇུས་ཀྱི་མཐུན་འགྱུར་འོག་འདི་ག་ལས་ཁུངས་ཀྱིས་ངོས་ནས་སྐུ་མགྲོན་གཙོ་བོ་མཁས་དབང་མོ་ཧན་གུ་རུ་སོ་ཝ་མེ་མཆོག་ལ་སྣེ་ལེན་བྱས་པའི་ཐོག་བགྲོ་གླེང་གི་གོ་སྒྲིག་འདི་བྱས་པ་རེད། བགྲོ་གླེང་འདིར་མཉམ་བཞུགས་བྱེད་མཁན་ཡང་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་དང་རྒྱ་བོད་གཉིས་ཀྱི་གསར་འགོད་པར་བགྲོ་གླེང་འདི་གོ་སྒྲིག་ཞུས་གནང་བ་རེད་ཅེས་འགྲེལ་བརྗོད་གནང་སོང་། གནས་ཚུལ་ཡོང་ཁུངས་ཤམ་བྷ་ལའི་ཕོ་ཉ། ༢༠༡༤།༠༩།༡༧ ཉིན་སྤེལ།